Асанлыгла әлдә едилән көмәк
1. Инсанын руһани ҹәһәтдән зәифләмәсинә нә сәбәб ола биләр?
1 Һәјат јолдашы иманына шәрик олмајан вә вахтынын чох һиссәси ишә сәрф олунан Анна баҹыја мүнтәзәм олараг мәсиһчи ҝөрүшләриндә, хидмәтдә иштирак етмәк вә Мүгәддәс Китабы охумаг чох чәтин иди. Јеһованы севдијинә бахмајараг, о, хидмәтиндә гејри-фәал олду. Хошбәхтликдән, гајғыкеш ағсаггаллар она вахтында руһани көмәклик ҝөстәрдиләр.
2. Һәр бир мәсиһчи руһани ҹәһәтдән зәифләјәнләрә јардым әлини неҹә узада биләр?
2 Мәсиһчи јығынҹағынын васитәсилә верилән руһани көмәји гәбул етмәк, Јеһоваја олан е’тибарын әламәтидир. Иса Мәсиһин мәһәббәт долу гајғысыны тәглид едәрәк, ағсаггаллар руһани ҹәһәтдән зәифләјән инсанлары руһландырмаг вә онлара практики јардым ҝөстәрмәк үчүн әлләриндән ҝәләни едирләр (1 Салон. 5:14). Чох заман мәһз Мүгәддәс Китаб ајәләринә әсасланан тәскинләшдириҹи сөзләрә еһтијаҹ дујулур. Мүвәггәти олараг зәифләјәнләрә тәкҹә ағсаггаллар дејил, бүтүн мәсиһчиләр көмәк етмәлидирләр. Шүбһә јохдур ки, һәр биримиз, «јериндә дејилән сөзләр»ин ҝүҹүнү тәҹрүбәмиздә һисс етмишик (Сүл. мәс. 25:11; Јешаја 35:3, 4).
3, 4. Башгаларына көмәк етмәк үчүн нә тәләб едилир вә биз буну неҹә едә биләрик?
3 Тәшәббүс ҝөстәр. Еһтијаҹы оланлара јардым ҝөстәрәркән өз тәрәфимиздән тәшәббүс вә сә’ј ҝөстәрмәли, онларын дәрдинә шәрик олмалыјыг. Давудун дар ҝүнүндә Јонатан «галхыб Хорешә, Давудун јанына ҝәлди вә ону Аллаһ наминә руһландырды» (1 Сам. 23:15, 16). Лакин көмәк едәркән мүлајим ол. Сәмими сөзләрлә даһа јахшы нәтиҹәләрә наил олмаг олар. Бундан башга, Иса ајдын шәкилдә ҝөстәрди ки, руһани баҹы вә гардашлары сә’јли вә мәгсәдјөнлү ҹәһдләр сајәсиндә газанмаг олар (Лука 15:4). Сәмими гәлбдән башгасына јардым етмәк арзусу, дәрһал јахшы нәтиҹәләр әлдә олунмадыгда белә, бизи тәслим олмамаға тәшвиг едәҹәкдир.
4 Башгаларыны, мәсәлән, китаб өјрәнмәмиздә олан гејри-фәал тәблиғчиләри хидмәтә дә’вәт етмәјимиз онлары неҹә дә руһландырыр! Гејри-фәал тәблиғчи илә хидмәт едәркән, онлары Јеһоваја хидмәтдә даһа фәал олмаға тәшвиг едә биләрик. Хидмәтдә бирҝә кечирилән вахт руһани сағламлығыны бәрпа едәнләр үчүн хүсусилә руһландырыҹыдыр.
5. Ағсаггаллар бә’зи һалларда һансы јардымы тәгдим едә биләрләр?
5 Мәһәббәт долу көмәк. Узун мүддәт тәблиғдә иштирак етмәјән вә ја јығынҹаға бир мүддәт ҝәлмәјәнләр иманларыны мөһкәмләндирмәк үчүн даһа бир көмәјә еһтијаҹ дуја биләрләр. Мүгәддәс Китабы онларла «Јеҝанә һәгиги Аллаһа ибадәт един» (рус.), «Јеһоваја јахынлаш» (рус.) китабларынын васитәсилә баша дүшдүкләри дилдә өјрәнмәк олар. Әҝәр «Мүгәддәс Китаб әслиндә нәји өјрәдир?» китабы ана дилиндә јохдурса, о заман өјрәнмәни «Билик» китабынын көмәји илә кечирмәк олар. Чох вахт мәһз белә бир көмәјә еһтијаҹ олур. Вәфтиз олунмуш баҹы вә ја гардашла адәтән узунмүддәтли өјрәнмәјә еһтијаҹ дујулмур. Јығынҹағын хидмәти комитәси белә көмәјә кимин еһтијаҹы олдуғуну билмәлидир (Бахын «Бизим Падшаһлыг Хидмәтимиз» 1998 вә 2000-ҹи илләрин нојабр сајы, рус.).
6. Бир баҹы јенидән неҹә руһани ҝүҹ әлдә етди?
6 Ағсаггаллар јухарыда хатырланан Аннаја, јеткин бир баҹынын онунла Мүгәддәс Китаб өјрәнмәси кечирмәсини тәклиф етдиләр вә о, бу көмәклији миннәтдарлыгла гәбул етди. Ҹәми дөрд мәшғәләјә о, јенидән Јеһова илә олан мүнасибәтини бәрпа едә билди. Анна јенидән јығынҹаг ҝөрүшләриндә иштирак етмәјә башлады вә онун гәлбиндә Јеһова Аллаһа ачыгҹа һәмд етмәк арзусу ојанды. Һәмин баҹы она көмәк етмәјә давам едирди. О, Аннаны өз Мүгәддәс Китаб өјрәнмәләринә апарырды. Кифајәт гәдәр мөһкәмләнәндән сонра Анна евдән-евә тәблиғ хидмәтиндә иштирак етмәјә башлады. Руһани фәалијјәтини бәрпа етмәк үчүн онун мәһз белә бир көмәјә еһтијаҹы вар иди.
7. Башгаларыны руһани ҹәһәтдән мөһкәмләндирмәклә һансы фајдалар әлдә едилир?
7 Еһтијаҹы оланлара јардым етмәк һамыја хејир-дуалар ҝәтирир. Јардым алан адам јенидән Јеһоваја јахынлашдығы вә Онун тәшкилатынын фәалијјәтинә ҹәлб олундуғу үчүн севинҹ дујмаға башлајыр. Ағсаггаллар исә белә руһани инкишафы ҝөрәндә чох севинирләр (Лука 15:5,6). Һамы бир-биринә мәһәббәт ҝөстәрдији үчүн јығынҹагда һәмрә’јлик һөкм сүрүр (Колос. 3:12-14). Бәли, көмәјә һазыр олан Јеһованы тәглид етмәк үчүн бизим әсаслы сәбәбимиз вардыр! (Ефес. 5:1).