Ушагларыныза тәлим вермәк үчүн веб-сајтымыздан истифадә един
1. Веб-сајтымыздакы «Ушаглар» бөлмәси һансы мәгсәдә хидмәт едир?
1 Рәсми веб-сајтымыз (jw.org) елә тәртиб олунуб ки, истәнилән јашда инсаны ҹәлб едир. Веб-сајтымызда «Ушаглар» бөлмәси (Мүгәддәс Јазыларын тәлимләри > Ушаглар) ушаглара вә валидејнләринә бир-бирләри илә, еләҹә дә Јеһова илә мүнасибәтләрини мөһкәмләндирмәјә көмәк едир (Ганун. т. 6:6, 7). Ушагларынызы өјрәтмәк үчүн сиз бу бөлмәдән неҹә истифадә едә биләрсиниз?
2. Ушағынызын јашына ујғун материалы неҹә сечә биләрсиниз?
2 Ујғунлашмаға чалышын. Һәр ушағын өз тәләбаты вар (1 Кор. 13:11). Бәс онда сиз ушағынызын јашына ујғун материалы неҹә сечә биләрсиниз? Өзүнүздән сорушун: «Ушағым үчүн нә мараглы ола биләр? О нә гәдәр гавраја биләр? О нә гәдәр вахт әрзиндә отуруб гулаг аса биләр?» Үч јаша гәдәр олан ушагларла «Балаҹалар үчүн» бөлмәсиндәки мөвзулары арашдырмаг олар. Һәмчинин «Ушагларынызы өјрәдин» бөлмәсиндәки Мүгәддәс Китаб һекајәләрини арашдырын. Бундан әлавә, нөвбәти бөлмәләрә дә нәзәр сала биләрсиниз.
3. Валидејнләр «Аиләви ибадәт үчүн» бөлмәсиндәки һекајәләрдән вә тапшырыглардан неҹә истифадә едә биләрләр?
3 Аиләви ибадәт үчүн. Бу бөлмәдә валидејнләрин ушаглары илә бирҝә арашдырмалары үчүн вәсаитләр вар. Һекајәләри вә тапшырыглары истифадә етмәји өјрәнмәк үчүн «Јүклә» дүјмәсини басын вә «Валидејнләрә рәһбәрлик» сәһифәсини охујун. Ушагларынызы өјрәтмәк үчүн шәкилли тапшырыглардан, мәсәлән, рәнҝләмәк үчүн олан шәкилләрдән истифадә един. Бир аз бөјүк ушаглара исә «Ушаглар, билијинизи артырын!» сәһифәсиндәки тапшырыглары јеринә јетирмәјә көмәк един. Һәр бөлмәдәки тапшырыглар ејни Мүгәддәс Китаб һекајәсинә әсасланыб. Белә ки, истәнилән јашда олан ушаг аиләви ибадәтдән фајдалана биләр.
4. «Јеһованын досту ол» бөлмәсиндән неҹә фајдалана биләрик?
4 Јеһованын досту ол. Сајтымызын бир чох дилләрдә олан бу бөлмәсиндәки видеолар, маһнылар вә тапшырыглар Аллаһын Кәламыны өз көрпәләринә ашыламагда валидејнләрә көмәк едир (Ганун. т. 31:12). Гысаметражлы анимасија филмләринин һәр бириндә ваҹиб ибрәт дәрси вар. Ахтарыб тапмагла бағлы ојунлар бу дәрсләрин ваҹиблијини вурғулајыр. Ушаглар маһны охумағы хошладығындан вә маһнылар ушаглара өјрәндикләрини јадда сахламаға көмәк етдијиндән мүнтәзәм олараг сајтымыза Падшаһлыг маһнылары, еләҹә дә хүсуси олараг ушаглар үчүн јазылмыш маһнылар јерләшдирилир.
5. Ушагларына һәгигәти өјрәтмәк үчүн валидејнләр нәјә ҝөрә Јеһовадан көмәк истәмәлидирләр?
5 Валидејнләр, Јеһова истәјир ки, сиз јахшы ата-ана оласыныз. Буна ҝөрә дә ушагларыныза һәгигәти өјрәтмәк үчүн Јеһовадан көмәк истәјин (Һак. 13:8). Јеһованын көмәји сајәсиндә сиз өвладларыныза Мәсиһ Исаја иман васитәсилә хиласа јетишмәк үчүн һикмәтли олмаға көмәк едә биләрсиниз (2 Тим. 3:15; Сүл. мәс. 4:1—4).