Суаллар гутусу

◼ Мүгәддәс Китабы өјрәтдијимиз адамла һансы ики нәшри кечмәк лазымдыр?

«Мүгәддәс Китаб өјрәдир» нәшри өјрәнмәјә башламаг вә ону кечирмәк үчүн әсас вәсаитимиздир. Мүгәддәс Китаб өјрәнмәсини башга бир нәшрин, мәсәлән, мүвафиг трактатын көмәјилә дә башламаг олар, амма мүмкүн гәдәр тез «Мүгәддәс Китаб өјрәдир» нәшринә кечмәк лазымдыр. Бу нәшрлә Мүгәддәс Китаб өјрәнмәсинә башламаг ҝөзәл нәтиҹәләр ҝәтириб.

«Мүгәддәс Китаб өјрәдир» китабыны гуртардыгдан сонра, әҝәр өјрәнән руһән инкишаф едирсә, «Аллаһа ибадәт един» китабыны кечмәк лазымдыр (Колос. 2:7). Бу китабын икинҹи сәһифәсиндә онун мәгсәди һаггында јазылыб: «Мүгәддәс Китаб Аллаһы севәнләрин һамысыны Онун гијмәтли һәгигәтләринин уҹалығыны вә дәринлијини баша дүшмәјә тәшвиг едир (Ефеслиләрә 3:18). Әлиниздәки китаб мәһз елә бу мәгсәдлә јазылыб. Үмид едирик ки, о сизин руһани ҹәһәтдән бөјүмәјинизә вә Аллаһын салеһ јени дүнјасына апаран дар јолла уғурла ҝетмәјинизә көмәк едәҹәк».

Өјрәнән китабларын һәр икисини өјрәниб гуртармаздан өнҹә вәфтиз үчүн тәләбләрә ҹаваб версә дә, икинҹи китабы ахыра кими кечмәк лазымдыр. Мүгәддәс Китабы өјрәнән вәфтиз олунса да, өјрәдән өз һесабатына вахты, тәкрар башчәкмәни вә Мүгәддәс Китаб өјрәнмәсини јаза биләр. Өјрәнмәни кечирәнин әмәкдашы да вахты јаза биләр.