Хидмәтимиз Аллаһа мәһәббәтимизин тәзаһүрүдүр
1. Аллаһа олан мәһәббәти Исаны нәјә тәшвиг едирди?
1 Мәһәббәт Исаны хидмәтини иҹра етмәјә тәшвиг едирди. Исанын хидмәтинин һәр саһәси онун Аллаһы севдијинә данылмаз сүбутдур. Иса демишди: «Дүнја билсин ки, Мән Атаны севирәм вә Ата Мәнә неҹә әмр етмишсә, елә дә иҹра едирәм» (Јәһ. 14:31). Исанын изләри илә ҝедән бизләр дә хидмәтимизлә Аллаһа олан дәрин мәһәббәтимизи ҝөстәрмәк шәрәфинә маликик (Мат. 22:37; Ефес. 5:1, 2).
2. Јеһоваја олан мәһәббәтимиз хидмәтимизә неҹә тәсир едир?
2 «Адын мүгәддәс тутулсун». Инсанлара Јеһова вә Онун Падшаһлығы һагда данышмаг үчүн ҹидд-ҹәһдлә һәр фүрсәтдән истифадә едәндә Аллаһы севдијимизи ҝөстәририк вә беләликлә, Онун адынын тәгдис едилмәсиндә бизим дә пајымыз олур (Мәз. 83:18; Јез. 36:23; Мат. 6:9). Иса кими, биз дә хидмәтимизлә Јеһованын адынын тәгдис едилмәсини вә ирадәсинин јеринә јетмәсини сәмими гәлбдән арзуладығымызы ҝөстәририк (Мат. 26:39).
3. Јеһоваја мәһәббәт чәтинликләрә галиб ҝәлмәкдә бизә неҹә көмәк едир?
3 Мәһәббәт чәтинликләрә галиб ҝәлмәјә тәшвиг едир. Јеһоваја олан мәһәббәт бүтүн манеәләри ашыр (1 Кор. 13:4, 7). Иса ону хидмәтдән узаглашдыра биләҹәк бир чох вәзијјәтләрлә үзләширди. Буна бахмајараг, дәрин мәһәббәти вә Јеһованын ирадәсини јеринә јетирмәк истәји она истәнилән проблемә галиб ҝәлмәјә көмәк едирди (Марк 3:21; 1 Пет. 2:18-23). Биз дә бир чох чәтинликләрлә үзләширик, анҹаг Аллаһа олан мәһәббәтимиз онларын үзәриндә гәләбә чалмаға бизә көмәк едә биләр. Исанын нүмунәсини изләјәрәк, биз дә хидмәтимизи әминликлә вә тәслим олмадан иҹра едә биләрик. Аилә үзвләри тәрәфиндән тәгибләр, зәиф сәһһәт, гоҹалыг вә ја үмумиликдә инсанларын лагејд мүнасибәти бизә тәсир едә биләр, буна бахмајараг, биз јенә дә хидмәтимизи мүмкүн гәдәр сәмәрәли шәкилдә иҹра етмәклә Јеһоваја олан мәһәббәтимизи тәзаһүр етдиририк.
4. Јеһоваја мәһәббәтимиз гаршымызда һансы шәрәфли имканы ачыр?
4 Мәһәббәт бөјүк гүввәдир. Бизә Јеһоваја олан сәмими мәһәббәтимизи хидмәтдә тәзаһүр етдирмәк габилијјәти бәхш олунуб (1 Кор. 13:13). Јеһованын адынын бирдәфәлик тәгдис олунаҹағы вахта сүрәтлә јахынлашдығымыздан гој ‘мәһәббәтимиз ҝетдикҹә даһа чох артсын’ (Филип. 1:9; Мат. 22:36-38).