Јеһованын ән бөјүк һәдијјәсинә ҝөрә миннәтдарлығыны билдир
1. Јеһоваја нәјә ҝөрә хүсусилә миннәтдарыг?
1 Јеһованын бизә вердији ‘јахшы бәхшишләрин’ ән бөјүјү севимли Оғлунун фидјә гурбанлығыдыр (Јаг. 1:17). Бунун сајәсиндә, ҝүнаһларымызын бағышланмасы да дахил олмагла, бир чох хејир-дуалар алырыг (Ефес. 1:8). Бу бәхшишә ҝөрә биз һәмишә миннәтдарыг. Хүсусилә дә, Хатирә Ҝеҹәси заманы бу дәјәрли һәдијјәнин үзәриндә дүшүнмәк үчүн вахт ајырырыг.
2. Аиләмизин вә өзүмүзүн фидјәјә ҝөрә миннәтдарлығыны неҹә артыра биләрик?
2 Даһа чох миннәтдар олмагда аиләнә көмәк ет. Аиләнизин миннәтдарлығыны артырмаг үчүн Хатирә Ҝеҹәсинин кечириләҹәји мартын 30-дан әввәлки һәфтә нәјә ҝөрә аиләви ибадәт ахшамы фидјә һаггында мәлуматы арашдырмајасыныз? Һәмчинин Хатирә Ҝеҹәси илә әлагәдар Мүгәддәс Китабдан хүсуси парчалары һәр ҝүн аиләликҹә охујун. Бундан әлавә, фидјәнин сизә ҝәтирдији фајда вә онун Јеһова илә мүнасибәтләринизә, өзүнүзә, башгаларына вә ҝәләҹәјинизә тәсири һагда дәриндән дүшүнүн. Һәмчинин јахшы оларды ки, Хатирә Ҝеҹәсиндә охунаҹаг 5 вә 8 нөмрәли ики јени нәғмәни евдә мәшг едиб охујасыныз (Мәз. 77:12).
3. Миннәтдарлығымызы неҹә ифадә едә биләрик?
3 Миннәтдарлығыны ифадә ет. Фидјәјә ҝөрә миннәтдарлыг бизи тәшвиг едәҹәк ки, Јеһова вә Онун Өз Оғлуну бизим уғрумузда ҝөндәрәрәк тәзаһүр етдирдији бөјүк мәһәббәт барәдә башгаларына данышаг (Мәз. 145:2—7). Бәзи аиләләр март, апрел вә мај ајларында ән азы аиләнин бир үзвүнүн көмәкчи пионер кими хидмәт етмәсинә шәраит јаратмагла өз миннәтдарлыгларыны тәзаһүр етдирирләр. Әҝәр бу, сиздә алынмырса, ‘һәр фүрсәтдән истифадә едиб’ даһа чох хидмәт едә биләрсинизми? (Ефес. 5:16). Миннәтдарлыг бизи һәмчинин тәшвиг едәҹәк ки, башгаларына да бизимлә бирликдә Хатирә Ҝеҹәсиндә олмаға көмәк едәк (Вәһј 22:17). Тәкрар баш чәкдијин, Мүгәддәс Китабы өјрәтдијин инсанлары, гоһумларыны, иш јолдашларыны, гоншуларыны дәвәт етмәк үчүн сијаһы тут. Сонра исә әлиндән ҝәләни етмәјә чалыш ки, Хатирә Ҝеҹәси үчүн хүсуси кампанијада там иштирак едә биләсән.
4. Хатирә Ҝеҹәси дөврүндә неҹә мүдрик даврана биләрик?
4 Хатирә Ҝеҹәси дөврү Јеһованын бәшәријјәт үчүн вердији һәдијјәни нә гәдәр чох гијмәтләндирдијимизи ҝөстәрмәк үчүн јени имкан ачыр. Ҝәлин бу вахтдан истифадә едәрәк фидјәјә вә ‘Мәсиһин кәшфолунмаз зәнҝинлијинә’ ҝөрә миннәтдарлығымызы артыраг вә тәзаһүр етдирәк (Ефес. 3:8).