Буклетләр васитәсилә сөһбәтә неҹә башламалы?

2018-ҹи ил јанвар сајындан етибарән «Мәсиһи һәјаты вә ибадәти. Иш дәфтәри» вәрәгәсинин өн сәһифәсиндә сөһбәт планлары дәрҹ олунур. Биз тәблиғдә садәҹә әдәбијјат вермәјә јох, инсанларла сөһбәт етмәјә тәшвиг олунуруг. Тәблиғчиләрә сөһбәтә тәкҹә Мүгәддәс Китаб васитәсилә башламаға көмәк етмәк үчүн видеолар тәгдим олунур. Бәс бу о демәкдирми ки, ев-ев тәблиғ едәркән нәшрдән истифадә етмәмәлијик? Хејр. Мәсәлән, буклетләр васитәсилә сөһбәтә башламаг чох еффектив ола биләр. Биз буклетләри ашағыда ҝәтирилән гајдаја ујғун тәгдим едә биләрик:

1. Өн сәһифәдә ҝәтирилән суалы верин.

2. Сонра ҹаваб олараг икинҹи сәһифәнин јухарысында ҝәтирилән Мүгәддәс Китаб ајәсини (ајәләрини) охујун. Әҝәр вахт варса, буклетин ичиндән бәзи мәлуматлары охујуб, мүзакирә един.

3. Буклети ев сакининә верин вә тәшвиг един ки, галан мәлуматы она мүнасиб вахтда өзү охусун.

4. Сағоллашмамышдан габаг «Дүшүнүн» чәрчивәсиндәки суаллары ҝөстәрин вә Мүгәддәс Китабдан ҹавабы мүзакирә етмәк үчүн нөвбәти дәфәјә вахт тәјин един.

Тәкрар ҝәләндә ҹавабы мүзакирә един, нөвбәти тәкрар сөһбәт үчүн ачыг суал сахлајын. Суалы сајтымыздан вә ја буклетин сон сәһифәсиндә истинад олунан нәшрдән сечә биләрсиниз. Мүнасиб вахтда «Илаһи мүждә» китабчасыны вә ја истәнилән тәлим вәсаитини тәгдим един.