Вахтында ҝәлмәји вәрдиш ет
1. Дәгиглик мәсәләсиндә Јеһова һансы нүмунәни гојуб?
1 Јеһова һәмишә дәгигдир. Мәсәлән, О, хидмәтчиләринә вахтында көмәк едир (Ибр. 4:16). Һәмчинин руһани гиданы да «вахтлы-вахтында» верир (Мат. 24:45). Буна ҝөрә әмин ола биләрик ки, Онун гәзәб ҝүнү «ҝеҹикмәјәҹәк» (Һабаг. 2:3). Нә јахшы ки, Јеһова дәгиг Аллаһдыр! (Мәз. 70:5). Лакин мәшғул вә гејри-камил олдуғумуздан вахтында ҝәлмәк чәтин ола биләр. Вахтында ҝәлмәји нә үчүн вәрдиш етмәлијик?
2. Нәјә ҝөрә дәгиг олмағымыз Јеһоваја шәрәф ҝәтирир?
2 Әксәр инсанларын худбин вә тәмкинсиз олдуғу бу сон ҝүнләрдә дәгиг олмаг чох чәтиндир (2 Тим. 3:1—3). Буна ҝөрә дә мәсиһчиләр ишә, мәсулијјәтләринә, јығынҹаға гаршы дәгиг оланда бу, башгаларынын диггәтиндән јајынмыр вә Јеһоваја шәрәф ҝәтирир (2 Пет. 2:12). Ола билсин, биз ишә вахтында ҝедир, теократик ишләрә ҝеҹикирик. Маһны вә дуа илә башлајан мәсиһчи ҝөрүшләринә вахтында ҝәлмәклә сәмави Атамызы тәглид етмәк истәдијимизи ҝөстәририк (1 Кор. 14:33, 40).
3. Нәјә ҝөрә дәгиглик башгаларынын хејрини дүшүндүјүмүзү ҝөстәрир?
3 Дәгиг олмағымыз һәмчинин башгаларынын хејрини дүшүндүјүмүзү ҝөстәрир (Филип. 2:3, 4). Мәсәлән, јығынҹаглара, тәблиғ ҝөрүшләринә вахтында ҝәлсәк, башгаларынын нараһатчылығына сәбәб олмарыг. Јох әҝәр биздә ҝеҹикмәк вәрдиши варса, башгалары өз вахтымыза онларынкындан даһа чох дәјәр вердијимизи дүшүнә биләрләр. Дәгиглик әтрафымыздакы инсанларын дәјәр вердији етибарлы, диггәтҹил вә дүрүст олмағын тәзаһүрүдүр.
4. Чох вахт ҝеҹикириксә, нә едә биләрик?
4 Әҝәр чох вахт ҝеҹикирсәнсә, бунун сәбәбини мүәјјән ет. Өзүнә елә реал график гур ки, ишләрини вахтында битирә биләсән (Ваиз 3:1; Филип. 1:10). Јеһовадан көмәк истә (1 Јәһ. 5:14). Дәгиг олмаг Ганундакы ики ән бөјүк әмрә — Аллаһы вә јахыныны севмәк әмринә риајәт етмәјин үсулларындан биридир (Мат. 22:37—39).