Ҹәлбедиҹи тәртибатлы јени буклетләр!
1. Хидмәтдә хүсуси мәгсәд дашыјан һансы вәсаитләри әлдә етмишик?
1 2013-ҹү илдә кечирилән «Аллаһын Сөзү һәгигәтдир!» адлы вилајәт конгресиндә беш јени буклет вә 38 нөмрәли «Падшаһлыг һаггында хәбәр» силсиләсиндән «Өлүләрин дирилмәси мүмкүндүрмү?» буклетини алмышыг. Бу алты буклетин һамысы да ҹәлбедиҹи тәртибатдадыр. Бу буклетләрин јени форматда олмасынын сәбәби нәдәдир? Биз онлары евдән-евә тәблиғдә сәмәрәли шәкилдә неҹә тәгдим едә биләрик?
2. Јени тәртибат һансы мәгсәдә хидмәт едир?
2 Јени тәртибатын мәгсәди. Евдән-евә еффектив тәгдимә, адәтән, дөрд мәрһәләдән ибарәт олур: 1) нөгтеји-нәзәрә даир суал вериб сөһбәти башламаг, 2) Мүгәддәс Китаб ајәси охумаг, 3) охумасы үчүн марагланана әдәбијјат сахламаг, 4) ачыг суал сахламаг вә тәкрар башчәкмәнин вахтыны тәјин етмәк. Бу буклетләрин јени тәртибаты бу дөрд мәрһәләни асанлыгла кечмәјә көмәк едир.
3. Јени буклетләри хидмәтдә неҹә истифадә едә биләрик?
3 Онлардан неҹә истифадә етмәли? 1) Саламлашдыгдан сонра сакинә буклетин үзүндә олан мүхтәлиф ҹаваблы суалы ҝөстәриб онун фикрини соруш. 2) Буклети ач вә «Мүгәддәс Китабда нә дејилир?» башлығы алтындакы мәлуматы нәзәрдән кечир. Шәраит јол верирсә, ајәни бирбаша Мүгәддәс Китабдан оху. Ев сакининин вахты варса, «Бунун сизә һансы көмәји дәјә биләр?» башлығы алтындакы мәлуматы мүзакирә ет. 3) Сонра буклети она вер вә галан мәлуматы охумаға тәшвиг ет. 4) Сағоллашмаздан өнҹә «Дүшүнүн» башлығы алтындакы суалы ҝөстәр вә ҝәлән дәфә Мүгәддәс Китабын бу суала вердији ҹавабы мүзакирә етмәк үчүн вахт тәјин ет.
4. Тәкрар башчәкмә заманы јени буклетләри неҹә истифадә едә биләрик?
4 Тәкрар башчәкмә етмәк дә асандыр. Садәҹә олараг, кечән дәфә ачыг сахланылан суалы ҹавабландырмаг үчүн сонунҹу сәһифәдә јерләшән ајәләрдән истифадә ет. Сонда исә «Илаһи мүждә» брошүрасынын шәклини ҝөстәр вә сонра һәмин брошүрадан мүзакирә етдијиниз мөвзунун арашдырылдығы фәсли ҝөстәр вә брошүраны она вер. Әҝәр о, брошүраны ҝөтүрсә, онда ҝәлән дәфә бу брошүрадан мүзакирәни давам етдирмәк үчүн вахт тәјин ет. Будур, сән артыг Мүгәддәс Китаб өјрәнмәсинә башладын! Јахуд бу брошүраны тәклиф етмәк әвәзинә, сән она башга буклет верә биләрсән ки, ҝәлән дәфә ону мүзакирә едәсиниз.
5. Трактат вә буклетләрин хидмәтдә ролу нәдән ибарәтдир?
5 Трактат вә буклетләрдән артыг 130 илдән чохдур ки, истифадә едилир. Өлчүләри мүхтәлиф олса да, онлар чох еффектли тәблиғ вәсаитләридир. Ҝәлин индән белә дә Мүгәддәс Китаб биликләрини бүтүн дүнјаја чатдыраг дејә бу јени тәртибатлы вәсаитләрдән сәмәрәли истифадә едәк (Сүл. мәс. 15:7а).