САХЛАЈЫН
Тәблиғ хидмәти үчүн мәсләһәт ҝөрүлән тәгдимәләр
Һәр ај пајладығымыз нәшрләрин тәгдим едилмәсинә јахшы һазырлашмаг үчүн нөвбәти тәгдимәләрдән истифадә ет.
«Аллаһ биздән нә тәләб едир?»
«Неҹә фикирләширсиниз, бу ҝүн растлашдығымыз проблемләрин бизи әһатә етмәси Аллаһын нијјәтинә дахил идими? [Ҹаваб вермәсинә изн вер. Сонра Матта 6:10 ајәсини оху.] Аллаһын Падшаһлығынын нә демәк олдуғу барәдә фикирләшмисинизми?» 6-ҹы сәһифәни ач вә дәрсин әввәлиндә олан суаллары оху. Дәрси мүзакирә етмәјә башла вә ја буну ҝәлән дәфә етмәк барәдә шәртләш.
«Бәшәријјәт бөјүк наилијјәтләр әлдә етсә дә, хәстәлик вә өлүм ағры вә изтираблара сәбәб олмаға давам едир. Исанын хәстәләр, гоҹалар вә һәтта өлүләр үчүн нә едәҹәјини билирсинизми?» Ҹаваб вермәсинә изн вер. Әҝәр һәмсөһбәтин ҹавабы билмәк истәјирсә, 5-ҹи дәрси ач вә 5-ҹи вә 6-ҹы абзасларын суалыны оху. Абзасы мүзакирә ет вә ја буну ҝәлән дәфә етмәк барәдә шәртләш.
«Бөјүк Мүәллимдән өјрән» (рус.)
«Неҹә фикирләширсиниз, әҝәр инсанлар бурада јазылдығы кими јашасајдылар, јер үзүндә шәраит даһа да јахшы олардымы? [Матта 7:12а ајәсини оху. Сонра исә ҹаваб вермәсинә изн вер.] Бу китабда јер үзүндә јашамыш ән бөјүк мүәллимин бир чох тә’лимләри јазылыб». Диггәти 17-ҹи фәсилдәки шәкилләрә вә онларын алтындакы јазылара јөнәлт.
«Бу ҝүн бир чох валидејнләр өз ушагларына фајдалы әхлаг дәјәрләрини ашыламаға чалышырлар. Неҹә дүшүнүрсүнүз, бу ваҹибдирми? [Ҹаваб вермәсинә изн вер. Сонра исә Сүлејманын мәсәлләри 22:6 ајәсини оху.] Фикир верин, бурада дејилир ки, валидејнләр ушагларыны еркән јашларындан тәрбијә етмәјә башламалыдырлар. Бу китаб мәһз бунун үчүн нәзәрдә тутулуб». Диггәти 15-ҹи вә ја 18-ҹи фәсилләрдәки шәкилләрә вә онларын алтындакы јазылара јөнәлт.
«Дүнјада јашамыш ән бөјүк инсан» (рус.)
«Илин бу вахтында (Милад бајрамы вахтында) бир чох инсанлар Исаны јада салырлар. Лакин бүтүн дүнјада фаҹиәләр баш вердији үчүн бә’зиләри өзләриндән сорушурлар: Иса һәгигәтәнми бизим гајғымыза галыр? Бәс сиз бу һагда нә дүшүнүрсүнүз?» Ҹаваб вермәсинә изн вер. 24-ҹү фәсли ач вә гысаҹа олараг Исанын һансы мәгсәдлә јер үзүнә ҝәлдијини мүзакирә ет. Сонра Јәһја 15:13 ајәсини оху вә Исанын инсанлара дәрин мәһәббәт бәсләдијини гејд ет.
