Падшаһлыг маһныларындан зөвг алын
Аллаһын хидмәтчиләри мусигини Јеһовадан олан ҝөзәл бир бәхшиш кими гәбул едирләр (Јаг. 1:17). Бүтүн дүнјада јығынҹаг ҝөрүшләринин әввәлиндә вә сонунда һәзин Падшаһлыг маһнылары сәсләнир. Јығынҹаға ҝәләнләри инсанын руһуну охшајан мелодијалар саламлајыр. Бу руһани маһнылар фикримизи ибадәтә ҹәмләмәјә көмәк едир. Ејни заманда, нәғмә китабларымыздан јени мелодијаларын сәсләнмәси бизи онларла таныш едир вә лајигли тәрздә ифа етмәјимизә көмәк едир. Јығынҹагдан сонра сәсләнән мусиги хош аб-һава јарадыр вә руһландырыҹы үнсијјәтдән һәзз алмаға тәшвиг едир. Буна ҝөрә дә, ағсаггаллар шурасы јығынҹагдан әввәл вә сонра «Јеһованы нәғмәләрдә тәрәннүм един — фортепианонун мүшајиәтилә» адлы ҸД-дән һансы мусигинин сәсләнәҹәјинә гәрар верә биләр. Онлар әмин олмалыдырлар ки, мусигинин сәси һәддән артыг јүксәк дејил вә үнсијјәтә мане олмур.