Исанын нүмунәсини изләјин
1 Шаҝирд һазырламаг ишиндә иштирак едәндә јадда сахламалыјыг ки, нүмунәмиз бизи кәнардан мүшаһидә едәнләрә ҝүҹлү тә’сир ҝөстәрә биләр. Иса һәм сөзләри, һәм дә әмәлләри илә өјрәдирди. Исаны мүшаһидә едәнләр онун сә’јини, инсанлара мәһәббәтини, јалныз Атасынын адыны иззәтләндирмәк истәјини вә Онун ирадәсини јеринә јетирмәјә гәти гәрарлы олдуғуну ҝөрүрдүләр (1 Пет. 2:21).
2 Евдән-евә тәблиғ едәндә. Исанын нүмунәси кими, бизим нүмунәмиз дә хидмәтдә әмәкдашлыг етдијимиз мәсиһчиләрә тә’сир едир. Хидмәтдә сә’јлә иштирак етдијимизи ҝөрән јени вә тәҹрүбәси аз олан тәблиғчиләр өз хидмәтләринин кејфијјәти һагда дүшүнәҹәкләр. Онлар севинҹимизи вә инсанлара ҝөстәрдијимиз сәмими марағымызы ҝөрәндә, тәблиғдә бу ҹүр хүсусијјәтләри тәзаһүр етдирмәјин ваҹиб олдуғуну јадда сахлајаҹаглар. Мүгәддәс Јазылардан сә’јлә истифадә етдијимизи, тәкрар башчәкмәләр етдијимизи вә Мүгәддәс Китаб өјрәнмәси кечирдијимизи ҝөрәндә, онлар да белә давранмаға тәшвиг олунаҹаглар.
3 Мүгәддәс Китаб өјрәнмәси кечирәндә. Мүгәддәс Китабы өјрәтдијимиз инсанлар бизим һәрәкәтимизә хүсусилә диггәт јетирәҹәк. Мәсәлән, биз онлара өјрәнмәјә һазырлашмағын, ајәләрә бахмағын вә әсас фикирләрин алтындан хәтт чәкмәјин ваҹиблијини изаһ етсәк дә, онлар бизим неҹә һазырлашдығымыза фикир верәҹәкләр (Ром. 2:21). Әҝәр биз өјрәнмәјә там вахтында ҝәлириксә, онлар һансыса ишләрин Мүгәддәс Китаб өјрәнмәсинә мане олмасына јол вермәјәҹәкләр. Онлар, шүбһәсиз ки, хидмәт наминә етдијимиз фәдакарлығы вә мөһкәм иманымызы да ҝөрәҹәкләр. Тәәҹҹүблү дејил ки, Исанын нүмунәсини гәтијјәтлә изләјән мәсиһчиләрин өјрәтдији инсанлар да адәтән чалышган, сәмәрәли тәблиғчи олурлар.
4 Јығынҹаг ҝөрүшләриндә. Јығынҹаг ҝөрүшләриндә һәр бир мәсиһчинин өз нүмунәсилә өјрәтмәк имканы вар. Ҝөрүшләрә јени ҝәләнләр јығынҹагда ҝөрдүкләри ҝөзәл нүмунәдән фајдаланырлар. Онлар сәмими гардашлыг мүнасибәтинә, мәсиһчи бирлијинә, ләјагәтли ҝејим вә хариҹи ҝөрүнүшүмүзә диггәт јетирәҹәкләр (Мәзмур 133:1). Јығынҹаг ҝөрүшләринә сәдагәтлә ҝәлмәкдә вә иманымызы инсанлар гаршысында бәјан етмәкдә вердијимиз нүмунә дә диггәтләриндән јајынмајаҹаг. Ҝөрүшләримизә ҝәлән бир нәфәр, кичик јашлы гызын ситат ҝәтирилән ајәләри Мүгәддәс Китабдан неҹә ҹәлд тапдығыны вә онун охунмасына неҹә диггәтлә гулаг асдығыны мүшаһидә етмишдир. Бу гызын нүмунәси сајәсиндә һәмин адам Мүгәддәс Китабы өјрәнмәјә башлады.
5 Мүгәддәс Јазылар бизи бир-биримизин јахшы нүмунәсини тәглид етмәјә тәшвиг едир (Филип. 3:17; Ибр. 13:7). Буна ҝөрә дә јадда сахламалыјыг ки, әҝәр Исанын нүмунәсини диггәтлә изләјириксә, бу башгаларынын нәзәриндән јајынмајаҹаг вә онлара мүсбәт тә’сир едәҹәк. Буну дәрк едәрәк ҝәлин, 1 Тимотејә 4:16 ајәсиндәки сөзләрә ҹидди јанашаг: «Өзүнә вә вердијин тә’лимата диггәт јетир».
[Өјрәнилмә үчүн олан суаллар]
1. Иса һансы нүмунәни гојмушду?
2. Бизим нүмунәмиз хидмәтдәки әмәкдашымыза һансы саһәләрдә тә’сир едә биләр?
3. Мүгәддәс Китабы өјрәнәнләр биздән нә өјрәнә биләрләр вә онлар буну неҹә едә биләрләр?
4. Јығынҹаг ҝөрүшләриндә өз нүмунәмизлә нә өјрәдирик?
5. Нәјә ҝөрә нүмунәмизин әһәмијјәтсиз олдуғуну дүшүнмәмәлијик?