«Исанын ады чәкиләндә чохлары ону ја ушаг, ја да өлмәк үзрә олан инсан кими јада салырлар. Онларын Иса һаггындакы тәсәввүрләри јалныз бунунла мәһдудлашыр. Онун јер үзүндә јашадығы вахт әрзиндә деди вә етдији һејрәтли ишләрини билмирләр. Исанын етдији ишләр јер үзүндә јашајан бүтүн инсанлара тә’сир едир. Буна ҝөрә дә онун бизим рифаһымыз үчүн етдији һәр бир ҝөзәл шеји өјрәнмәлијик». Јәһја 17:3 ајәсини оху. Ҝириш һиссәнин биринҹи сәһифәсини ач вә дөрдүнҹү абзасы оху.
«Әбәди һәјата апаран билик»
«Әҝәр сизи бу кими ҝөзәл мүһитдә јашамаға дә’вәт етсәјдиләр, сиз бу дә’вәти гәбул едәрдинизми? [4-ҹү вә 5-ҹи сәһифәләрдәки шәкилләри ҝөстәр вә ҹаваб вермәсинә изн вер.] Диггәт јетирин ки, Аллаһын Кәламы бу ҹүр мүһитдә әбәди јашамаг үчүн ачардыр. [Јәһја 17:3 ајәсини оху.] Бу китаб сизә әбәди һәјата апаран билији әлдә етмәкдә көмәк едәҹәк». Ҝәлән дәфә исә 1-ҹи фәслин илк беш абзасыны мүзакирә етмәк барәдә шәртләш.
188, 189-ҹу сәһифәләрдәки шәкили ач вә шәкилә аид јазыдан истифадә едәрәк инсандан соруш: «Аллаһ һаггында билик јер үзүнү долдуран заман Ҹәннәтдә јашамаға үмид едирсинизми? [Ҹаваб вермәсинә изн вер. Сонра Јешаја 11:9 ајәсини оху.] Бу китаб сизә Мүгәддәс Китабын Ҹәннәт һаггында нә дедијини вә бизим орада неҹә ола биләҹәјимизи өјрәнмәјә көмәк едәҹәк». Ҝәлән дәфә 1-ҹи фәслин 11-16-ҹы абзасларыны мүзакирә етмәк барәдә шәртләш.
«Һәјат неҹә әмәлә ҝәлиб? Тәкамүл, јохса јарадылма јолу илә?» (рус.)
«Бизләрдән һәр биримиз әразимиздә јајылмыш ҹинајәт вә зоракылыға ҝөрә нараһатдыр. Неҹә дүшүнүрсүнүз, кимсә бу проблемләри бирдәфәлик һәлл едә биләрми? [Ҹаваб вермәсинә изн вер.] Аллаһ едә биләр». 196-ҹы сәһифәни ач, 19-ҹу абзасда Сүлејманын мәсәлләри 2:21, 22 ајәләрини вә изаһыны оху. 16-ҹы фәслин адыны ҝөстәр вә китабы тәклиф ет.
Китабын 6-ҹы сәһифәсини ач вә де: «Бир чох инсанлар фикирләширләр ки, ҝөзәл планетимиз вә ондакы һәјат тәсадүф нәтиҹәсиндә әмәлә ҝәлиб. Бунун һамысынын неҹә пејда олмасыны мәнтигә ујғун сурәтдә неҹә изаһ едәрдиниз? [Ҹаваб вермәсинә изн вер.] Бир чох Мүгәддәс Китаб сүбутлары тәсдигләјир ки, гүввәтли вә һәмчинин бизи чох севән Јарадан мөвҹуддур. О, һәгиги Аллаһдыр вә Онун ады Јеһовадыр». Чыхыш 15:3 (КМ) ајәсини оху вә гысаҹа олараг изаһ ет ки, Аллаһ Јер күрәсини Ҹәннәтә чевирмәк нијјәтиндәдир.
«Јеҝанә һәгиги Аллаһа ибадәт един» (рус.)
