Нүмунә үчүн тәгдимәләр

Јеһованын Шаһидләри јалныз өз динләринин дүзҝүн олдуғуну һесаб едирләр?

«Мүгәддәс Китаб Аллаһын бүтүн ибадәт формаларыны гәбул етдијини өјрәтмир. Ефеслиләрә 4:5 ајәсиндә “бир Аға, бир иман” олдуғу дејилир. Иса пејғәмбәрин бир һикмәтли сөзү вар: “Һәјата апаран гапы дар, јол исә енсиздир вә бу јолу аз адам тапыр... Мәнә: “Ағам, Ағам”, — дејән һәр кәс сәмави падшаһлыға ҝирмәјәҹәк, јалныз ҝөјдәки Атамын ирадәсини јеринә јетирән ора ҝирәҹәк” (Мат. 7:13, 14, 21; һәмчинин бах: 1 Коринфлиләрә 1:10)».

Јахуд белә демәк олар: Мүгәддәс Јазылар һәгиги мәсиһчиләрин тәлимләрини дөнә-дөнә «һәгигәт», мәсиһчилији исә «һәгигәт јолу» адландырыр (1 Тим. 3:15; 2 Јәһ. 1; 2 Пет. 2:2). Јеһованын Шаһидләри бүтүн тәлимләрини, давраныш нормаларыны вә тәшкилати мәсәләләри Мүгәддәс Китаба әсасландырырлар вә инанырлар ки, Мүгәддәс Китаб Аллаһын Кәламыдыр. Буна ҝөрә дә һәгигәт јолунда олдугларына әминдирләр. Онларын бу мөвгеји егоистлик дејил. Садәҹә онлар инанырлар ки, инсанын өз динини јохламасы үчүн ән дүзҝүн мејар Мүгәддәс Китабдыр. Онлар билдикләрини өзләриндә ҝизләтмирләр, өз етигадларыны башгалары илә дә бөлүшүрләр».