Хүсуси бирҝүнлүк конгресин јени програмы

2009-ҹу хидмәт илинин ‘Диггәтли ол ки, хидмәти иҹра едәсән’ адланан хүсуси бирҝүнлүк конгресинин мөвзусу Колослулара 4:17 ајәсинә әсасланыр. Биз мәсиһчиләр бу мәсләһәтә ҹидди јанашырыг. Мәгсәдимиз хидмәтимизи, Иса кими, сәдагәтлә иҹра етмәкдир (Јәһ. 17:4). Һәвари Павел дә, бунунла бағлы бизә мүкәммәл нүмунә гојуб. О өз һәјат јолуну хидмәт едәрәк битирмәјә гәрарлы иди (Һәв. иш. 20:24).

Рајон нәзарәтчиси мәрузәсиндә мүхтәлиф тәблиғчиләрин хидмәтдә чәтинликләрин өһдәсиндән неҹә ҝәлдикләрини ҝөстәрәҹәк. Сонра «Әкдијини беҹәр» адлы мәрузәдә ‘әбәди һәјата мејлли оланлара’ (ЈД) әсл көмәји неҹә ҝөстәрә биләҹәјимиз вурғуланаҹаг (Һәв. иш. 13:48). Дәвәт олунмуш мәрузәчи «Өзүмүзү Аллаһын хидмәтчиләри кими неҹә тәгдим едирик?» адлы мәрузәсиндә әввәлҹә 2 Коринфлиләрә 6:1-10 ајәләрини ајәбәајә мүзакирә едәҹәк. Ҝүнортадан сонра «Хидмәтини јүксәк гијмәтләндир» мөвзусу илә динләјиҹиләрә мүраҹиәт едәҹәк. Шүбһәсиз, «Ҝәнҹләр вә јашлылар, хидмәтдән севинҹ дујун» вә «Хидмәти иҹра едән ҝәнҹләр» мәрузәләри сизи руһландыраҹаг. Јахынлашан рајон конгресиндә вә ја хүсуси бирҝүнлүк конгресдә һәср олунмаларынын символу олараг суда вәфтиз олунмаг истәјәнләр сәдрлик едән нәзарәтчијә мүмкүн гәдәр тез хәбәр вермәлидирләр. «Ҝөзәтчи Гүлләси»нин арашдырылмасы бүтүн конгресләримизин ваҹиб һиссәсидир. Хүсуси бирҝүнлүк конгресин кечирилдији һәфтә өјрәнилән журналы өзүнүзлә ҝөтүрмәји унутмајын.

Хидмәтимизи јеринә јетирәркән чалышмалыјыг ки, башга мәгсәд вә ишләр Јеһованын бизә һәвалә етдији иши көлҝәдә гојмасын. Бу хүсуси бирҝүнлүк конгресдә Мүгәддәс Китаба әсасланан руһландырыҹы фикирләр бизә диггәтимизи дүзҝүн шејләрә јөнәлтмәк үчүн нә етмәк лазым ҝәлдијини баша дүшмәјә вә хидмәтимизи там иҹра едә билмәк үчүн етдикләримизин үзәриндә дүшүнмәјә көмәк едәҹәк.