«Сизҹә, ҝәрҝин һәјатын өһдәсиндән ҝәлмәк үчүн биз көмәји һарадан ала биләрик? [Ҹаваб вермәсинә изн вер. Сонра Ромалылара 15:4 ајәсини оху.] Диггәт јетирин, Аллаһдан илһам алмыш Мүгәддәс Јазылар бизә нәсиһәт, тәсәлли вә үмид верир. Бу исә буҝүнкү чәтинликләринин өһдәсиндән ҝәлмәк үчүн бизи мөһкәмләндирә биләр. Бу китабда Мүгәддәс Китабы охумагдан даһа чох фајда әлдә етмәјин үсуллары ҝөстәрилир». 30-ҹу сәһифәдәки 4 мәсләһәти ҝөстәр.
«Исанын јер үзүндә јашадығы вахтдан е’тибарән инсанлар Аллаһын Падшаһлығынын ҝәлиши барәдә дуа едирләр. Аллаһын Падшаһлығынын ҝәлишинин бәшәријјәт үчүн һансы мә’наны кәсб етдији барәсиндә һеч фикирләшмисинизми? [Ҹаваб вермәсинә изн вер. Сонра Даниел 2:44 ајәсини оху.] Бу китабда Аллаһын Падшаһлығынын нә олдуғу, ҝәләҹәкдә онун едәҹәји ишләр вә онун идарәсинин бизә ҝәтирәҹәји фајда барәсиндә данышылыр». 92, 93-ҹү сәһифәләрдәки шәкилләрә диггәт јетир.
«Јеһоваја јахынлаш» (рус.)
«Аллаһа инанан инсанларын чоху өзләрини Она даһа јахын һисс етмәји арзулајырлар. Аллаһын бизи Она јахынлашмаға дә’вәт етдијини билирсинизми? [Јагуб 4:8 ајәсини оху.] Бу китабын васитәсилә Аллаһа неҹә јахынлашмағы өз шәхси Мүгәддәс Китабыныздан өјрәнә биләрсиниз». 16-ҹы сәһифәдәки 1-ҹи абзасы оху.
«Ганунсузлуг бу ҝүн чох ҝениш јајылыб. Бу һагда бурада олдугҹа дәгиг дејилир. [Ваиз 8:9б ајәсини оху.] Бир чохлары сорушурлар: Аллаһ һәгигәтәнми инсанларын гајғысына галыр? [119-ҹу сәһифәдә 4-ҹү абзасын илк ики ҹүмләсини оху.] Бу фәсилдә пислијин бир мүддәт мөвҹуд олмасына Аллаһын нә үчүн изн вердији изаһ едилир».
«Гајғыкеш Јарадан мөвҹуддурму?» (рус.)
«Ән чәтин проблемләри һәлл етмәјә даир ән јахшы мәсләһәтләри һарадан тапа биләрик? [Ҹаваб вермәсинә изн вер. Сонра Матта 7:28, 29 ајәләрини оху.] Бурада Исанын Дағүстү тәблиғинин инсанлара неҹә тәәссүрат бағышладығы һагда данышылыр. Ҝөрүн бу һагда башгалары нә демишләр. [152-ҹи сәһифәдә јазылан фикирләри оху.] Бу фәсилдә Исанын һәјаты вә тә’лимләри мүзакирә едилир».
«Сиз өзүнүзә нә вахтса белә суал вермисинизми: Әҝәр Аллаһ мөвҹуддурса, О нә вахтса јер үзүндә һөкм сүрән изтирабы вә әдаләтсизлији арадан галдыраҹагмы? [Ҹаваб вермәсинә изн вер. Сонра Вәһј 21:3, 4 ајәләрини оху.] Бу китабда Аллаһын әзаблара неҹә сон гојаҹағы вә онларын мәнбәјини арадан неҹә галдыраҹағы изаһ едилир». 10-ҹу фәсли ҝөстәр.
«Мүгәддәс Китаб — Аллаһын Кәламыдыр, јохса инсанын?» (рус.)
