Әввәлләр даими пионер олмусан?
1. Бир чохлары һансы имкана маликдир, бәс бәзиләринин нә етмәләри ҝәрәкдир?
1 Узун илләрдир ки, минләрлә мәсиһчи таммүддәтли тәблиғчи кими ‘хош хәбәри дурмадан бәјан етмәк вә инсанлара өјрәтмәк’ кими ҝөзәл имкана маликдир (Һәв. иш. 5:42). Лакин бәзиләри мүхтәлиф сәбәбләрдән пионер хидмәтини дајандырмалы олмушлар. Әҝәр сән дә нә вахтса даими пионер кими хидмәт етмисәнсә, јенидән хидмәтини бәрпа етмәк үчүн шәраитини нәзәрдән кечирә биләрсәнми?
2. Әввәлләр пионер кими хидмәт едәнләр нәјә ҝөрә шәраитләрини јенидән нәзәрдән кечирмәлидирләр?
2 Шәраит дәјишә биләр. Ола билсин, сәнин пионер хидмәтини дајандырмағына сәбәб олан проблем артыг һәлл олунуб. Мәсәлән, әҝәр сән ајда 90 сааты чатдыра билмәдијин үчүн пионер хидмәтини дајандырмышдынса, инди норма 70 саата ендирилдији үчүн хидмәтини јенидән бәрпа едә биләрсәнми? Бәлкә, пионер хидмәтини дајандырдығын вахтдан бәри ишин вә ја аилә мәсулијјәтләрин азалыб? Сағламлығы уҹбатындан пионер хидмәтини дајандыран бир баҹы артыг бир илдән чох иди ки, хәстәханада јатмырды вә һисс едирди ки, сағламлығы јенидән пионерлијә башламаға јол верир. Буна ҝөрә дә, 89 јашында хидмәтини бәрпа етмәк гәрарына ҝәлди вә јенидән пионер олду!
3. Аиләдән киминсә пионер олмасы үчүн аилә үзвләри неҹә әмәкдашлыг едә биләр?
3 Ола билсин, сән өзүн пионер олмамысан, анҹаг аиләниздән кимсә доғмаларына, мәсәлән, јашлы валидејнләринә бахмаг үчүн хидмәтини дајандырыб (1 Тим. 5:4, 8). Әҝәр беләдирсә, онда сән вә ја аиләнин диҝәр үзвләриндән кимсә она көмәк етмәк үчүн әлиндән ҝәләни едә биләр. Мәсәлән, нәјә ҝөрә бу һагда бирликдә сөһбәт етмәјәсиниз? (Сүл. мәс. 15:22). Аилә үзвләринин әмәкдашлығы сајәсиндә аиләдән бир нәфәр пионер кими хидмәт едәндә һамы елә һисс едир ки, санки, бу ишдә онларын да пајы вар.
4. Әҝәр һал-һазырда шәраитин пионер хидмәтини бәрпа етмәјә јол вермирсә, нә едә биләрсән?
4 Әҝәр һал-һазырда шәраитин пионер хидмәтини бәрпа етмәјә јол вермирсә, руһдан дүшмә. Сәнин пионер руһу ҝөстәрмәјин Јеһованы севиндирир (2 Кор. 8:12). Пионер хидмәтиндә әлдә етдијин тәҹрүбәни тәблиғиндә истифадә ет. Бу һагда дуа ет вә шәраитин дәјишән кими, фүрсәтдән истифадә етмәјә һазыр ол (1 Јәһ. 5:14). Еһтимал ки, Јеһова гаршында ‘бөјүк фәалијјәт гапысы ачаҹаг’ вә сән јенидән даими пионер олмаг севинҹини дадаҹагсан (1 Кор. 16:9).