Јени рајон конгресинин програмы

Позулмуш көһнә дүнјанын ахыр ҝүнләриндә руһани ҝејимимизи вә мәсиһчи адымызы горумаг һәјати ваҹибдир (Вәһј 16:15). Буна ҝөрә, 2006-ҹы хидмәт илиндә кечириләҹәк рајон конгресинин «Јени мәнлији ҝејинин» адланмасы чох мүнасибдир (Кол. 3:10).

Биринҹи ҝүн. «Јени мәнлијин мүхтәлиф ҹәһәтләрини тәзаһүр етдиририк» адлы мә’рузәләр силсиләси, јени мәнлијин һәјатымызын һәр бир саһәсиндә фајда ҝәтирдијини ҝөстәрәҹәк. Јени мәнлији неҹә инкишаф етдирә биләрик? Бу суал, биринҹи ҝүнүн сонунда сөјләнәҹәк «Һәртәрәфли дүшүнмәји өјрәнин» вә «Јени мәнлији формалашдыран тәһсил» адлы мә’рузәләрдә мүзакирә олунаҹаг.

Икинҹи ҝүн. Јени мәнлијин дилимиздән неҹә истифадә етмәјимизә ҝөстәрдији тә’сир, «Һикмәтлиләрә хас олан дили инкишаф етдирин» адлы мә’рузәләр силсиләсиндә нәзәрдән кечириләҹәк. «Шәрирә галиб ҝәлирсәнми?» адлы ачыг мә’рузә, Шејтанын фитнәләринә гаршы ојаг дурмағын ваҹиб олдуғуну ҝөстәрәҹәк. Конгресин «Өзүнүзү дүнјадан ләкәсиз сахлајын» вә «Дахили варлығымызы ҝүнү-ҝүндән тәзәләјирик» адлы сон ики мә’рузәси, Аллаһын салеһ јолларына зидд олан әһвал-руһијјәдән вә давранышдан гачынмагда, һәмчинин Јеһоваја ибадәтдә сарсылмаз галмагда бизә көмәк едәҹәк.

Јени мәнлији ҝејинмәјә вә ону горумаға даир вериләҹәк руһландырыҹы мәсләһәтләри бөјүк сәбирсизликлә ҝөзләјирик.