«Бүтүн гардашлығы севин»
Бу башлыгда јазылмыш сөзләр тәхминән ики мин ил бундан әввәл јазылмышды (1 Пет. 2:17). Лакин онлар бизим ҝүнләрдә даһа актуалдыр! Бәс дүнјаны әһатә едән бир гардашлығы сөзүн әсил мәнасында неҹә севә биләрик? Үстәлик, мәһәббәтдән касад дүнјада бу севҝини неҹә горујуб сахлаја биләрик? (Мат. 24:12). «Үмумдүнја гардашлығымыз» филмә бахдыгҹа ашағыдакы суаллара ҹаваб тапмаға чалыш.
1) Биз нә вахтдан рәсми сурәтдә мәсиһчи гардашлығынын бир һиссәси олуруг? 2) Үмумдүнја гардашлығымызла бәрабәр һансы үч саһәдә әмәкдашлыг едирик? 3) Гардашлар а) Алјасканын дүзәнлик әразиләриндә, б) Авропанын бөјүк лиманларында вә в) Перунун сых мешәликләриндә гәтијјәтлә тәблиғ етдикләрини неҹә ҝөстәрдиләр? 4) Нәјә ҝөрә биз тәблиғ хидмәтинә ади бир иш кими јанашмамалыјыг? 5) Јеһованын Шаһидләринин а) зәлзәлә вә б) гасырғадан сонра, еләҹә дә в) вәтәндаш мүһарибәси заманы башгаларына неҹә тәсәлли вердикләрини вә дајаг олдугларыны ҝөстәрән нүмунәләр чәк. 6) Һәр биримиз мәсиһчи гардашлығымызын сәҹијјәви хүсусијјәти олан мәһәббәти һансы практики јолла тәзаһүр етдирә биләрик? (Јәһ. 13:35). 7) Падшаһлыг залларынын тикинтисиндә бирҝә ишләмәк һансы хејир-дуалар ҝәтирир? 8) Неҹә олду ки, гардашларымыз Шәрги Авропада вә Русијада гадаға алтында оларкән руһән сағ галдылар? 9) Бир чох Шаһидләр конгресләрдә иштирак етмәк үчүн вар-ҝүҹләри илә неҹә сәј ҝөстәрмишдиләр вә нәјә ҝөрә? 10) Бу филм а) баҹы-гардашларла бирҝә мәсиһчи јығынҹағында Јеһоваја ибадәт етмәкдә, б) еһтијаҹы олан инсанлара көмәк етмәкдә вә в) һәр јердә вә һәр заман хош хәбәри мүждәләмәкдә гәтијјәтини неҹә мөһкәмләндирди? 11) Бу дискдән хидмәтдә неҹә вә нә заман истифадә едә биләрик?
Мәсиһчи гардашлығынын бир һиссәси олмағымызын әсас сәбәби Јеһоваја олан мәһәббәтимиздир. Ону јахындан танымаг вә инсанлара Онун һаггында данышмаг бизә бөјүк зөвг верир. Биз Јеһова Аллаһын севдији инсанлары севирик. Дар ҝүндә онлара көмәк едәндә бунун әвәзиндә Аллаһдан мүкафат ҝөзләмирик. Шүкүр олсун Јеһоваја ки, бизә бу ҝөзәл гардашлығы бәхш едиб. Мәһәббәтин олмадығы дүнјанын ахыр ҝүнләри сона јетдикҹә ҝәлин даима үмумдүнја гардашлығымыза олан мәһәббәтимизи ҝөстәрәк.