Хидмәтдә jw.org сајтындан истифадә един. «Јеһованын досту ол»

jw.org сајтынын «Мүгәддәс Јазыларын тәлимләри» бөлмәсиндә ушаглар үчүн «Јеһованын досту ол» адлы рубрика вар. Орада маһнылар, видеолар вә тапшырыглар јер алыб. Һеч хидмәтдә бунлардан истифадә едирсиниз? Мәсәлән, әҝәр Мүгәддәс Китабы өјрәтдијиниз адамын балаҹа ушаглары варса, ону бу рубрика илә таныш едә биләрсиниз. О заман һәмин адамын веб-сајтымызын башга бөлмәләринә дә марағы јарана биләр.

«Падшаһлыг һаггында хәбәр» адлы 38 нөмрәли буклети пајлајан бир гардаш хидмәт заманы бир гадына да буклет вермишди. Гадын буклети алан кими охумаға башлады. Гадынын ушаглары марагла буклетә бахырдылар. Гардаш гысаҹа олараг буклетин мәзмунуну данышыб она архадакы веб үнваны ҝөстәрди. Гадын мараглананда гардаш фүрсәтдән истифадә едиб она вә ушагларына өз електрон ҹиһазында Еминин видео чархларындан бирини ҝөстәрди.

Бир баҹы балаҹа ушаглары олан иш јолдашына бизим веб-сајтымыз, орада аиләләр һагда јерләшән мәлумат барәдә данышды. Гадын ушаглары илә бирликдә jw.org сајтына бахды. Сонра һәмин гадын баҹыја данышды ки, ушаглары «Јеһованын досту ол» рубрикасындакы «Аллаһын сөзүнү тәблиғ ет» адлы маһныны охуја-охуја евдә ҝәзирләр.

Јахшы оларды ки, jw.org сајтындакы бу рубрика илә таныш оласыныз вә орадакы маһнылардан, видеолардан вә тапшырыглардан бирини електрон ҹиһазыныза јүкләјәсиниз. Белә етсәниз, бу рубрикадан хидмәтдә асанлыгла истифадә едәҹәксиниз. Бу, Ағаја хидмәт етмәк үчүн ҝөзәл вәсаитдир (Һәв. 20:19).