Хош хәбәри тәблиғ едәркән трактатлардан истифадә ет
1. Аллаһын халгы трактатлардан неҹә истифадә етмишдир?
1 Узун илләрдир ки, Аллаһын халгы хош хәбәрин тәблиғиндә Мүгәддәс Китаба әсасланан трактатлардан истифадә едир. 1880-ҹи илдә Ч. Т. Рассел вә онун әмәкдашлары «Мүгәддәс Китаб тәдгигатчыларынын трактатлары» адлы силсилә трактатлар нәшр етмәјә вә онлары пајламаг үчүн «Ҝөзәтчи гүлләси» журналынын охуҹуларына ҝөндәрмәјә башладылар. Трактат о дәрәҹәдә ваҹиб һесаб олунурду ки, 1884-ҹү илдә Ч. Т. Рассел Падшаһлығын марагларынын инкишаф етмәси үчүн гејри-коммерсија тәшкилатыны һүгуги шәхс кими гејдијјатдан кечирәндә адына «трактат» сөзүнү әлавә етди, јәни «Сион Ҝөзәтчи Гүлләси вә Трактатлар Ҹәмијјәти» (индики ады «Ҝөзәтчи Гүлләси, Мүгәддәс Китаб вә Трактатлар Ҹәмијјәти, Пенсилванија») адландырды. 1918-ҹи илә кими Мүгәддәс Китаб тәдгигатчылары 300 милјондан чох трактат пајламышдылар. Трактатлар инди дә еффектив тәблиғ вәсаитидир.
2. Трактатлар нәјә ҝөрә еффективдир?
2 Нә үчүн еффективдир? Трактатлар рәнҝарәнҝ вә ҝөзохшајандыр. Орадакы мәлумат гыса, мараглы вә долғундур. Онлар китаб вә ја журнал охумағы севмәјән инсанларын диггәтини ҹәлб едир. Һәтта јени тәблиғчиләрә вә ушаглара да трактатлары пајламаг асандыр. Бундан әлавә, трактатлар јығҹам олдуғундан инсана онлары өзү илә ҝәздирмәк чәтин дејил.
3. Нәшрләримиздән вә ја шәхсән өз башыныза ҝәлмиш һадисәләри данышын.
3 Бир чохлары илк дәфә һәгигәти трактат васитәсилә өјрәнмишләр. Мисал үчүн, Һаитидән олан бир гадын күчәдә бир трактат тапмышды. Ону ҝөтүрүб охудугдан сонра белә сөзләр демишди: «Мән һәгигәти тапдым!» Сонра о, Падшаһлыг залына ҝәлди, Мүгәддәс Китабы өјрәнмәјә башлады вә вәфтиз олду. Бүтүн бунлар трактатда јерләшән Аллаһын Кәламынын тәсирли ҝүҹү сајәсиндә мүмкүн олду.
4. Трактат пајламагда мәгсәдимиз нәдир?
4 Евдән-евә тәблиғдә. Шаһидлик етмәк үчүн еффектив васитә олдуғундан нојабр ајындан башлајараг вахташыры олараг ај әрзиндә пајлајаҹағымыз әдәбијјатларын сырасында трактатлар да олаҹаг. Мәгсәдимиз садәҹә трактат пајламаг јох, онларын көмәјилә сөһбәтә башламагдыр. Әҝәр инсан илк вә ја тәкрар башчәкмәдә мараг ҝөстәрирсә, «Мүгәддәс Китаб өјрәдир» китабы вә ја башга тәлим нәшри васитәсилә Мүгәддәс Китаб өјрәнмәсинин неҹә кечирилдијини ҝөстәрә биләрик. Евдән-евә тәблиғдә трактатлары неҹә тәгдим едә биләрик? Трактатлар мүхтәлиф олдуғундан тәгдим етдијимиз трактатла јахшыҹа таныш олмалыјыг.
5. Евдән-евә тәблиғдә трактатлары неҹә тәгдим едә биләрик?
