Рәсми веб-сајтымыз бизә вә башгаларына фајда ҝәтирмәк үчүн нәзәрдә тутулуб
Иса Падшаһлыг һаггында хош хәбәри «милләтләрин һамысына шәһадәт олсун дејә, бүтүн јер үзүндә» тәблиғ етмәји тапшырыб (Мат. 24:14). Хидмәтимизи там шәкилдә јеринә јетирмәјимиз үчүн watchtower.org, jw-медиа.org вә jw.org сајтлары бир сајтда — jw.org веб-сајтында бирләшдирилиб (2 Тим. 4:5).
«Бүтүн јер үзүндә». Дүнја әһалисинин үчдә бири Интернетдән истифадә едир. Бу, чохлары, хүсусилә дә ҝәнҹләр үчүн әсас информасија васитәсинә чеврилиб. Бизим сајт Интернет истифадәчиләринә Мүгәддәс Китаба аид суаллара доғру ҹаваблар верир. Бунун сајәсиндә онлар үчүн Јеһованын тәшкилатына ҝәлмәк вә Мүгәддәс Китаб өјрәнмәсинә башламаг асанлашыр. Беләҹә, узаг әразиләрдә инсанларын Падшаһлыг һаггында хош хәбәри ешитмәк имканы олур.
«Милләтләрин һамысына». «Милләтләрин һамысына» шаһидлик етмәк үчүн Мүгәддәс Китаб һәгигәтләрини мүхтәлиф дилләрдә тәгдим етмәк тәләб олунур. Һал-һазырда jw.org сајтынын истифадәчиләринин тәхминән 400 дилдә мәлумат әлдә етмәк имканы вар. Бу, диҝәр веб-сајтларла мүгајисәдә гат-гат чохдур.
Мәһарәтлә истифадә ет. jw.org веб-сајтыны тәзәләмәкдә мәгсәд јалныз мәсиһчи олмајанлара шаһидлик вермәк дејил. О һәмчинин Јеһованын Шаһидләринин истифадәси үчүн дә нәзәрдә тутулуб. Әҝәр Интернет сәнин үчүн әлчатандырса, биз сәни jw.org сајты илә таныш олмаға дәвәт едирик. Онун истифадәсинә даир бәзи ҝөстәришләрә диггәт јетир.
[3–ҹү сәһифәдәки чәрчивә]
(Чәрчивәјә нәшрин өзүндә бахын)
Тәлимат
1 www.jw.org сајтына дахил ол.
2 Сајтла танышлыг үчүн бөлмәләрә, сол тәрәфдәки менјулара вә линкләрә дахил ол.
3 jw.org сајтына смартфон вә планшет кими мүхтәлиф електрон ҹиһазлар васитәсилә дахил ола биләрсән. Сәһифә јығҹамлашдырылса да, мәлумат ејнидир.