Иҹтимаи јерләрдә мүвәффәгијјәтлә тәблиғ едирик
1. Мүасир мәсиһчиләр Ы әсрин мәсиһчиләрини тәглид едәрәк, иҹтимаи јерләрдә неҹә шаһидлик едирләр вә бу һансы нәтиҹәләри ҝәтирир?
1 Исанын еркән шаҝирдләри кими, мүасир мәсиһчиләр дә һәр јердә инсанларла хош хәбәри бөлүшмәјә чалышырлар (Һәв. иш. 16:13; 17:17; 20:20, 21). Онларын Аллаһын Кәламыны иҹтимаи јерләрдә тәблиғ етмәк сә’јләри сајәсиндә, һеч вахт евдә тапа билмәдикләри инсанлар хош хәбәрә мараг ҝөстәрир.
2. Иҹтимаи јерләрдә тәблиғ едәркән нә үчүн дәрракәли олмаг ҝәрәкдир вә низам-интизама риајәт етмәк үчүн нә едә биләрик?
2 Иҹтимаи јерләрдә мүвәффәгијјәтлә тәблиғ етмәк үчүн дәрракәли олмаг ҝәрәкдир. Јахшы оларды ки, өзүмүзә һәддиндән артыг диггәт ҹәлб етмәјәк. Мәсәлән, әҝәр ејни саһәдә вә ја тиҹарәт јерләриндә чохлу тәблиғчи тәблиғ едирсә, бә’зи адамлар өзләрини нараһат һисс едә биләрләр. Тәблиғә бу ҹүр мүнасибәт фәалијјәтимизи дәјәрсиз едә вә арзу олунан нәтиҹәләрә наил олмаға мане ола биләр. Бунун баш вермәмәси үчүн биз нә едә биләрик? Әразисиндә тәблиғ үчүн чохлу иҹтимаи јерләри олан бә’зи јығынҹаглар онлары ајры-ајры саһәләрә бөлмәк гәрарына ҝәлмишләр (1 Кор. 14:40). Јығынҹағын хидмәти комитәсинин башга јығынҹаға көмәк ҝөстәрмәји хаһиш етдији һаллардан савајы, јалныз бизим јығынҹаға тә’јин олунан әразидә тәблиғ етсәк, низам-интизама риајәт етмиш олуруг. («Бизим Падшаһлыг Хидмәтимиз»ин 1998-ҹи ил нојабр сајында с. 5, 6, абз. 18, 19 бах, рус.)
3. Иҹтимаи јерләрдә мүвәффәгијјәтлә тәблиғ етмәк үчүн һансы үсулдан истифадә етмәк олар?
3 Инсанларла сөһбәтә башламағын үсулу. Иса гујунун јанында бир гадынла сөһбәтә садә бир суалла башлады. О, гадынын марагландығыны ҝөрдүкдә сөһбәтинә давам етди (Јәһ. 4:7-26). Бу үсул мүәјјән шәраитләрдә бу ҝүн дә еффектлидир. Бә’зи тәблиғчиләр әмин олмушлар ки, Падшаһлыг һаггында сөһбәтә башламаздан әввәл инсаны саламладыгда вә ишләринин неҹә ҝетдији илә марагландыгда, иҹтимаи јерләрдә тәблиғ етмәк даһа асан олур. Онлар, әразиләриндә јашајан инсанлары марагландыран мөвзулара тохунурлар, бу исә мәзмунлу сөһбәтләрә ҝәтириб чыхарыр. Инсанлар өз нараһатчылыглары илә бөлүшәндә, тәблиғчиләр онлара диггәтлә гулаг асырлар. Сонра исә Мүгәддәс Китабын вердији тәсәлли һаггында данышырлар (Ром. 15:4).
4. Инсанын марағыны неҹә инкишаф етдирмәк олар?
4 Ҝөстәрилән марағы инкишаф етдирмәк. Инсанларын ҝөстәрдикләри һәр бир марағы инкишаф етдирмәјә чалышмалыјыг. Буну неҹә едә биләрик? Сөһбәтин сонунда гејд дәфтәрчәсини чыхарыб дејә биләрсән: «Сизинлә сөһбәт етмәк мәнә чох хош ҝәлди. Сөһбәтимизи башга вахт давам етдирә биләрикми?» Вә ја бу ҹүр демәк олар: «Мән сизә бир мараглы мәгалә вермәк истәјирәм, әминәм ки, хошунуза ҝәләҹәк. Ону евинизә вә ја иш јеринизә ҝәтирә биләрәмми?» Бә’зи тәблиғчиләр исә садәҹә олараг сорушурлар: «Сизинлә неҹә әлагә сахламаг олар?» Адәтән белә һалларда инсанлар јахшы мүнасибәт ҝөстәрирләр.
5. Иҹтимаи јерләрдә тәблиғ едәркән нәјә чалышмалыјыг?
5 Хош хәбәри илк дәфә иҹтимаи јерләрдә ешидән инсанларын чоху Мүгәддәс Китабы өјрәнмәјә башламышлар. Бу инсанларла өјрәнмәни онларын евләриндә, иш јерләриндә вә ја мүнасиб олан башга јерләрдә, еләҹә дә телефон васитәсилә кечирмәк олар. Ҝәлин иҹтимаи јерләрдә мүвәффәгијјәтлә тәблиғ едәркән Мүгәддәс Китаб өјрәнмәси башламаға чалышаг.