Рәсми веб-сајтымыздан хидмәтдә истифадә ет
Инсанлары веб-сајтымыздан истифадә етмәјә тәшвиг ет. Бизимлә сөһбәт етмәјә вә ја әдәбијјат ҝөтүрмәјә тәрәддүд едән инсанлар өз евләриндә jw.org сајтына дахил олараг Јеһованын Шаһидләри барәдә мәлумат алмагдан һеч дә имтина етмирләр. Буна ҝөрә дә һәр фүрсәтдән истифадә едәрәк башгаларына веб-сајтымыз һаггында мәлумат вер.
Суаллара ҹаваб вер. Бәзән мараг ҝөстәрән инсанлар, еләҹә дә танышларымыз Јеһованын Шаһидләри вә ја онларын нәјә инандыглары барәдә суаллар верә биләрләр. Суалларын ҹавабыны јериндәҹә мобил телефонда вә ја компүтердә ҝөстәр. Ән јахшысы ситат ҝәтирилән ајәни бирбаша Мүгәддәс Китабдан охумагдыр. Әҝәр әлинин алтында Интернет јохдурса, һәмсөһбәтинә суалларына ҹаваб тапмаг үчүн жw.орҝ сајтындан неҹә истифадә едә биләҹәјини баша сал. (Дахил ол: Мүгәддәс Јазыларын тәлимләри/Мүгәддәс Јазылара аид суаллара ҹаваб вә ја Һаггымызда/Тез-тез верилән суаллар.)
Таныдығын кимәсә мәгалә вә ја әдәбијјат ҝөндәр. Јүкләдијин PDF вә ја EPUB-у електрон мәктуба әлавә едиб кимәсә ҝөндәрә биләрсән. Јахуд да һәр һансы нәшрин аудиојазысыны јүкләјиб CD-јә көчүрә биләрсән. Вәфтиз олунмамыш кимәсә һәр дәфә истәнилән китабын, брошүранын вә ја журналын бүтөв електрон вариантыны верәндә буну пајладығын әдәбијјат кими һесабата дахил едә биләрсән. Ҝөндәрдијин материал аноним вә ја бөјүк һәҹмли олмамалыдыр вә башга һеч бир веб-сајда дәрҹ олунмамалыдыр. (Дахил ол: Нәшрләр.)
Јеһованын Шаһидләри барәдә сон хәбәрләри ҝөстәр. Мүгәддәс Китабы өјрәнән инсанлара вә башгаларына дүнја мигјасында ҝөрүлән тәблиғ ишимизә вә мәсиһчи бирлијимизә ҝөрә миннәтдарлыг руһу ашыламагда бунун сәнә бөјүк көмәји дәјәҹәк (Мәз. 133:1). (Дахил ол: Хәбәрләр.)
[5–ҹи сәһифәдәки чәрчивә]
(Чәрчивәјә нәшрин өзүндә бахын)
Тәлимат
1 Јүкләмәк истәдијин мөвзулары «Нәшрләр» башлығы алтында тап, мәтн вә ја аудио форматыны сечәрәк дүјмәјә бас.
2 Журналдакы мәгаләләрин сијаһысына бахмаг үчүн «MP3» дүјмәсинә бас. Јүкләмәк үчүн мәгаләнин вә ја Интернетдә гулаг асмаг үчүн ▸ дүјмәсинин үзәринә бас.
3 Әҝәр башга дилдә әдәбијјат јүкләмәк истәјирсәнсә, һәмин дили сеч.