«Руһән һәрарәтли олун»
1. Һансы хүсусијјәт хидмәтимиздә өзүнү бүрузә вермәлидир?
1 Мәсиһчи хидмәтимизин һеч бир саһәсиндә пассив олмамалыјыг. Әксинә, биз тәшвиг олунуруг: ‘руһән һәрарәтли олун вә Рәббә хидмәт един’ (Ром. 12:11). Анҹаг бир чох шејләр бизи хидмәтдән сојуда биләр. Бәс Падшаһлыг хидмәтимизи иҹра етмәк үчүн сәјимизи вә шөвгүмүзү неҹә ‘аловландыра’ биләрик? (2 Тим. 1:6, 7).
2. Шәхси өјрәнмә илә хидмәтдә сәјлә иштирак етмәк арасында һансы әлагә вар?
2 Мүгәддәс Китабын шәхси өјрәнилмәси. Јеһованын ганунларыны севән вә орадакы һәгигәтләрин үзәриндә дәриндән дүшүнән кәси Падшаһлығын фәал тәблиғчиси адландырмаг олар (Мәз. 119:97). Шәхси өјрәнмә заманы Мүгәддәс Китабдан өјрәндијимиз һәгигәтләр үрәјимизи риггәтә ҝәтирир вә сәјимизи ҝүҹләндирир. Бу ҹүр һәгигәтләрлә бизи тәмин едән Кәси севмәк вә башгалары илә хош хәбәри бөлүшмәк истәји бизи Јеһоваја һәмд етмәјә вә Онун адыны бәјан етмәјә тәшвиг едир (Ибр. 13:15). Беләликлә, хош хәбәри сәјлә тәблиғ етмәклә һәгигәти гијмәтләндирдијимизи ҝөстәририк.
3. Аллаһын руһу хидмәтимизә неҹә тәсир едә биләр?
3 Мүгәддәс руһ үчүн дуа ет. Хидмәтимизин сәмәрәли олмасы бизим ҝүҹүмүздән асылы дејил. Һәгиги сәј Аллаһын руһунун бизә тәсир етмәси сајәсиндә јараныр (1 Пет. 4:11). ‘Бол гүввәнин’ Мәнбәјинә јахынлашмаг бизи ҹәсарәтлә тәблиғ етмәк үчүн руһән ҝүҹләндирәҹәк (Јешаја 40:26, 29-31). Һәвари Павел хидмәт едәркән тәгибләрлә гаршылашанда Аллаһ она ‘көмәк едирди’ (Һәв. иш. 26:21, 22). Јеһованын мөһкәмләндирән мүгәддәс руһу хидмәтдә руһән һәрарәтли олмагда бизә көмәк едә биләр. Буна ҝөрә дә биз дуада Јеһовадан мүгәддәс руһ диләмәлијик (Лука 11:9-13).
4. Сәј ҝөстәрмәк һансы јахшы нәтиҹәләри доғурур вә бунунла јанашы, нәји нәзәрә алмалыјыг?
4 Падшаһлығын тәблиғи ишиндә ҝүҹлү сәј ҝөстәрмәк чох вахт һәмиманлылар арасында даһа бөјүк сәјин олмасына ҝәтириб чыхарыр (2 Кор. 9:2). Чох еһтимал ки, саһәдәки инсанлар шөвглә вә әминликлә тәгдим олунан хәбәрә һај верәҹәкләр. Лакин сәј һәмишә нәзакәтли вә мүлајим олмагла мүшајиәт олунмалыдыр (Тит. 3:2). Биз һәмишә ев сакинләринин ләјагәтинә вә сечим азадлығына һөрмәт етмәлијик.
5. Мүгәддәс Китабын һансы мәсләһәтини тәтбиг етмәјә ҹан атмалыјыг?
5 Падшаһлығын тәблиғчиләри кими, биз ‘руһән һәрарәтли олмалыјыг’. Ҝәлин Мүгәддәс Китабы шәхсән өјрәнмәклә сәјимизи артыраг вә фәал мүгәддәс руһу илә бизи тәмин едә билән Кәсә һәрарәтлә дуа едәк. Буну етмәклә биз ‘Мүгәддәс Руһла вә там бир етигадла’ хидмәтимизи сәјлә јеринә јетирә биләҹәјик! (1 Салон. 1:5).