Мүгәддәс Китаб өјрәнмәси кечирмәк үчүн «Аллаһын мәһәббәти» китабындан неҹә истифадә етмәк олар?

1. «Аллаһын мәһәббәти» китабы һансы мәгсәдлә тәртиб олунмушдур?

¹ «Аллаһын руһу бәләдчимиздир» адлы вилајәт конгресиндә «Өзүнүзү Аллаһын мәһәббәтиндә сахлајын» адлы јени китабы алмаг бизи неҹә дә севиндирмишди! Елан едилдији кими, бу нәшр бизә Мүгәддәс Китабын әсас еһкамларыны өјрәтмәк јох, Јеһованын тәјин етдији давраныш нормаларыны өјрәниб севмәјә көмәк етмәк мәгсәдилә тәртиб олунмушдур. Бу китаб евдән-евә тәблиғдә пајланылмајаҹаг.

2. Бу нәшрдән неҹә истифадә едиләҹәк вә кимләрлә кечириләҹәк?

² «Мүгәддәс Китаб өјрәдир» нәшрини битирдикдән сонра икинҹи нәшр кими бу китаб кечиләҹәк. Унутма ки, һамы руһани ҹәһәтдән ејни сүрәтлә инкишаф етмир. Һәр дәрсдә өјрәнән адамын мәнимсәјә биләҹәји гәдәр материал кечилмәлидир. Әмин ол ки, өјрәнән материалы јахшы гаврајыб. Артыг бир нечә китабы өјрәнмәјинә бахмајараг, јығынҹаг ҝөрүшләринә ҝәлмәјән вә һәјатыны өјрәндији Мүгәддәс Китаб һәгигәтләринә ујғунлашдырмаға һеч бир ҹәһд ҝөстәрмәјән инсанларла бу китабы кечмәк лазым дејил.

3. Әҝәр һал-һазырда «Аллаһа ибадәт един» китабы илә өјрәнмә кечиририксә, нә етмәлијик?

³ Әҝәр һал-һазырда «Аллаһа ибадәт един» китабы илә өјрәнмә кечирирсәнсә вә артыг ахырынҹы фәсилләрдәсинизсә, ола билсин, бу нәшри сонадәк кечмәк вә өјрәнәни «Аллаһын мәһәббәти» китабыны сәрбәст охумаға тәшвиг етмәк гәрарына ҝәләсән. Әҝәр ахыра чох галыбса, ән јахшысы, јени китаба кечиб, ону башдан өјрәнмәјә башламагдыр. «Мүгәддәс Китаб өјрәдир» китабы илә олдуғу кими, бу заман да әлавәләр бөлмәсиндәки мөвзулары неҹә мүзакирә едәҹәјини сечмәк һәр кәсин өз ихтијарындадыр.

4. Өјрәнән «Мүгәддәс Китаб өјрәдир» вә «Аллаһын мәһәббәти» китабыны өјрәниб гуртамаздан әввәл вәфтиз олса, нә етмәк лазымдыр?

⁴ Өјрәнән китабларын икисини дә өјрәниб гуртармаздан әввәл вәфтиз олунса, «Аллаһын мәһәббәти» китабыны гуртарана кими өјрәнмәни давам етдирмәк лазымдыр. Өјрәнән вәфтиз олмуш олса да, сааты, тәкрар башчәкмәни вә өјрәнмәни һесабата дахил етмәк олар. Сәни мүшајиәт едән вә өјрәнмәдә иштирак едән тәблиғчи дә вахты һесабатына јаза биләр.

5.«Аллаһын мәһәббәти» китабындан гејри-фәал тәблиғчиләрә көмәк етмәк үчүн неҹә истифадә етмәк олар?

⁵ Јығынҹағын хидмәти комитәсинин үзвү сәнә гејри-фәал тәблиғчи илә Мүгәддәс Китаб өјрәнмәси кечирмәји тапшырса, ола билсин, сәндән «Аллаһын мәһәббәти» китабынын мүәјјән фәсилләрини арашдырмаг хаһиш едиләҹәк. Белә өјрәнмәләри узун вахт әрзиндә кечирмәјә еһтијаҹ јохдур. Өзүмүзү «Аллаһын мәһәббәтиндә» сахламаға көмәк етмәк үчүн тәртиб олунан бу јени китаб неҹә дә ҝөзәл вәсаитдир! (Јәһуда 21).