Хүсуси бирҝүнлүк конгресин јени програмы

2008-ҹи ил хидмәт илинин хүсуси бирҝүнлүк конгресинин мөвзусу Јешаја 64:8 ајәсинә әсасән белә адланыр: «Биз ҝилик, Јеһова исә Дулусчумуз». Бу програмда алдығымыз Мүгәддәс Китаб нәсиһәти сајәсиндә, Јеһованын Бөјүк Дулусчу кими саһиб олдуғу мүдриклијинә, әдаләтинә, гүввәсинә вә мәһәббәтинә ҝөрә миннәтдарлығымыз артаҹаг.

Рајон нәзарәтчинин «Тәблиғ хидмәтини шәрәфли габлар кими иҹра едәк» адлы мә’рузәси, ҝет-ҝедә даһа чох инсанын һәгигәти билмәкдән вә ону башгалары илә бөлүшмәкдән неҹә бол-бол хејир-дуа алдығыны ҝөстәрәҹәк. «Дәриндән дүшүнмәк сәни горујаҹаг» адлы мә’рузә, Јеһованын әдаләтли принсипләри үзәриндә ҹидди дүшүнмәјин бизи неҹә мүдафиә етдијини ашкар едәҹәк. Дә’вәт олунмуш натиг динләјиҹиләрә, «Бу зәманәјә ујғунлашмајын» вә «Гој сизи Бөјүк Дулусчу формалашдырсын» адлы мә’рузәләри тәгдим едәҹәк. Валидејнләр вә ҝәнҹләр «Јеһованын ишиндә јарарлы олан ҝәнҹләр» вә «Ушагларын формалашмасында валидејнләрин ролу» адлы мә’рузәләрдән руһ јүксәклији алаҹаглар. Гардаш-баҹыларымызын өз хидмәтләрини неҹә јеринә јетирдикләрини ҝөстәрән сәһнәҹикләр вә мүсаһибәләри ешитмәк вә мүшаһидә етмәк бизә хош тә’сир бағышлајаҹаг. Өзүнү Аллаһа һәср етдијини суда вәфтиз олунмагла символлашдырмаг истәјәнләр, буну сәдрлик едән нәзарәтчијә имкан дахилиндә тез мә’лумат вермәлидирләр. Әмин олун ки, хүсуси бирҝүнлүк конгресдә мүзакирә олунаҹаг «Ҝөзәтчи Гүлләси»ни ҝөтүрмүсүнүз.

Бөјүк Дулусчу Өзүнүн һәр бир нијјәтини јеринә јетирир. Амма бизләрдән һәр биримиз Онун бизи формалашдырмасына неҹә һај верәҹәјимизи өзүмүз сечмәлијик. Јеһованын нормаларына һикмәтлә табе олан вә сафлашан мәсиһчиләр, дулусчу чархында ҝил парчасындан формалашмыш, пардахланмыш вә башга шәклә салынмыш јарарлы габ кими ола биләрләр. Биз Јеһова илә әмәкдашлыг едәндә Онун һөкмранлығыны иззәтләндиририк вә бол хејир-дуалар алырыг.