Сәбир — хидмәтимизин сәҹијјәви хүсусијјәти
1. Јеһова бәшәријјәтә сәбрини неҹә ҝөстәрир?
1 Аллаһ бәшәријјәтә гаршы чох сәбирлидир (Чых. 34:6; Мәз. 106:41—45; 2 Пет. 3:9). Онун севҝи долу сәбринин ән бариз нүмунәси Падшаһлығын бүтүн дүнјада тәблиғ олунмасыдыр. Јеһова, демәк олар ки, артыг 2000 илдир, бәшәријјәтә сәбир едир, анҹаг бунунла белә О, јенә дә сәмими инсанлары Өзүнә ҹәлб етмәјә давам едир (Јәһ. 6:44). Хидмәтимиздә Јеһованын сәбрини неҹә әкс етдирә биләрик?
2. Саһәләримизи ишләјәркән неҹә сәбир ҝөстәрә биләрик?
2 Евдән-евә хидмәт. Саһәмиздә инсанлар мараг ҝөстәрмәјәндә белә «дурмадан» тәблиғ етмәклә биз Јеһованын сәбрини әкс етдиририк (Һәв. иш. 5:42). Биз хидмәтдә инсанларын лагејдлијинә, истеһзалара, мүгавимәтләрә сәбирлә синә ҝәририк (Марк 13:12, 13). Марагланан инсанлары евдә тапмајанда да һәгигәт тохумуну сувармаға давам едир вә сәбир тәзаһүр етдиририк.
3. Тәкрар баш чәкән вә Мүгәддәс Китаб өјрәнмәси кечирән заман нәјә ҝөрә сәбир тәләб олунур?
3 Мүгәддәс Китаб өјрәнмәсиндә. Адәтән, әкин-сәпин иши сәбир тәләб едир. Әкинчи тохуму сәпсә дә, онун бөјүмәсини сүрәтләндирә билмир (Јаг. 5:7). Ејнилә, руһани инкишаф да тәдриҹән вә мәрһәлә-мәрһәлә баш верир (Марк 4:28). Өјрәтдијимиз инсанлара јалан дини етигатлардан вә адәт-әнәнәләрдән әл чәкмәк чәтин ола биләр. Дәјишиклик етмәләри үчүн онлара тәсир ҝөстәрмәмәли вә инкишаф етмәјә тәләсдирмәмәлијик. Аллаһын мүгәддәс руһунун өјрәнән адамын үрәјинә тәсир ҝөстәрмәсинә кифајәт гәдәр вахт вермәк лазымдыр; бунун үчүн дә сәбир тәләб олунур (1 Кор. 3:6, 7).
4. Иманымыза шәрик олмајан гоһумларымыза шаһидлик верәркән сәбир хидмәтимизин сәмәрәли олмасына неҹә көмәк едә биләр?
4 Гоһумлар. Иманымыза шәрик олмајан гоһумларымызын һәгигәти өјрәнмәсини чох истәсәк дә, иманымызы онларла бөлүшмәк үчүн сәбирлә мүнасиб вахты ҝөзләјир вә онлары һәддән артыг мәлуматла јүкләмәкдән еһтијат едирик (Ваиз 3:1, 7). Ејни заманда давраныш тәрзимиз һәгигәт сајәсиндә неҹә инсанлар олдуғумузу ҝөстәрәҹәк вә биз һәр заман иманымызы һәлимликлә вә дәрин һөрмәтлә бөлүшмәјә һазыр олаҹағыг (1 Пет. 3:1, 15). Бәли, сәбир ҝөстәрмәклә хидмәтимиз даһа сәмәрәли олаҹаг вә сәмави Атамызын үрәјини шад едәҹәк.