Гапы ағзында јахшы көмәк ет
1. Тәблиғә ики-ики ҝетмәк һансы фајдалары ҝәтирир?
1 Бир дәфә Иса 70 шаҝирдини ‘ики-ики’ тәблиғ етмәјә ҝөндәрди (Лука 10:1). Шүбһәсиз, бу ҹүр тәдбирин сајәсиндә онун шаҝирдләри тәблиғдә оларкән бир-бирини дәстәкләјә вә руһландыра биләрдиләр. Хидмәт заманы бир-биримизә неҹә фајдалы ола биләрик?
2. Әмәкдашымыз тәгдимәсини сөјләјирсә, биз неҹә гулаг асмалыјыг вә нәјә ҝөрә?
2 Гулаг ас. Әмәкдашын өз тәгдимәсини сөјләјәркән диггәтлә гулаг ас (Јаг. 1:19). Әҝәр о, ајә охујурса, өз Мүгәддәс Китабындан ону излә. Хидмәтдә ким данышырса она бах, истәр бу, әмәкдашын олсун, истәрсә дә ев саһиби. Сөһбәтә диггәтлә гулаг ассан, бу, ев саһибини дә ејни шеји етмәјә тәшвиг едә биләр.
3. Тәблиғчи өз әмәкдашынын сөһбәтинә нә вахт әлавә едә биләр?
3 Нә вахт данышмағын лазым ҝәлдијини бил. Әмәкдашымызын тәгдимәсини сөјләдикдән сонра сөһбәти давам етдирмәсинә изин вермәклә она һөрмәт ҝөстәрмиш олуруг (Ром. 12:10). Биз онун сөзүнү кәсмәмәлијик. Әҝәр о демәк истәдијини унутса вә ја ев саһиби етиразыны билдирсә, јахуд суал версә вә бу заман әмәкдашымыз биздән көмәк истәсә, башга мөвзуда данышмамаг шәрти илә, онун дедикләринә әлавә етмәјә чалыша биләрик (Сүл. мәс. 16:23; Ваиз 3:1, 7). Бу заман биз елә данышмалыјыг ки, сөзләримиз әмәкдашымызын дедикләринә төһфә версин (1 Кор. 14:8).
4. Хидмәтимизин севинҹли вә мүвәффәгијјәтли олмасына нә көмәк едә биләр?
4 Исанын ҝөндәрдији 70 шаҝирд ики-ики тәблиғ етдикдән сонра ‘севинҹлә ҝери гајытдылар’ (Лука 10:17). Биз дә гапы архасында диггәтлә гулаг асанда вә нә вахт данышмағын лазым ҝәлдијини биләндә хидмәтимиз севинҹли вә мүвәффәгијјәтли олаҹаг.