Истеһкамлары јыхырыг
1 Шејтан әсрләр бојунҹа јалан тәлимләрдән вә һијләләрдән истифадә едәрәк, бир чох инсанларын үрәјинә вә зеһнинә сәдд чәкмишдир. О, Үч үгнум, өлмәз руһ вә ҹәһәннәм оду кими тәлимләри јајмышдыр. Шејтан Јараданын мөвҹудлуғуна вә Мүгәддәс Китабын мөтәбәрлијинә шүбһә ојадыр. Иргчилик вә милләтчилик һәгигәт нурунун гаршысында дуран диҝәр бөјүк манеәдир (2 Кор. 4:4). Белә мөһкәм көк салмыш етигадлары неҹә јыха биләрик? (2 Кор. 10:4, 5).
2 Һиссләрә һопуб. Инсанын узун мүддәт инандығы дини етигадлар чох вахт онун ән дәрин һиссләринә һопур. Бәзиләри јанлыш етигадлара ушаглыгдан инанырлар. Беләләринә көмәк етмәк үчүн елә данышмалыјыг ки, онларын нөгтеји-нәзәринә һөрмәт етдијимиз ҝөрүнсүн (1 Пет. 3:15).
3 Биз онлара нәјә вә нә үчүн инандыгларыны изаһ етмәјә имкан вермәклә һөрмәт ҝөстәрә биләрик (Јаг. 1:19). Бәлкә дә онлар әзизләриндән кимисә итирдикләринә вә ону јенидән ҝөрмәк һәсрәтиндә олдугларына ҝөрә там сәмимијјәтлә руһун өлмәзлијинә инанырлар. Јахуд аиләләри илә бирликдә олмаг имканыны гијмәтләндирдикләри үчүн бајрамлары гејд едирләр. Дедикләринә гулаг ассаг, онларын һиссләрини баша дүшә биләҹәјик вә бу бизә онлара дүзҝүн ҹаваб вермәјә көмәк едәҹәк (Сүл. мәс. 16:23).
4 Исаны тәглид ет. Иса гануну јахшы билән адама неҹә ҹаваб вермәси илә бизә ҝөзәл нүмунә гојмушдур. О, бирбаша ҹаваб вермәди, чүнки һәмин адам үрәкдән инандығы етигадлара ҝөрә онун ҹавабларыны гәбул етмәјә биләрди. Әксинә, Иса Мүгәддәс Јазылара истинад етди, ону өз фикирләрини ифадә етмәјә тәшвиг етди вә мәсәл чәкәрәк она дүшүнмәјә көмәк етди (Лука 10:25-37).
5 Мөһкәм көк салмыш јалан дини етигадлар һеч бир вәҹһлә Аллаһын Кәламындакы һәгигәтә бәрабәр ола билмәз (Ибр. 4:12). Сәбирлә үрәкләринә јол тапараг биз инсанлара јаланы рәдд етмәјә вә онлары азад едәҹәк һәгигәти гәбул етмәјә көмәк едә биләрик (Јәһ. 8:32).