Хидмәтдә jw.org сајтындан истифадә ет
Сајтымыз хош хәбәри «јерин уҹгарларынадәк» чатдырмагда әлимиздән тутан ҝөзәл васитәдир (Һәв. иш. 1:8). Инсанларын әксәријјәтинин jw.org сајтындан хәбәри јохдур. Тәблиғчи мәлумат вердикдән сонра онлар билирләр ки, белә бир сајт вар.
Бир сәјјар нәзарәтчи «Мүгәддәс Китабы өјрәнмәк нәјә ҝөрә ваҹибдир?» видеосуну сајтдан телефонуна јүкләјиб вә фүрсәт дүшәндә башгаларына ҝөстәрир. Мәсәлән, о, евдән-евә хидмәтә ҝедәндә белә дејир: «Мән инсанларла гысаҹа сөһбәт едиб үч ваҹиб суала ҹаваб тапмаға көмәк едирәм. Дүнја нә үчүн бу вәзијјәтә дүшүб? Аллаһ бунлары неҹә дәјишәҹәк? Вә буҝүнкү чәтинликләрин өһдәсиндән неҹә ҝәлә биләрик? Бу гыса видеода бу суаллар галдырылыр». Сонра гардаш видеону ҝөстәрир вә һәмсөһбәтинин реаксијасына бахыр. Һәгигәтән дә, видео о гәдәр мараглыдыр ки, инсанлар о битәнә кими ҝөзләрини ондан чәкә билмирләр. Сәјјар нәзарәтчи әлавә едир: «Ҝөрдүјүнүз кими сиз сајт васитәсилә Мүгәддәс Китаб өјрәнмәсини хаһиш едә биләрсиниз. Елә ҝәлмишкән сизә гысаҹа олараг Мүгәддәс Китаб өјрәнмәсинин неҹә кечирилдијини ҝөстәрә биләрәм». Ев сакини разылашанда, гардаш «Илаһи мүждә» брошүрасы васитәсилә буну ҝөстәрир. Јох әҝәр сакинин вахты јохдурса, о, буну ҝәлән дәфә ҝөстәрмәк үчүн вахт тәјин едир. Һәмчинин о, кофе ичмәк үчүн һансыса кафедә әјләшәндә јахында отуран инсанла меһрибанҹасына бир-ики кәлмә кәсәндән сонра бу үсулла тәблиғ едир. Бәс сән хидмәтдә jw.org сајтындан истифадә едирсән?