Хидмәтдә бир-биринизи руһландырын
1 «Јериндә дејилән» руһландырыҹы сөзләри һамымыз гијмәтләндиририк (Сүл. мәс. 25:11). Тәблиғдә әмәкдашлыг едәркән үнсијјәтимизин руһландырыҹы олуб-олмадығыны неҹә мүәјјән едә биләрик?
2 Руһландырыҹы үнсијјәт. Тәблиғ хидмәтиндә олдуғумуз вахт әрзиндә әмәкдашымызла руһани мөвзулары мүзакирә етмәк неҹә дә руһландырыҹыдыр! (Мәз. 37:30). Тәгдимәләримиз вә ја хидмәтдә баш вермиш руһландырыҹы һадисәләр һаггында даныша биләрик (Һәв. иш. 15:3). Мүгәддәс Китабы арашдыраркән вә журналлары охујаркән тапдығымыз, јахуд јығынҹаг ҝөрүшләриндә ешитдијимиз мараглы фикирләрлә бөлүшүрүкмү? Биз Падшаһлыг Залында сөјләнилән ахырынҹы мәрузәдән мараглы фикирләри дә мүзакирә едә биләрик.
3 Ола билсин, ев саһибинин етиразынын өһдәсиндән ҝәлә билмәјәндә мәјус олуруг. Ораны тәрк етдикдән сонра, нөвбәти дәфә јарана биләҹәк белә вәзијјәтин өһдәсиндән неҹә ҝәлә биләҹәјимизи «Мүгәддәс Китаб әсасында сөһбәтә башламағын вә давам етмәјин үсулу» брошүрасынын көмәјилә әмәкдашымызла бир нечә дәгигә мүзакирә етмәк фајдалы оларды. Әмәкдашымызы тәгдимәсиндә хошумуза ҝәлән ҹәһәтә ҝөрә сәмими-гәлбдән тәрифләмәклә руһландыра биләрик.
4 Тәшәббүсү өз үзәринә ҝөтүр. Китабөјрәнмәмиздә елә тәблиғчиләр вармы ки, онларла артыг нечә вахтдыр ки тәблиғә чыхмырыг? Онлары тәблиғә дәвәт етмәклә ‘мүштәрәк иман васитәсилә тәшвиг олуна’ биләрик (Ром. 1:12). Даими вә көмәкчи пионерләр сәһәр тездән, јахуд ахшамүстү, јәни аз тәблиғчиләрин хидмәт етдији бир вахтда онларла хидмәтдә әмәкдашлыг едәнләрә миннәтдардырлар. Биз пионерләрлә хидмәт етмәклә онлара дәстәк ола биләрик. Хәстәлији уҹбатындан чох хидмәт едә билмәјән тәблиғчини таныјырыгмы? Белә тәблиғчи илә әмәкдашлығымыз, мәсәлән, Мүгәддәс Китаб өјрәнмәсинә дәвәт етмәјимиз фајдалы ола биләр (Сүл. мәс. 27:17).
5 Һәтта кичик бир шејә ҝөрә тәрифләјәмәјимиз, јахуд миннәтдарлығымыз һәмишә руһландырыҹы олур. ‘Бир-биримизи инкишаф етдирмәк’ истәдијимиз үчүн, киминләсә тәблиғдә әмәкдашлыг едәндә буну һәмишә јадда сахламалыјыг (1 Салон. 5:11).