Хатирә ҝеҹәсинә һазырлашырсыныз?
Ерамызын 33-ҹү илинин нисан ајынын 13-ү иди. Иса билирди ки, едам едиләҹәк, ән јахын достлары илә кечирмәк үчүн ҹәми бир ҝеҹәси галыб. Иса онларла ахырынҹы дәфә Пасха бајрамыны кечирәҹәк вә јени бир мәрасими — Ағанын шам јемәјини тәсис едәҹәкди. Сөзсүз ки, белә әламәтдар тәдбир үчүн һазырлыг ҝөрмәк тәләб олунурду. Буна ҝөрә дә о, Бутрусла Јәһјаны һазырлыглар ҝөрмәјә ҝөндәрди (Лука 22:7—13). О вахтдан етибарән Хатирә ҝеҹәсини гејд едән мәсиһиләр бу мәрасим үчүн һәр ил һазырлыг ҝөрүрләр (Лука 22:19). Бу ил апрелин 3-ү гејд едиләҹәк Хатирә ҝеҹәсинә һансы һазырлыглар ҝөрүлмәлидир?
Тәблиғчиләрин ҝөрәҹәји һазырлыглар:
Хатирә ҝеҹәси илә әлагәдар кампанијада там иштирак етмәк үчүн ишләринизи планлашдырын.
Мүгәддәс Китабы өјрәтдијиниз адамларын, гоһумларынызын, мәктәб вә иш јолдашларынызын вә башга танышларынызын сијаһысыны тутун, сонра онлары дәвәт един.
Мүгәддәс Китабдан Хатирә ҝеҹәси илә әлагәдар олан парчалары охујуб үзәриндә дүшүнүн.
Хатирә ҝеҹәси вахты гонаглары гаршылајын.