5 Биз тәгдимәмизи тәблиғ етдијимиз әразијә вә истифадә етдијимиз трактатлара ујғунлашдырмалыјыг. Сөһбәтә ев саһибинә трактат вермәклә башлаја биләрик. Трактатын ҹәлбедиҹи үз габығы онда мараг ојада биләр. Јахуд ев саһибинә бир нечә трактат ҝөстәрәрәк ону марагландыран һәр һансы бирини сечмәсинә имкан вермәк олар. Инсанларын гапыны ачмаға тәрәддүд етдији әразидә хидмәт едәндә ев саһибинин фикрини өјрәнмәк үчүн трактаты онун ҝөрә биләҹәји тәрздә ҝөстәрмәк вә ја онлардан бирини гапынын ашағысындан өтүрмәк үчүн иҹазә алмаг олар. Әҝәр трактатын ады суал формасындадырса, бу суала даир онун фикрини өјрән. Јахуд да өзүн мараг ојадаҹаг вә сөһбәтә ҹәлб едәҹәк суал вер. Сонра трактатын мәтниндән бир парча оху, мәтндәки суаллары охујаркән фасилә ет вә ев саһибини фикирләрини билдирмәјә тәшвиг ет. Әсас ајәләри Мүгәддәс Китабдан оху. Материалын бир гисмини нәзәрдән кечирдикдән сонра мүзакирәни битирә вә нөвбәти дәфә нә вахт ҝәләҹәјини дәгигләшдирә биләрсән. Әҝәр сизин әразидә евдә олмајанлара әдәбијјат сахламаг нормалдырса, онда евдә тапа билмәдијиниз инсанлар үчүн ҝөзәчарпмајан јерә трактат гоја биләрсиниз.
6. Күчәдә шаһидлик едәркән трактатлардан неҹә истифадә едә биләрик?
6 Күчәдә шаһидлик. Күчәдә шаһидлик едәркән трактатлардан истифадә едирсәнми? Бәзи инсанлар тәләсдикләри үчүн ајаг сахлајыб бизимлә сөһбәт етмәк истәмирләр. Белә олан һалда онларын марагланыб-марагланмадыгларыны мүәјјән етмәк чәтин олур. Охујуб-охумајаҹағыны билмәдијимиз һалда журналын ән сон сајыны онлара вермәкдәнсә, трактат тәклиф етмәк даһа јахшы олар. Чүнки трактатын үз габығы мараглы, ичиндәки мәлумат исә аз олдуғундан һәр шеји билмәк һәвәси инсанлары бир нечә дәгигә әрзиндә трактаты охумаға тәшвиг едә биләр. Сөзсүз ки, әҝәр онлар тәләсмирләрсә, трактатда олан бәзи мәлуматы онларла бирҝә мүзакирә етмәк олар.
7. Гејри-рәсми шаһидлик едәркән трактатлардан неҹә истифадә едилдијинә даир һадисәләр даныш.
7 Гејри-рәсми шаһидлик. Трактатлар васитәсилә гејри-рәсми шаһидлик вермәк асандыр. Бир гардаш һәр дәфә евдән чыханда ҹибинә бир нечә трактат гојур. О, киминләсә гаршылашанда, мәсәлән, нәсә аланда сатыҹыја охумаг үчүн трактат тәклиф едир. Бир дәфә Нју-Јорк шәһәринин ҝөрмәли јерләрини ҝәзмәјә ҝедән бир әр-арвад мүхтәлиф өлкәләрдән ҝәлән инсанларла гаршылашаҹагларыны билирдиләр. Буна ҝөрә дә онлар өзләри илә «Халглар» брошүрасыны вә мүхтәлиф дилләрдә бир нечә трактат ҝөтүрмүшдүләр. Сонра бу ҹүтлүк јол кәнарында гојулан пиштахталарда ишләјән, ресторанларда вә ја паркларда онларын јанында әјләшән инсанларын әҹнәби дилдә данышдыгларыны ешидәндә онлара өз дилләриндә трактат тәклиф едирдиләр.
8. Һансы мәнада трактатлары тохума бәнзәтмәк олар?
8 «Тохумуну... сәп». Трактатлары тохума бәнзәтмәк олар. Әкинчи тохумлары сәхавәтлә сәпир, чүнки сәпдији тохумлардан һансынын ҹүҹәриб бој атаҹағыны билмир. Ваиз 11:6 ајәсиндә дејилир: «Тохумуну сәһәр вахты сәп, ахшама гәдәр дә әлин бош дурмасын. Чүнки билмирсән ки, әввәлки мәһсулдар олаҹаг, јохса сонракы јахуд һәр икиси бирликдә». Бу сәбәбдән, ҝәлин олдугҹа еффектив олан бу вәсаитдән истифадә едәрәк билик сәпәк (Сүл. мәс. 15:7).
[3–ҹү сәһифәдәки јазы]
Шаһидлик етмәк үчүн еффектив васитә олдуғундан нојабр ајындан башлајараг вахташыры олараг ај әрзиндә пајлајаҹағымыз әдәбијјатларын сырасында трактатлар да олаҹаг