«Бизим дөврдә, демәк олар ки, һамы ҹидди проблемләрлә растлашыр. Бир чохлары рәһбәрлик үчүн мүхтәлиф мәсләһәтчиләрә мүраҹиәт едирләр. Бә’зиләри көмәк үчүн психологлар ахтарырлар. Неҹә дүшүнүрсүнүз, бизә һәгигәтән дә көмәк едәҹәк јахшы мәсләһәтләри һансы мәнбәдән тапмаг олар? [Ҹаваб вермәсинә изн вер]. Мүгәддәс Китабда бизим һамымызын баша дүшмәли олдуғумуз бир һәгигәт јазылыб [2 Тимотејә 3:16 ајәсини оху. Сонра 187-ҹи сәһифәни ач вә 9-ҹу абзасы оху]. Бу китаб, Мүгәддәс Китабын мәсләһәтләрини һәјатымызда тәтбиг етмәкдән әлдә едилән фајданы ҝөрмәкдә сизә көмәк едәҹәк».
«Ојаг дурун!»
«Бир чох инсанлар бу ҝүн ади һала чеврилмиш ҹидди проблемләрә вә дәһшәтли һадисәләрә ҝөрә нараһатдырлар. [Јашадығыныз јердә мә’лум олан һадисәни даныш.] Бу ҹүр һадисәләрин Аллаһын Падшаһлығынын тезликлә јери идарә едәҹәјинә ишарә етдијини билирсинизми? [Ҹаваб вермәсинә изн вер. Сонра данышдығын һадисәјә ујғун олан, мәсәлән, Матта 24:3, 7, 8; Лука 21:7, 10, 11; јахуд 2 Тимотејә 3:1-5 кими ајәләри оху.] Бу брошүрада бизим һансы зәманәдә јашадығымыз вә бәшәријјәти габагда нә ҝөзләдији һагда данышылыр».
«Бир чохлары бу ҝүн дәһшәтли һадисәләрдән нараһатдырлар вә ја ағыр иткиләрдән изтираб чәкирләр. Бә’зиләри Аллаһын бу ҹүр шејләрин гаршысыны алмаг үчүн нәјә ҝөрә мүдахилә етмәдијинә тәәҹҹүбләнирләр. Мүгәддәс Китаб бизи әмин едир ки, Аллаһ тезликлә бәшәријјәти изтираблардан азад едәҹәк. [Вәһј 14:6, 7 ајәләрини оху.] Ҝөрүн Аллаһ инсанлар үчүн нә едәҹәк. [2 Петер 3:10, 13 ајәләрини оху.] Бу ваҹиб мөвзу һагда бу брошүрадан даһа чох өјрәнмәк олар».
«Вәһј. Онун мөһтәшәм зирвәси јахындыр!» (рус.)
«Сиз, еһтимал ки... ешитмисиниз [јахынларда баш верән һадисәни даныш.] Бәдбәхт һадисә нәтиҹәсиндә инсан һәјатыны итирәндә, чохлары онун гоһумларына неҹә тәсәлли верә биләҹәјини дүшүнүрләр. Бәс сиз неҹә дүшүнүрсүнүз?» [Ҹаваб вермәсинә изн вер. Сонра 299-ҹу сәһифәни ач вә дирилмә тәсвир едилән шәкли ҝөстәр.] Сонра исә де: «Бир чохлары һәм салеһ, һәм дә салеһ олмајан инсанларын јер үзүндә јашамаг үчүн дириләҹәкләрини ешидәндә тәәҹҹүбләнирләр. [297-ҹи сәһифәнин 9-ҹу абзасында ҝәтирилән Һәвариләрин ишләрини 24:15 ајәсини вә 10-ҹу абзасда верилән изаһаты оху.] Бу китаб Аллаһын ҝәләҹәк үчүн олан нијјәтләринин диҝәр мараглы тәфсилатларыны да ачыглајыр».