«Мүгәддәс Китаб өјрәдир» китабындан истифадә едәркән Бөјүк Мүәллими тәглид ет
1. Иса неҹә өјрәдирди?
1 Бөјүк Мүәллим Иса Мәсиһ фикрини һәмишә садә вә ајдын шәкилдә изаһ едирди. Динләјиҹиләри дүшүнмәјә тәшвиг етмәк үчүн чох вахт онларын фикрини сорушурду (Мат. 17:24-27). Иса инсанларын диггәтини бирбаша Аллаһын Кәламына јөнәлдирди (Мат. 26:31; Марк 7:6). О, шаҝирдләринә мәнимсәјә биләҹәкләриндән артыг мә’лумат вермирди (Јәһ. 16:12). Иса, һәмчинин шаҝирдләрин тә’лимләри баша дүшүб-дүшмәдикләри, онлара инаныб-инанмадыглары илә марагланырды (Мат. 13:51). «Мүгәддәс Китаб өјрәдир» китабы бизә Иса кими өјрәтмәјә көмәк едир.
2. Ҝириш суаллардан неҹә истифадә едә биләрик?
2 Ҝириш суаллар. Јени фәслә башламаздан әввәл, јахшы оларды ки, фәслин адынын алтындакы ҝириш суаллара диггәт јетирәсән. Өјрәнән адамда иштаһа ојатмаг үчүн бу суаллары риторик шәкилдә сәсләндир. Јахуд да ондан бу суаллара гыса ҹаваб вермәсини хаһиш ет. Онун шәрһләрини узун-узады мүзакирә етмәјә вә ја дедији һәр бир сәһв фикри дүзәлтмәјә еһтијаҹ јохдур. Фикирләринә ҝөрә миннәтдарлығыны билдир вә фәслин мүзакирәсинә башла. Ҝириш суаллара вердији ҹаваблардан сән артыг биләҹәксән ки, фәслин һансы һиссәләринин үстүндә хүсусилә дајанмаг лазымдыр.
3. Өјрәнмәни неҹә садә кечирә биләрик?
3 Ајәләр. Өјрәнмә заманы әсас диггәти Мүгәддәс Китаб ајәләринә јөнәлтмәк лазымдыр (Ибр. 4:12). Бунунла белә, һәр ајәни ачыб охумаға еһтијаҹ јохдур. Диггәти иманымызын нәјә әсасландығыны ҝөстәрән ајәләрә јөнәлт. Икинҹи дәрәҹәли мә’лумат дашыјан ајәләри охумамаг да олар. «Мүгәддәс Китаб өјрәдир» нәшриндә һәгигәт садә јолла изаһ едилир. Чалыш өјрәнмәни садә кечир. Әсас мәгамлара диггәт јетир вә фикирләри чох да хырдалама. Зәрурәт јохдурса, әлавә мәнбәләрдән мә’лумат ҝәтирмә.
4. Өјрәнмә заманы «Әлавәләр»дәки мә’луматы нәзәрдән кечириб-кечирмәјәҹәјимизи неҹә мүәјјән едә биләрик?
4 Әлавәләр. «Әлавәләр» бөлмәсиндә фәсилләри тамамлајан 14 мөвзу вар. Өјрәнмә заманы бу мөвзулары мүзакирә едиб-етмәмәк өз ихтијарына бурахылыр. Әҝәр өјрәнән адам фәсилдәки мә’луматы баша дүшүб вә она инанырса, онда тәшвиг ет ки, әлавә мә’луматы өзү охусун. Мәсәлән, әҝәр өјрәнән, Исанын Мәсиһ олдуғуна онсуз да инанырса, онунла «Иса Мәсиһ һаггында һәгигәт» адланан 4-ҹү фәсли өјрәнәркән «Әлавәләр»дәки «Иса вә’д едилмиш Мәсиһдир» мөвзусуну нәзәрдән кечирмәјә еһтијаҹ јохдур. Диҝәр һалларда исә, өјрәнмә заманы әлавә мә’луматы вә ја онун бир һиссәсини арашдырмаг фајдалы ола биләр.
5. «Әлавәләр»дәки мә’луматы неҹә мүзакирә етмәк олар?
5 Әҝәр әлавә мә’луматы нәзәрдән кечирмәји гәрарлашдырмысанса, әввәлҹәдән суаллар һазырла вә фәсилләри мүзакирә етдијин кими, әлавә мә’луматы да абзас-абзас арашдыр. Амма бә’зи һалларда, «Әлавәләр»дәки мә’луматы нәзәрдән кечирмәк үчүн өјрәнмә заманы бир нечә дәгигә ајырмаг кифајәтдир. Бунунла сән, өјрәнәнин шәхсән охудуғу әлавә материалы баша дүшүб-дүшмәдијини ҝөрәҹәксән.
6. Тәкрар үчүн чәрчивәдән неҹә истифадә етмәк олар?
6 Тәкрар үчүн чәрчивә. Һәр фәслин сонунда верилмиш чәрчивәдәки бәндләр чох вахт ҝириш суалларын ҹавабларына мүвафиг ҝәлир. Фәслин әсас фикирләрини тәкрарламаг үчүн чәрчивәдән истифадә едә биләрсән. Бә’зи тәблиғчиләр һәр бәнди охујуб мүвафиг ајәләри ачмағын фајдалы олдуғуну ҝөрүбләр. Сонра өјрәнәндән хаһиш едирләр ки, ајәнин, әсас фикри неҹә ачыгладығыны гысаҹа сөјләсин. Бу, өјрәнәнин фәслин әсас фикирләрини вә онларын Мүгәддәс Китаба әсасландығыны анлајыб-анламадығыны, һәмчинин өјрәндикләри илә разы олуб-олмадығыны ҝөрмәјә көмәк едир. Бунун сајәсиндә, о һәмчинин Мүгәддәс Китабын көмәји илә һәгигәти башгаларына изаһ етмәји дә өјрәнир.
7. Шаҝирд һазырламаг тапшырығыны јеринә јетирмәк үчүн «Мүгәддәс Китаб өјрәдир» нәшриндән неҹә истифадә едә биләрик?
7 Инсанлары өјрәтмәк вә шаҝирд һазырламаг тапшырығыны јеринә јетирмәјин ән әлверишли үсулу, Исанын һәгигәти өјрәтмәк методларындан истифадә етмәкдир (Мат. 28:19, 20). «Мүгәддәс Китаб өјрәдир» нәшри бу ишдә бизә көмәк олаҹаг. Һәгигәти инсанлара садә, ајдын вә мараглы јолла чатдырмаг үчүн бу китабдан истифадә ет.