Хидмәтдә веб-сајтымыздан истифадә ет. «Мүгәддәс Јазылара аид суаллара ҹаваб»

jw.org сајтында «Мүгәддәс Јазыларын тәлимләри» башлығы алтында «Мүгәддәс Јазылара аид суаллара ҹаваб» бөлмәси вар. Әҝәр биз бурадакы тез-тез верилән суаллара ҹавабларла таныш олсаг, һәмсөһбәтимизи Мүгәддәс Јазылара әсасланан ҹаваб тапа билмәси үчүн сајтымыза јөнәлдә биләрик. Сајтымыздакы бу суаллардан тәблиғә башламаг үчүн дә истифадә едә биләрик. Биз әразимиздәки инсанлар үчүн мараглы ҝәлә биләҹәк суалы галдыра, һәмсөһбәтимизин буна даир фикрини өјрәнә, сонра исә jw.org сајтындакы материалдан истифадә едәрәк Мүгәддәс Китабда бу һагда нә дејилдијини чатдыра биләрик. Бундан сонра биз бу мәлуматы һарадан тапдығымызы ҝөстәрә вә ја изаһ едә биләрик. Вә ја ҹавабы бирбаша веб-сајтымыздан һәмин адамын өзүнә охуда биләрик. Бир сәјјар нәзарәтчисинин арвады белә бир үсулдан истифадә едир: «Бу ҝүн чохларыны бу суал нараһат едир: “Аллаһ Өз бәндәләринә әзаб верирми?” Сиз бу суалын ҹавабыны ҹәми 51 санијәјә билмәк истәјәрдиниз?» Сонра о, һәмин ҹавабын аудио-јазысыны телефонунда сәсләндирир. Фикрини «Мүгәддәс Китаб өјрәдир» китабынын 11-ҹи фәслинә кечид етмәклә јекунлашдырыр.