Новруз бајрамы

Баһарын ҝәлиши мүнасибәтилә гејд едилән Новруз бајрамы һаггында нә демәк олар? Алимләрин фикринҹә бу бајрамын тарихи гәдим Месопотамијадан башлајыр. Бабилдә јени ил нисан ајынын (март-апрел) 21-дә гејд едилирди. Бу бајрам, инсанын тәбиәт гүввәләринә ситајишини характеризә едирди. Новруз сонралар Зәрдүштлүкдә (ода ситајиш) өзүнә јер тапмышдыр. Атәшпәрәстләрин әсас бајрамларындан бири олан Новруз «гышын сону, јазын башланғыҹы вә әҹдадларын руһунун јад едилмәси» илә бағлы иди. Бир Британија алими гејд едир ки, Зәрдүштлүкдә бу бајрам һәмчинин онларын ҝүҹ вә гүввә мәнбәји һесаб едиб ситајиш етдикләри одла әлагәли иди. Сонралар Зәрдүштлүјүн бу ајинләри ҝениш јајылмаға башлады. Гәдим Азәрбајҹан әразисиндә Новруз ҝүнү мәбәдләрдә ода ситајиш мәрасимләри кечириләрди. Евләрин дамында мәшәл, һәјәтләрдә тонгал, сүфрәләрдә шам јандырыларды. Зәрдүштләрин бир чох башга адәтләри дә ҝүнүмүзә гәдәр сахланылмышдыр. Мәсәлән, онлар габлары буғда вә арпа тохуму илә долдурар, үзәринә су төкәр вә бөјүдүб евдә ҝөрүнән бир јерә гојардылар. «Зәрдүштләр бајрам заманы сүфрәјә ширнијјатлар вә чохалманын символу сајылан јумурта гојурдулар ки, бу да мүасир Новруз бајрамынын әсас атрибутларындандыр».

Сөзсүз, мәсиһчиләр бу мәсәләдә Мүгәддәс Китаб принсипләринә ујғун давранмаға чалышырлар. 1 Коринфлиләрә 10:20—22 ајәләриндә дејилир: «Башга милләтләр гурбанлары Аллаһа јох, ҹинләрә ҝәтирирләр. Мән исә истәмирәм ки, сиз ҹинләрлә ортаг оласыныз. Сиз һәм Јеһованын ҹамындан, һәм дә ҹинләрин ҹамындан ичә билмәзсиниз. Сиз һәм “Јеһованын сүфрәсиндән”, һәм дә ҹинләрин сүфрәсиндән јејә билмәзсиниз. Јохса “Јеһованы гәзәбләндирмәк” истәјирик? Мәҝәр биз Ондан ҝүҹлүјүк?»