Јеһованын бизә вердији шәрәфи гијмәтләндиририк!
1 Бәшәр тарихи әрзиндә Јеһова Өз хидмәтчиләрини мүхтәлиф шәрәфә лајиг ҝөрмүшдүр. О буну, хидмәтчиләринин ҹинсини, јашыны вә иҹтимаи вәзијјәтини нәзәрә алараг етмишдир (Лука 1:41, 42; Һәв. иш. 7:46; Филип. 1:29). Бәс бу ҝүн Јеһова бизи һансы шәрәфә лајиг ҝөрүр?
2 Малик олдуғумуз бә’зи имтијазлар. Биз Јеһовадан тә’лим алмаг шәрәфинә маликик (Мат. 13:11, 15). Јығынҹаг ҝөрүшләриндә вердијимиз шәрһләрлә Јеһованы иззәтләндирмәк јүксәк гијмәтләндирдијимиз башга шәрәфдир (Мәз. 35:18). Шәрһ вермәк фүрсәтимиз оланда буну бөјүк һәвәслә едирик. Һәмчинин јығынҹагда алдығымыз һәр бир тапшырыға шәрәф кими јанашырыгса, һәмин тапшырығы ҹанла-башла јеринә јетирәҹәјик. Биз Падшаһлыг Залында апарылан тәмизлик вә тә’мир кими шәрәфли ишләрдә мүнтәзәм иштирак едирикми?
3 Милјонларла инсанлар дуаларынын Аллаһ тәрәфиндән ешидилмәсинә шүбһә илә јанашсалар да, биз, каинатда ән ҝөркәмли Шәхсијјәтин дуаларымызы ешитдијинә даир надир үстүнлүјә маликик (Сүл. мәс. 15:29). Јеһова хидмәтчиләринин дуасыны шәхсән Өзү динләјир (1 Пет. 3:12). Јеһова, Она нә гәдәр тез-тез мүраҹиәт етмәјимизә мәһдудијјәт гојмајыб. «Һәр вахт» дуа едә билмәјимиз неҹә дә гијмәтли ән’амдыр! (Ефес. 6:18).
4 «Аллаһын јанында әмәкдашларыг». Малик олдуғумуз ҝөзәл шәрәфдән бири, ‘Аллаһын әмәкдашлары’ кими сәмави Падшаһлыг һаггындакы хош хәбәри бәјан етмәкдир (1 Кор. 3:9). Бу, мәмнунлуг вә тәравәт ҝәтирән ишдир (Јәһ. 4:34). Јеһованын бу иши јеринә јетирмәк үчүн инсанларын көмәјинә еһтијаҹы јохдур, амма бизи севдијиндән бу тапшырығы бизә һәвалә едир (Лука 19:39, 40). Јеһова бу шәрәфли тапшырығы һәр јетәнә һәвалә етмир. Тәблиғ хидмәтиндә иштирак едәнләр мүәјјән руһани шәртләрә әмәл етмәли вә онлара бағлы галмалыдырлар (Јешаја 52:11). Һәфтәлик графикимиздә тәблиғ хидмәтинә ваҹиб јери вермәклә, бу шәрәфи гијмәтләндирдијимизи ҝөстәририкми?
5 Јеһованын вердији шәрәф һәјатымызы зәнҝинләшдирир (Сүл. мәс. 10:22). Ҝәлин јухарыда садаланан һәр бир шәрәфи һеч вахт әһәмијјәтсиз санмајаг! Хидмәт етмәк шәрәфини һәгигәтән дә гијмәтләндирмәклә, «һәр бир јахшы бәхшиш вә һәр камил һәдијјә» Верәни — сәмави Атамызы мәмнун едирик (Јаг. 1:17).