Хүсуси бирҝүнлүк конгресин јени програмы

Инсан ҝөзүнүн гурулушу әсл мө’ҹүзәдир (Мәз. 139:14). Ҝөз ејни вахта јалныз бир шејә диггәтлә баха билир. Бу һәм һәрфи, һәм дә мәҹази мә’нада беләдир. Руһани ҹәһәтдән ҝөрмә габилијјәтимизи горујуб тәмиз сахламаг үчүн, диггәтимизи Аллаһын ирадәсини јеринә јетирмәјә мәркәзләшдирмәлијик. Шејтан дүнјасынын диггәти јајындыран тә’сиринин ҝет-ҝедә артдығыны нәзәрә алсаг, 2006-ҹы хидмәт илиндә кечириләҹәк хүсуси бирҝүнлүк конгресин мөвзусунун «Ҝөзүнүзү сағлам сахлајын» адланмасы чох мүнасибдир (Мат. 6:22).

Јеһованын хејир-дуаларына малик олмаг үчүн биз нә едә биләрик? (Сүл. мәс. 10:22). Бу суал «Ҝөзү сағлам сахламағын ҝәтирдији хејир-дуалар» адлы мә’рузәдә нәзәрдән кечириләҹәк. Мүсаһибәләрдә Мүгәддәс Јазыларын принсипләринин тәтбиг едилмәсиндән ала биләҹәјимиз фајдалар вурғуланаҹаг. Дә’вәт олунмуш мә’рузәчи «Пис дүнјада ҝөзүнүзү сағлам сахлајын» адлы биринҹи мә’рузәдә, һәјатымызы мүрәккәбләшдирә вә руһән бөјүмәјимизә мане ола билән шејләр һаггында хәбәрдарлыг едәҹәк. Биз һәмчинин «јахшы пајы» сечмәјин өзүнә нә дахил етдијини дә өјрәнәҹәјик (Лука 10:42).

Валидејнләр вә һәмиманлылар ҝәнҹ мәсиһчиләри диггәтләрини руһани ишләрә мәркәзләшдирмәјә неҹә тәшвиг едә биләрләр? «Охларыны дүз истигамәтә јөнәлдән валидејнләр» вә «Руһани мәгсәдләрә ҹан атан ҝәнҹләр» адлы мә’рузәләрә валидејнләрин вә ҝәнҹләрин бу ваҹиб суаллара даир фикирләри дә дахил едиләҹәк (Мәз. 127:4). Дә’вәт олунмуш мә’рузәчинин ахырынҹы нитгиндә, Јеһованын тәшкилаты илә һәр биримизин ајрылыгда, аиләләрин вә јығынҹагларын ирәлиләмәјә давам етмәси мүзакирә едиләҹәк.

Һәгигәтлә тәзә таныш олдуғумуздан вә ја Јеһоваја онилликләрлә хидмәт етмәјимиздән асылы олмајараг, һәр биримизин ‘ҝөзүмүзү сағлам’ сахламасы олдугҹа ваҹибдир. Буну етмәкдә хүсуси бирҝүнлүк конгрес бизә көмәк едәҹәк.