Ҝөзүнү сағлам сахлајырсанмы?
1. ‘Ҝөзү сағлам’ сахламаг нә демәкдир?
1 Ҝөзүмүз нәјә бахырса, ону да едирик. Исанын: «Ҝөзүн сағлам олса, бүтүн бәдәнин нурлу олаҹагдыр» сөзләри неҹә дә јериндәдир! (Мат. 6:22) Ҝөзүмүз руһани ҹәһәтдән «сағлам» оланда мәгсәдимиз јалныз вә јалныз Аллаһын ирадәсини јеринә јетирмәк олур. Биз Падшаһлығы биринҹи јерә гојур вә лазымсыз мадди шејләрин, јахуд ишләрин бизи хидмәтдән јајындырмасына јол вермирик.
2. Бизим бахышларымызы нә корлаја биләр вә бу саһәдә бизә нә көмәк едәҹәк?
2 Өзүнү јохла. Бахышларымыз нәји алмағы бизә дејән рекламларын вә башгаларында ҝөрдүјүмүз шејләрин тәсири алтында корлана биләр. Бу шејләри алмаг үчүн биздән чохлу вахт, вәсаит вә ја ҝүҹ сәрф етмәк тәләб олунур. Буна ҝөрә дә јахшы оларды ки, өзүмүздән сорушаг: «Бу, Јеһоваја хидмәтими јахшылашдырмаға көмәк едәҹәк, јохса мане олаҹаг?» Бу суалы вермәјин сајәсиндә биз ‘мәсрәфләри һесабламаға’ мүвәффәг олаҹағыг (Лука 14:28; Филип. 1:9—11). Һәмчинин хидмәтдә даһа чох иштирак етмәк үчүн һәјатымызы даһа неҹә садәләшдирә биләҹәјимизин үзәриндә дүшүнсәк, мүдрик давранмыш олаҹағыг (2 Кор. 13:5; Ефес. 5:10).
3. Һәјатыны садәләшдирмәк үчүн дәјишиклик едән бир баҹыдан нә өјрәнирик?
3 Бир баҹы даими пионер хидмәтинә башлајанда гәрара алды ки, там иш ҝүнү ишләмәјә давам етсин. Һалбуки, јарым ҝүн ишләмәклә өз еһтијаҹларыны өдәјә биләрди. Нәһајәтдә о, белә бир гәнаәтә ҝәлди: «Һеч ким ики ағаја гуллуг едә билмәз. Мән еһтијаҹларымы өдәмәк үчүн истәкләрими гурбан вермәли олдум. Нәһајәт, баша дүшдүм ки, мадди шејләр ҝетдикҹә көһнәлир вә дәјәрини итирир. Онлары әлдә етмәјә чалышмаг мәни әлдән салырды». О, вәзијјәтини ҝөтүр-гој едәрәк гәрара ҝәлди ки, һәјатыны садәләшдирсин вә пионер хидмәтини давам етдирмәјә јол верән иш тапсын.
4. Нәјә ҝөрә ҝөзүмүзү сағлам сахламаг инди олдугҹа ваҹибдир?
4 Вахтын азалмасы ҝөзүмүзү сағлам сахламағын ваҹиблијини даһа да артырыр. Ҝеридә галан һәр ҝүн бизи бу системин сонуна вә Аллаһын јени дүнјасына бир ҝүн дә јахынлашдырыр (1 Кор. 7:29, 31). Буна ҝөрә дә диггәтимизи тәблиғ ишинә јөнәлтмәклә һәм өзүмүзү, һәм дә бизи динләјәнләри хилас едәҹәјик (1 Тим. 4:16).