«Мүгәддәс Китаб өјрәдир» нәшрини неҹә тәклиф етмәк олар?
Бу әлавә вәрәгәдә «Мүгәддәс Китаб өјрәдир» нәшрини тәклиф етмәк үчүн мүхтәлиф тәгдимәләр вар. Даһа сәмәрәли олмасы үчүн онлары өз сөзләринлә де, тәгдимәни әразиниздәки инсанлара ујғунлашдыр вә китабын мүзакирә едәҹәјин һиссәләри илә јахшы таныш ол. Әразиниз үчүн мүвафиг олан башга тәгдимәләрдән дә истифадә етмәк олар. («Бизим Падшаһлыг Хидмәтимиз»ин 2005-ҹи ил јанвар сајынын 8-ҹи сәһифәсинә бах).
Аилә
◼ «Һәр биримиз аилә һәјатымызын хошбәхт олмасыны истәјирик, елә дејилми? [Ҹаваб вермәсинә изин вер.] Мүгәддәс Китабда аиләнин һәр бир үзвүнүн аиләнин хошбәхтлији үчүн едә биләҹәји шеј ҝөстәрилир: мәһәббәт тәзаһүр етдирмәкдә Аллаһы тәглид етмәк». Ефеслиләрә 5:1, 2 ајәләрини вә 135-ҹи сәһифәдәки 4-ҹү абзасы оху.
Дин
◼ «Бир чох инсанлар дүнјадакы динләрә бәшәријјәтин проблемләринин һәлли кими јох, сәбәби кими бахмаға башлајыблар. Неҹә дүшүнүрсүнүз, дин инсанлары дүзҝүн истигамәтә јөнәлдирми? [Ҹаваб вермәсинә изин вер. Сонра Матта 7:13, 14 ајәләрини вә 145, 146-ҹы сәһифәләрдәки 5-ҹи абзасы оху.] Бу фәсилдә Аллаһын бәјәндији ибадәтин алты сәҹијјәви ҹәһәти ҝөстәрилир». 147-ҹи сәһифәдә јазылмыш һәмин ҹәһәтләри ҝөстәр.
Дуа
◼ «Һеч дүшүнмүсүнүзмү, Аллаһ дуалара неҹә ҹаваб верир? [Ҹаваб вермәсинә изин вер. Сонра 1 Јәһја 5:14, 15 ајәләрини вә 170–172-ҹи сәһифәләрдәки 16-18-ҹи абзаслары оху.] Бу фәсилдә һәмчинин изаһ едилир ки, нә үчүн Аллаһа дуа етмәлијик вә Онун дуаларымызы ешитмәси үчүн нә етмәлијик».
Ев
◼ «Бир чох јерләрдә бүдҹәјә ујғун раһат ев тапмаг ҝүнү-ҝүндән чәтинләшир. Неҹә дүшүнүрсүнүз, елә вахт олаҹагмы ки, һамынын јахшы еви олсун? [Ҹаваб вермәсинә изин вер. Сонра Јешаја 65:21, 22 ајәләрини вә 34-ҹү сәһифәдәки 20-ҹи абзасы оху.] Бу нәшр Аллаһын бу вәдинин неҹә јеринә јетәҹәјини изаһ едир».
Әбәди һәјат
◼ «Әксәр инсанлар сағлам олмаг вә узун өмүр сүрмәк истәјир. Бәс әҝәр мүмкүн олсајды, әбәди јашамаг истәјәрдинизми? [Ҹаваб вермәсинә изин вер. Сонра Вәһј 21:3, 4 ајәләрини вә 54-ҹү сәһифәдәки 17-ҹи абзасы оху.] Бу китабда әбәди һәјаты неҹә ала биләҹәјимиз вә бу вәд јеринә јетәндә һәјатын неҹә олаҹағы мүзакирә едилир».
Фәлакәт/Әзаб-әзијјәт
◼ «Фәлакәт баш верәндә чохларында суал јараныр ки, ҝөрәсән доғруданмы Аллаһ гајғымыза галыр вә әзабларымызы ҝөрүр? Һеч сиздә дә белә суал јараныбмы? [Ҹаваб вермәсинә изин вер. Сонра 1 Петер 5:7 ајәсини вә 11-ҹи сәһифәдәки 11-ҹи абзасы оху.] Бу китабда Аллаһын бәшәријјәтин әзаб-әзијјәтләрини тамамилә неҹә арадан галдыраҹағы изаһ олунур». 106-ҹы сәһифәдә фәслин әввәлиндәки суаллары ҝөстәр.
Һар-Меҝидон
◼ «Чохлары “Һар-Меҝидон” сөзүнү ешидәндә ағылларына күтләви гырғын ҝәлир. Һар-Меҝидонун сәбирсизликлә ҝөзләмәли олдуғумуз бир һадисә олдуғуну ешитсәјдиниз тәәҹҹүбләнәрдинизми? [Ҹаваб вермәсинә изин вер. Сонра Вәһј 16:14, 16 ајәләрини оху.] Һар-Меҝидондан сонра һәјатын неҹә олаҹағына даир бурада јазыланлара диггәт јетирин». 82, 84-ҹү сәһифәләрдәки 21-ҹи абзасы оху.
Иса Мәсиһ
◼ «Бүтүн дүнјада инсанлар Иса Мәсиһ һаггында ешидибләр. Бәзиләри дејир ки, о, садәҹә ҝөркәмли шәхсијјәт олуб. Башгалары исә она Күлли-Ихтијар Аллаһ кими ибадәт едирләр. Неҹә дүшүнүрсүнүз, Иса Мәсиһлә бағлы нәјә инанмағымыз әһәмијјәт кәсб едирми?» [Ҹаваб вермәсинә изин вер. Сонра Јәһја 17:3 ајәсини вә 37, 38-ҹи сәһифәләрдәки 3-ҹү абзасы оху.] Диггәти фәслин әввәлиндәки суаллара јөнәлт.
