Хатирә ҝеҹәсинә ҹанла-башла һазырлаш
1. Хатирә ҝеҹәси әрәфәси нә үчүн хүсуси вахтдыр?
1 Чәршәнбә ахшамы 26 март тарихиндә кечириләҹәк Хатирә ҝеҹәси Аллаһын хилас тәдбиринә севинмәк үчүн әсаслы сәбәбдир (Јешаја 61:10). Гаршыдан ҝәлән мәрасим әрәфәсиндә үрәјимиздә белә әһвал-руһијјәнин олмасы бизә бу мәрасимә јахшы һазырлашмаға көмәк едәҹәк. Неҹә?
2. Хатирә ҝеҹәсинә һазырлашмаға бизи нә тәшвиг едир?
2 Хатирә ҝеҹәсинә һазырлаш. Ағамызын шам јемәји садә шәкилдә кечирилир. Бунунла белә, һәр шеј габагҹадан планлашдырылыр ки, ваҹиб ҝөстәришләр јаддан чыхмасын (Сүл. мәс. 21:5). Бунун үчүн вахт вә мүнасиб јер габагҹадан сечилмәли, лазым олан символлар тапылмалы, еләҹә дә ҝөрүшүн кечириләҹәји јер тәмизләнмәли вә һазыр вәзијјәтдә сахланылмалыдыр. Дәвәт олунмуш натиг јахшыҹа һазырлашмалы, хидмәтчиләр вә символлары верәҹәк гардашлар габагҹадан мәлуматландырылмалыдырлар. Шүбһә јохдур ки, бунларын әксәријјәти артыг едилиб. Хилас етмәјә гадир олан фидјә гурбанлығына олан миннәтдарлығымыз бизи бу мүгәддәс тәдбирә даһа јахшы һазырлашмаға тәшвиг едир (1 Пет. 1:8, 9).
3. Үрәјимизи Ағамызын шам јемәјинә неҹә һазырлаја биләрик?
3 Үрәјини һазырла. Хатирә ҝеҹәсинин маһијјәтини дәрк етмәк үчүн үрәјимизи һазырламаг да олдугҹа ваҹибдир (Езра 7:10). Бунун үчүн Хатирә Ҝеҹәси илә әлагәдар Мүгәддәс Китабдан хүсуси парчалары арашдырмаға вә Исанын јер үзүндәки һәјатынын сон ҝүнләри барәдә дүшүнмәјә вахт ајырмалыјыг. Исанын фәдакарлығы үзәриндә дүшүнмәк бизи ону тәглид етмәјә тәшвиг едәҹәк (Галат. 2:20).
4. Фидјәнин һансы фајдасы сәнә бөјүк севинҹ ҝәтирир?
4 Мәсиһин өлүмү Јеһованын али һөкмранлығы бәраәт газандырыр. Бизи исә ҝүнаһ вә өлүмдән азад едир (1 Јәһ. 2:2). Бу фидјә Јеһова илә сүлһ мүнасибәтләри гурмаға имкан јарадыр вә әбәди һәјата јол ачыр (Колос. 1:21, 22). О һәмчинин Јеһоваја һәср олунмамыза мүвафиг јашамаг вә Мәсиһин шаҝирди олараг галмаг гәтијјәтимизи мөһкәмләндирир (Мат. 16:24). Беләликлә, гаршыдан ҝәлән Хатирә ҝеҹәсинә һазырлашмаг вә орада иштирак етмәк севинҹимизи артыра биләр.