Пејғәмбәрләрдән нүмунә ҝөтүрүн — Наһум
1. «Наһум» китабындан нә өјрәнирик?
1 Гәдим Ниневанын харабалыглары сүбут едир ки, Наһумун пејғәмбәрлик етдији кими, Јеһова Өз дүшмәнләриндән гисас алыр вә һәтта гүдрәтли дүшмәнләр белә Онун гаршысында дура билмәзләр (Наһ. 1:2, 6). Наһумун пејғәмбәрлијини дәриндән арашдырмаг хидмәтимиз үчүн фајдалы олар.
2. Чатдырдығымыз хәбәрин хош олмасы үчүн нә едә биләрик?
2 Тәсәлли вә үмид хәбәри. «Наһум» китабыны охујанда илк бахышдан адама елә ҝәлә биләр ки, бурада анҹаг гәдим Ашшурун пајтахты Ниневаја чыхарылан һөкмдән бәһс олунур (Наһ. 1:1; 3:7). Лакин бу һөкм хәбәри Јеһованын халгына хош хәбәр ҝәтирир. Адынын мәнасы «тәсәлли верән» олан Наһум јәһуди гардашларыны тезликлә дүшмәнләриндән әсәр-әламәт галмајаҹағына, һәмчинин Јеһованын «дар ҝүндә [сығынаҹаг]» олдуғуна әмин едирди (Наһ. 1:7). Биз дә инсанлара хош хәбәри чатдырыб сығынаҹағы Јеһовада ахтармаға тәшвиг едирик (Наһ. 1:15).
3. Нүмунә чәкмәкдә Наһумдан нә өјрәнә биләрик?
3 Нүмунәләр чәк. Јеһовадан илһам алараг Наһум пејғәмбәр Ниневанын агибәтини елә ашшурлуларын өзләринин мәһв етдији Мисирин Фива (Но-Аммон) шәһәринин сонуна бәнзәтмишди (Наһ. 3:8—10). Биз дә киминләсә бу системин сону һагда данышанда Јеһованын һәр кәлмәсинин јеринә јетдијини ҝөстәрән Мүгәддәс Китаб пејғәмбәрликләрини вурғулаја биләрик. Мәсәлән, Јеһова Ниневанын бир ан ичиндә мәһв едиләҹәјини габагҹадан демишди. Вә буна сүбут олараг ерамыздан әввәл 632-ҹи илдә бабиллиләр вә мидијалылар Нинева шәһәринә һүҹум едәркән ҝүҹлү јағыш нәтиҹәсиндә Дәҹлә чајынын дашыб шәһәрин ашылмаз диварларыны дағытдығыны нүмунә чәкә биләрик (Наһ. 1:8; 2:6).
4. Хидмәтдә башадүшүлән дилдә данышмаг нә демәкдир?
4 Башадүшүлән дилдә даныш. Наһум ајдын вә образлы дилдә јазырды. Онун фикирләри башадүшүлән иди (Наһ. 1:14; 3:1). Онун кими, биз дә асан башадүшүлән дилдә данышмалыјыг (1 Кор. 14:9). Илк дәфәдән ҝәлишинин мәгсәдини ајдын изаһ ет. Мүгәддәс Китабы өјрәтдијин инсанын Јеһоваја вә Онун Кәламына иман етмәсинә, еләҹә дә дејилән мәлуматын шәхсән она һансы аидијјәти олдуғуну анламасына көмәк ет (Ром. 10:14).
5. Наһумун пејғәмбәрлији бизи нәјә әмин едир?
5 Наһумун Јеһованын сөзүнүн мүтләг јеринә јетәҹәјинә иман етмәси онун адыны дашыјан китабдан ајдын ҝөрүнүр. Шејтан системинин сону јахынлашдығы бир вахтда Јеһованын: «Бир даһа бәла чыхмаз», — сөзләри бизә тәсәлли верир (Наһ. 1:9).