Јеһова Аллаһ вә Иса Мәсиһ кими һәгиги ибадәтин гејрәтини чәкин
1. Хатирә ҝеҹәси вахты Јеһованын Шаһидләри хүсусилә нә едирләр?
1 Јеһова Аллаһ Өз нијјәтинин һәјата кечмәси үчүн сәјлә чалышыр. Аллаһын Падшаһлығынын ҝәтирәҹәји бәзи немәтләрлә бағлы Әшија 9:7 ајәсиндә дејилир: «Буну Ордулар Аллаһы Јеһованын гејрәти едәҹәк». Ејнилә, јер үзүндә хидмәт едәркән Аллаһын Оғлу да һәгиги ибадәтин гејрәтини чәкирди (Јәһ. 2:13—17; 4:34). Бүтүн дүнјада милјонларла тәблиғчи Јеһова Аллаһ вә Иса Мәсиһ кими һәгиги ибадәтин гејрәтини чәкирләр вә буну хүсусилә дә Хатирә ҝеҹәси вахты хидмәтләрини артырмагла ҝөстәрирләр. Сиз дә онлардан бири олаҹагсынызмы?
2. Мартын 14-дән етибарән биз хүсусилә нәјә чалышаҹағыг?
2 Хатирә ҝеҹәси илә бағлы кампанија. Бу ил Хатирә ҝеҹәси илә әлагәдар кампанија мартын 14-ү шәнбә ҝүнү башлајаҹаг. Сәјлә хидмәт етмәк үчүн ишинизи индидән планлашдырын. Јығынҹаглар өз әразиләринин мүмкүн гәдәр чох һиссәсиндә тәблиғ етмәк үчүн ҹанла-башла чалышаҹаглар. Дәвәтнамә верәрәк, јахуд сајтдан истифадә едәрәк Мүгәддәс Китабы өјрәтдијиниз, тәкрар баш чәкдијиниз адамлары, иш вә мәктәб јолдашларынызы, гоһум-әгрәбаларынызы бу мәрасимә дәвәт един.
3. Март вә апрел ајларында хидмәтимизи неҹә артыра биләрик?
3 Көмәкчи пионер. Биз һәгиги ибадәтин гејрәтини чәкдијимизә ҝөрә хидмәтимизи артыраҹағыг. Сөзсүз ки, бир чохларымызын март вә апрел ајында көмәкчи пионер кими хидмәт етмәк имканы олаҹаг. Белә ки, һәмин вахт 30 саатлыг норма илә дә көмәкчи пионер кими хидмәт едә биләрик. Аиләви ибадәт вә ја шәхси мүталиә заманы дуа едәрәк буну неҹә едә биләҹәјинизи ҝөтүр-гој един (Мәс. 15:22). Бу кампанијаја ҹанла-башла һазырлашмағыныз башгаларыны да һәвәсләндирә биләр. Даһа чох хидмәт етмәк үчүн лазыми дәјишикликләр етсәниз, бу, сизин Иса кими, Аллаһын ишинин гејрәтини чәкдијинизи ҝөстәрәҹәк (Марк 6:31—34).
4. Јеһова Аллаһ вә Иса Мәсиһ кими, һәгигәтин гејрәтини чәкмәјин мүкафаты нә олаҹаг?
4 Хатирә ҝеҹәси заманы һәгиги ибадәтин гејрәтини чәкән Јеһова Аллаһы вә Иса Мәсиһи тәглид етмәјинизин мүкафаты бол олаҹаг. Һәлә әразимиздә мүждәни гәбул едәҹәк чох инсанлар вар. Биз Јеһова Аллаһа хидмәт етмәјин вә башгаларына хејирхаһлыг ҝөстәрмәјин ҝәтирәҹәји хошбәхтлији дадаҹағыг (Һәв. 20:35). Ән әсасы, Аллаһы вә Иса Мәсиһи разы салаҹағыг.