1) Суал, 2) ајә вә 3) фәсил

«Мүгәддәс Китаб әслиндә нә өјрәдир?» китабыны тәгдим етмәјин садә үсулу 1) нөгтеји-нәзәрә даир суал вермәк, 2) мүнасиб ајә охумаг, 3) фәслин әввәлиндәки суаллары охумагла инсанын диггәтини һәмин мөвзунун арашдырылдығы фәслә јөнәлтмәкдир. Әҝәр инсан мараг ҝөстәрсә, һәмин фәслин әввәлиндәки абзасларын көмәјилә Мүгәддәс Китаб өјрәнмәсинин неҹә кечирилдијини ҝөстәрә биләрсән. Бу үсулдан илк ҝәлишдә, јахуд тәкрар башчәкмә едәркән өјрәнмәјә башламаг үчүн истифадә етмәк олар.

◼ «Неҹә фикирләширсиниз, Мүгәддәс Китабын бу ајәләриндә дејилдији кими, ади инсанлар һәр шејә гадир олан Јарадана јахынлаша биләрләрми?» Һәвариләрин ишләри 17:26, 27 ајәләрини оху вә ҹаваб вермәсинә изин вер. Сонра диггәти 1-ҹи фәслә ­јөнәлт.

◼ «Бу ҝүн үзләшдијимиз проблемләри нәзәрә алсаг, сизҹә, бу ајәдә јазылан тәсәлли вә үмиди һараданса әлдә етмәк мүмкүндүрмү?» Ромалылара 15:4 ајәсини оху вә ҹаваб вермәсинә изин вер. Сонра диггәти 2-ҹи фәслә јөнәлт.

◼ «Әҝәр сизин ҝүҹүнүз чатсајды, бу дәјишикликләри етмәздинизми?» Вәһј 21:4 ајәсини оху вә ҹаваб вермәсинә изин вер. Сонра диггәти 3-ҹү фәслә јөнәлт.

◼ «Неҹә фикирләширсиниз, нә вахтса өвладларымыз бу гәдим илаһидә тәсвир олунан вәзијјәтләрдә јашајаҹаглармы?» Мәзмур 37:10, 11 ајәләрини оху вә ҹаваб вермәсинә изин вер. Сонра диггәти 3-ҹү фәслә јөнәлт.

◼ «Сизҹә, елә бир ҝүн ҝәләҹәкми ки, бу сөзләр һәгигәтә чеврилсин?» Јешаја 33:24 ајәсини оху вә ҹаваб вермәсинә изин вер. Сонра диггәти 3-ҹү фәслә јөнәлт.

◼ «Сизи һеч марагландырыбмы, ҝөрәсән өлүләр дириләрин нә етдијиндән хәбәрдардыр, ја јох?» Ҹаваб вермәсинә изин вер. Сонра Ваиз 9:5 ајәсини оху вә диггәти 6-ҹы фәслә јөнәлт.

◼ «Неҹә фикирләширсиниз, Исанын бу ајәләрдә дедији кими, өлән әзизләримизи бир дә ҝөрә биләрикми?» Јәһја 5:28 ајәсини оху вә ҹаваб вермәсинә изин вер. Сонра диггәти 7-ҹи фәслә јөнәлт.

◼ «Бу дуада дејилдији кими, ҝөјдә олдуғу тәк, јердә дә Аллаһын ирадәсинин јеринә јетмәси, сизҹә, неҹә мүмкүндүр?» Матта 6:9, 10 ајәсини оху вә ҹаваб вермәсинә изин вер. Сонра диггәти 8-ҹи фәслә јөнәлт.

◼ «Сизҹә, биз бу пејғәмбәрликдә тәсвир олунан вахтдамы јашајырыг?» 2 Тимотејә 3:1-4 ајәләрини оху вә ҹаваб вермәсинә изин вер. Сонра диггәти 9-ҹу фәслә јөнәлт.

◼ «Бир чохларыны дүшүндүрүр ки, ҝөрәсән нијә бәшәријјәтин проблемләри санки ҝетдикҹә даһа да артыр. Сизҹә, бу ајә һәмин суалын ҹавабы ола биләрми?» Вәһј 12:9 ајәсини оху вә ҹаваб вермәсинә изин вер. Сонра диггәти 10-ҹу фәслә јөнәлт.

◼ «Сиз һачанса белә бир суала ҹаваб тапмаг истәмисинизми?» Әјјуб 21:7 ајәсини оху вә ҹаваб вермәсинә изин вер. Сонра диггәти 11-ҹи фәслә јөнәлт.

◼ «Сизҹә Мүгәддәс Китабдан олан бу мәсләһәти јеринә јетирмәк аилә һәјатынын хошбәхт олмасына көмәк едәрми?» Ефеслиләрә 5:33 ајәсини оху вә ҹаваб вермәсинә изин вер. Сонра диггәти 14-ҹү фәслә јөнәлт.

[6-ҹы сәһифәдәки чәрчивә]

Мүгәддәс Китаб өјрәнмәсинин неҹә кечирилдијини ҝөстәрдикдән сонра, ики дәфә өјрәнмә кечдикдә вә үчүнҹү дәфә кечириләҹәјинә әмин олдугда, өјрәнмәни һесабата дахил етмәк олар.