Мүгәддәс Китаб
◼ «Бир чохлары Мүгәддәс Китаба Аллаһын Кәламы кими бахыр. Бәс сиздә һеч суал јараныбмы, инсанлар тәрәфиндән гәләмә алынан бир китаб неҹә Аллаһын Кәламы ола биләр?» [Ҹаваб вермәсинә изин вер. Сонра 2 Петер 1:21 ајәсини вә 19, 20-ҹи сәһифәләрдәки 5-ҹи абзасы оху.] Бу нәшр бу суаллара да Мүгәддәс Китаб әсасында ҹаваб верир». 6-ҹы сәһифәдәки суаллары ҝөстәр.
◼ «Мүасир дөврдә инсанлар әввәлки вахтлара нисбәтән даһа чох мәлумат әлдә едә билирләр. Бәс неҹә дүшүнүрсүнүз, хошбәхтлијә вә уғурлу һәјата апаран етибарлы мәсләһәтләри һарадан тапмаг олар? [Ҹаваб вермәсинә изин вер. Сонра 2 Тимотејә 3:16, 17 ајәләрини вә 23-ҹү сәһифәдәки 12-ҹи абзасы оху.] Бу нәшрдә изаһ едилир ки, Аллаһы разы салан вә бизә фајда ҝәтирән һәјат тәрзи неҹә олмалыдыр». 122, 123-ҹү сәһифәләрдәки ҹәдвәли вә шәкли ҝөстәр.
Мүһарибә/Сүлһ
◼ «Бүтүн дүнјада инсанлар сүлһүн һәсрәтиндәдирләр. Сизҹә, бүтүн дүнјада сүлһүн олаҹағына үмид етмәк садәҹә бир хәјалдырмы? [Ҹаваб вермәсинә изин вер. Сонра Мәзмур 46:8, 9 ајәләрини оху.] Бу нәшрдә Аллаһын Өз нијјәтини неҹә јеринә јетирәҹәји вә бүтүн дүнјаја сүлһ ҝәтирәҹәји арашдырылыр». 35-ҹи сәһифәдәки шәкли ҝөстәр вә 34-ҹү сәһифәдәки 17-21 абзаслары арашдыр.
Өлүм/Дирилмә
◼ «Чохлары үчүн мараглыдыр ки, өләндән сонра инсанла әслиндә нә баш верир. Сизҹә, буну билмәк мүмкүндүрмү? [Ҹаваб вермәсинә изин вер. Сонра Ваиз 9:5 ајәсини вә 58, 59-ҹу сәһифәләрдәки 5, 6-ҹы абзаслары оху.] Бу китабда һәмчинин Мүгәддәс Китаб вәдинә әсасән өләнләрин дириләҹәји һагда да данышылыр». 75-ҹи сәһифәдәки шәкли ҝөстәр.
◼ «Әзизләримиздән ким исә өләндә, ону јенидән ҝөрмәји арзуламаг тәбиидир. Мәҝәр сиз белә дүшүнмүрсүнүз? [Ҹаваб вермәсинә изин вер.] Бир чохлары Мүгәддәс Китабын дирилмәјә даир вердији вәддән тәсәлли тапмышлар. [Јәһја 5:28 ајәсини вә 71, 72-ҹи сәһифәләрдәки 16, 17-ҹи абзаслары оху.] Бу фәсилдә һәмчинин бу суаллара ҹаваб верилир». 66-ҹы сәһифәдә фәслин әввәлиндәки суаллары вер.
Јеһова Аллаһ
◼ «Аллаһа инанан бир чохлары Она даһа јахын олмаг истәјәрдиләр. Бәс сиз билирсинизми ки, Мүгәддәс Китаб бизи Она јахынлашмаға дәвәт едир? [Ҹаваб вермәсинә изин вер. Сонра Јагуб 4:8а ајәсини вә 16-ҹы сәһифәдәки 20-ҹи абзасы оху.] Бу нәшр инсанларын өз Мүгәддәс Китабларындан истифадә едәрәк Аллаһ һаггында даһа чох өјрәнмәләринә көмәк етмәк үчүн һазырланыб». 8-ҹи сәһифәдә фәслин әввәлиндәки суаллары ҝөстәр.
◼ «Бир чохлары Аллаһын адынын мүгәддәс тутулмасы үчүн дуа едир. Бәс сиз һеч дүшүнмүсүнүзмү, Аллаһын ады нәдир? [Ҹаваб вермәсинә изин вер. Сонра Јешаја 42:8 (КМ) ајәсини вә 195-ҹи сәһифәдәки 2, 3-ҹү абзаслары оху.] Бу нәшр Мүгәддәс Китабын Јеһова Аллаһ вә Онун бәшәријјәтә даир нијјәти һаггында әслиндә нәји өјрәтдијини ачыглајыр».
[6-ҹы сәһифәдәки чәрчивә]
Көнүллү ианә мәсәләсинә неҹә тохуна биләрик?
«Әҝәр сиз бизим үмүмдүнја ишимизә ианә етмәк истәсәниз, мәмнунујјәтлә гәбул едәрәм».
«Бизим әдәбијјатлар пулсуз тәклиф олунса да, үмүмдүнја ишимиз үчүн едилән кичик ианәләри гәбул едирик».
«Јәгин бу ишин неҹә јеринә јетирилдији сизин үчүн мараглыдыр. Бизим үмүмдүнја ишимиз көнүллү ианәләр һесабына һәјата кечирилир. Әҝәр сиз бизим үмүмдүнја ишинә ианә етмәк истәсәниз, мәмнунујјәтлә гәбул едәрәм».