Хидмәтдә вахтынын гәдрини бил
Јеһованын Шаһидләри 2014-ҹү хидмәт илиндә тәблиғ ишинә 1 945 487 604 саат сәрф едибләр. Бу, бизим әлимизи әлимизин үстүнә гојуб отурмадығымызы, Јеһова Аллаһа хидмәт етдијимизи ҝөстәрир (Зәб. 110:3; 1 Кор. 15:58). Анҹаг вахт азалдығындан биз әлимиздән ҝәләни етмәлијик ки, тәблиғ етдијимиз вахт әрзиндә даһа чох адама шаһидлик верәк (1 Кор. 7:29).
Хидмәтдә вахтымызын гәдрини билмәк үчүн вәзијјәтә ујғунлашмағы баҹармалыјыг. Мәсәлән, әҝәр сән һәмишә хидмәтин һансыса нөвүндә бир саат вә ја артыг олурсанса, амма һеч кимә шаһидлик едә билмирсәнсә, инсанлары тапыб онларла сөһбәт едә билмәк үчүн дәјишиклик едә биләрсәнми? Дүздүр, әразидән әразијә шәраит дәјишир. Лакин зәрбән «боша чыхмасын» дејә нөвбәти мәсләһәтләр сәнә вахтынын гәдрини билмәјә көмәк едәҹәк (1 Кор. 9:26).
Ев-ев тәблиғ. Онилликләрдир ки, тәблиғчиләр, адәтән, хидмәтә ев-ев тәблиғдән башлајырлар. Анҹаг ҝүндүзләр бир чох инсанлар ишләдијиндән јахшы оларды ки, ев-ев тәблиғи ахшамүстү, әксәр инсанларын евдә олдуғу вахт едәсән. Ҝүндүз вахты исә күчәдә вә ја иш јерләриндә тәблиғ етмәк јахшы нәтиҹәләр верә биләр.
Иҹтимаи јерләрдә шаһидлик. Маса вә стендләр јығынҹағын әразиси дахилиндә, ҝедиш-ҝәлишин сых олдуғу күчәләрдә гојулмалыдыр. (Бах: «Мүгәддәс ибадәтимиз», 2013-ҹү ил ијул сајы, сәһ. 5.) Әҝәр иҹтимаи шаһидлик үчүн тәјин олунан јердә пијадаларын ҝедиш-ҝәлиши азалыбса, Јығынҹағын хидмәт комитәси маса вә стендләрин ҝедиш-ҝәлишин сых олдуғу јерләрә гојулмасына гәрар верә биләр.
Тәкрар сөһбәт вә Мүгәддәс Китаб дәрсләри. Јахшы олар ки, тәкрар сөһбәтләри вә Мүгәддәс Китаб дәрсләрини хидмәтин диҝәр нөвләри үчүн әлверишли олмајан вахтлара саласан. Мәсәлән, шәнбә ҝүнү сәһәр ев-ев тәблиғ әлверишлидирсә, јахшы олар ки, Мүгәддәс Китаб дәрсини кечмәји ҝүнортаја вә ја ахшама саласан. Хидмәтә ајырдығы вахт сәмәрәли кечсин дејә, тәблиғчи мараглананларла тәкрар сөһбәт етмәјә ҝәләндә һәмин әразидә јашајан өјрәнәнә дә дәрс кечә биләр.
Дүздүр, нә вахт хидмәт етмәјимиздән асылы олмајараг, биз һәмин вахты һесабата дахил едирик. Анҹаг хидмәтимиз сәмәрәли оланда севинҹимиз даһа да артыр. Әҝәр ҝүнүн һансыса саатында хидмәтин мүәјјән нөвүнүн сәмәрәли олмадығыны ҝөрүрсәнсә, онда башга нөвүнү сынагдан кечир. Бичинин Саһиби олан Јеһова Аллаһа дуа ет ки, хидмәтдә вахтынын гәдрини билмәк үчүн сәнә јол ҝөстәрсин (Мәт. 9:38).