Хатирә ҝеҹәси. Миннәтдарлыг билдирмәјин вахты.
1. Хатирә ҝеҹәси заманы һансы фүрсәтимиз вар?
1 Апрел ајынын 14-ү Хатирә ҝеҹәсиндә Јеһованын хејирхаһлығына ҝөрә миннәтдарлығымызы билдирмәјин әсил вахтыдыр. Лука 17:11—18 ајәләриндә Јеһованын вә Исанын миннәтдарлыға неҹә јанашдығы ҝөстәрилир. Тәәссүфләр олсун ки, он ҹүзамлыдан јалныз бири гајыдыб өз миннәтдарлығыны билдирди. Ҝәләҹәкдә фидјә әнамынын сајәсиндә бүтүн хәстәликләр арадан галдырылаҹаг вә әбәди јашамаг мүмкүн олаҹаг. Шүбһәсиз, о заман бу хејир-дуалар үчүн Јеһоваја һәр ҝүн миннәтдар олаҹағыг. Бәс үзүмүзә ҝәлән һәфтәләрдә миннәтдарлығымызы неҹә ҝөстәрә биләрик?
2. Фидјәјә ҝөрә миннәтдарлығымызы неҹә артыра биләрик?
2 Миннәтдарлығыны артыр. Миннәтдарлыг һиссләри дүшүнҹәләрин бәһрәсидир. Фидјәјә ҝөрә миннәтдарлығымызы инкишаф етдирмәк үчүн Хатирә ҝеҹәси илә әлагәдар Мүгәддәс Китабдан хүсуси парчалары охуја биләрик. Охунаҹаг ајәләри «Мүгәддәс Јазылары һәр ҝүн арашдырын» китабчасындан тапа биләрсиниз. Јахшы оларды ки, бу парчаларын үзәриндә аиләликҹә дүшүнәсиниз. Бу, бизим фидјәјә ҝөрә миннәтдарлығымыз бирә-беш артыраҹаг вә давранышымыза мүсбәт тәсир едәҹәк (2 Кор. 5:14, 15; 1 Јәһ. 4:11).
3. Хатирә ҝеҹәси заманы миннәтдарлығымызы һансы үсулларла ҝөстәрә биләрик?
3 Миннәтдарлығыны ҝөстәр. Миннәтдарлыг өзүнү әмәлдә ҝөстәрир (Колос. 3:15). Ҹүзамлы Исаны тапыб она тәшәккүр етмәк үчүн әлиндән ҝәләни етмишди. Шүбһәсиз, о, һәмчинин мөҹүзәви шәкилдә шәфа тапдығыны башгаларына да ағыздолусу данышмышды (Лука 6:45). Мәҝәр фидјәјә ҝөрә миннәтдарлыг бизи Хатирә ҝеҹәси заманы инсанлара даһа чох тәблиғ етмәјә тәшвиг етмир? Хатирә ҝеҹәси заманы миннәтдарлығымызы ҝөстәрмәјин даһа бир үсулу көмәкчи пионер кими хидмәт етмәк вә ја хидмәтә даһа чох вахт ајырмагдыр. Хатирә ҝеҹәси ахшамы үрәјимиздәки миннәтдарлыг бизи тәшвиг едәҹәк ки, ҝәлән гонаглары гаршылајаг вә онларын марагландығы суаллары ҹавабландырмаға вахт ајыраг.
4. Хатирә ҝеҹәси заманы һејфсиләнмәмәк үчүн нә едә биләрик?
4 Ола биләрми ки, бу, кечириләҹәк сонунҹу Хатирә ҝеҹәси олсун? (1 Кор. 11:26). Биз буну билмирик. Тәкҹә ону билирик ки, әҝәр бу, кечириләҹәк сонунҹу Хатирә ҝеҹәси олса, миннәтдарлығымызы билдирмәк үчүн әлимизә бир дә белә бир фүрсәт дүшмәјәҹәк. Сән бу фүрсәтдән јарарланаҹагсанмы? Ҝәлин миннәтдарлыг сөзләри илә вә фидјә үзәриндә сәмими-гәлбдән дүшүнмәклә бу фидјәни бизә бәхш едән Јеһованын үрәјини шад едәк (Мәз. 19:14).