Хатирә ҝеҹәсинә дәвәтнамәләрин пајланылмасы илә әлагәдар мартын 1-дән башланан кампанија
1. Хатирә ҝеҹәси илә әлагәдар дәвәтнамәләр нә вахт пајланмаға башланаҹаг вә нәјә ҝөрә кампанијанын вахты кечәнилкинә нисбәтән чох олаҹаг?
1 Һәр ил кечирилән кампанија бу ил ҹүмә ҝүнү мартын 1-дән башланылаҹаг. Бу кампанија заманы инсанлары бизимлә бәрабәр Хатирә ҝеҹәсиндә иштирак етмәјә дәвәт едәҹәјик. Хатирә ҝеҹәси мартын 26-да гејд олунаҹаг, бу исә о демәкдир ки, кампанијанын вахты кечәнилкинә нисбәтән бир аз чох олаҹаг. Бу, хүсусилә дә әразиси бөјүк олан јығынҹаглар үчүн даһа чох инсана дәвәтнамә вермәјә имкан јарадаҹаг.
2. Әразимизи ишләмәк үчүн һансы тәдбирләр ҝөрүлүб вә дәвәтнамәләри һарадан әлдә едә биләрик?
2 Тәшкилатчылыг. Ағсаггаллар саһәләри неҹә ишләмәјә вә евдә һеч ким олмајанда дәвәтнамә сахлајыб-сахламамаға даир ҝөстәриш верәҹәкләр. Әҝәр саһәмизи ишләдикдән сонра дәвәтнамәләр галарса, онда онлары күчәдә тәблиғ едәркән пајламаг олар. Хидмәт нәзарәтчиси гајғы ҝөстәрәҹәк ки, јығынҹагдакы әдәбијјат столунун үстүнә диҝәр әдәбијјатларла јанашы дәвәтнамәләр дә гојулсун, анҹаг дәвәтнамәләрин һамысыны бирдән јох, һиссә-һиссә гојмаг лазымдыр. Биз јалныз һәфтә әрзиндә пајлаја биләҹәјимиз гәдәр дәвәтнамә ҝөтүрмәлијик.
3. Дәвәтнамә верәркән нәји јадда сахламалыјыг?
3 Неҹә етмәли? Даһа чох инсана дәвәтнамә пајламаг үчүн јахшы оларды ки, мүмкүн гәдәр гыса тәгдимә едәк. Әлбәттә, ев саһиби сәмими сөһбәт едир вә ја суаллар верирсә, дәрһал ҝетмәјә тәләсмәк лазым дејил. Әҝәр һәфтәсонлары дәвәтнамә пајлајырыгса, јери дүшәндә журналлар да тәклиф едә биләрик. Мартын 2-дә диггәтимизи Мүгәддәс Китаб өјрәнмәси башламаға јох, дәвәтнамәләр пајламаға ҹәмләмәлијик.
4. Нәјә ҝөрә Хатирә ҝеҹәси әрәфәсиндә кечириләҹәк кампанијада ҹанла-башла иштирак етмәлијик?
4 Үмидварыг ки, Хатирә ҝеҹәсиндә чохлары бизә гошулаҹаглар. Хатирә ҝеҹәсиндә сөјләнәҹәк мәрузәдә Иса Мәсиһин ким олдуғу ачыгланаҹаг (1 Кор. 11:26). Мәрузәдә онун өлүмүн бизә һансы фајдасы олдуғу да изаһ олунаҹаг (Ром. 6:23). Һәмчинин бизим ону хатырламағымызын нә үчүн ваҹиб олдуғу вурғуланаҹаг (Јәһ. 17:3). Ҝәлин бу кампанијада биз дә ҹанла-башла иштирак едәк!