Евдән-евә тәблиғ
1. Евдән-евә тәблиғлә әлагәдар һансы суал ортаја чыхыр вә нә үчүн?
1 «Һәгигәти јајмагда һәртәрәфли тәҹрүбәси оланлар разылашарлар ки, “Миниллијин шәфәги” китабы илә евдән-евә ҝетмәк, Һәгигәти тәблиғ етмәк үчүн ән еффектли үсулдур». «Сион Ҝөзәтчи Гүлләси»нин 1 ијул 1893-ҹү ил сајындан (инҝ.) ҝөтүрүлмүш бу сөзләр евдән-евә тәблиғин әһәмијјәтини вурғулајыр. Бүтүн дүнјада адамлар бу нөв фәалијјәтин Јеһованын Шаһидләринин фәргләндириҹи ҹәһәти олдуғуну ҝөрүрләр. Бә’зи өлкәләрдә инсанлары евдә тапмаг ҝет-ҝедә чәтинләшдији үчүн, бу үсул һәлә дә сәмәрәлидирми?
2. Евдән-евә тәблиғ етмәк үчүн Мүгәддәс Китабдан һансы әсас ҝәтирилир?
2 Мүгәддәс Китаба әсасланыр вә ваҹибдир. Евдән-евә тәблиғ Мүгәддәс Китаба әсасланыр. Иса Мәсиһ 70 шаҝирдини өјрәдиб ики-ики адамларын евләринә ҝөндәрди (Лука 10:5-7). Мүгәддәс Јазылара әсасән, Исанын өлүмүндән бир аз сонра онун шаҝирдләри «һәр ҝүн мә’бәддә вә евдән-евә тә’лим вермәкдән вә... мүждәләмәкдән ваз кечмирдиләр» (Һәв. иш. 5:42). Һәвари Павел дә сә’јлә евдән-евә тә’лим верирди (Һәв. иш. 20:20).
3. Евдән-евә тәблиғ етмәјин һансы үстүн ҹәһәтләри вар?
3 Евдән-евә тәблиғ хош хәбәри јајмагда бу ҝүн дә мүһүм үсул кими галмагдадыр. Онун сајәсиндә биз лајиг оланлары тәшкил олунмуш вә мүтәшәккил сурәтдә ‘ахтара’ биләрик (Мат. 10:11). Адәтән адамлар өзләрини евләриндә даһа сәрбәст һисс едирләр. Үзбәүз данышаркән — онларын сәсини ешитмәклә, үзләринин ифадәсини ҝөрмәклә, евләринин шәраитини мүшаһидә етмәклә — биз онларын гајғыларыны вә нә илә марагландыгларыны мүәјјән едә биләрик. Бунун сајәсиндә сөһбәтимизи давам етдирмәк асан олаҹаг.
4. Евдән-евә хидмәти даһа мүвәффәгијјәтли етмәк неҹә мүмкүндүр?
4 Шәхси сә’јләр. Һәвари Павел «Мүждә үчүн» ҝүҹүнү әсирҝәмирди (1 Кор. 9:23). Адамларын чоху евдә олан заман, мәсәлән, ахшамлар, истираһәт вә бајрам ҝүнләриндә тәблиғ етмәк үчүн ҹәдвәлимиздә дәјишиклик етмәк лазым ҝәлә биләр. Евдә олмајанлары дәфтәрчәнә гејд ет вә һәфтәнин башга ҝүнү, јахуд да ҝүнүн башга вахтында баш чәкмәјә чалыш.
5. Сәһһәти зәиф тәблиғчиләр евдән-евә тәблиғдә неҹә иштирак едә биләрләр?
5 Һәтта сәһһәти зәиф оланлар да евдән-евә тәблиғ едә биләрләр. Белә тәблиғчиләри онлар үчүн раһат олан евләрә апара биләрик. Бир баҹы тәнҝнәфәсликдән әзијјәт чәкир вә јарым саат әрзиндә јалныз бир адама баш чәкә билирди. Ону групла бирликдә хидмәтә дә’вәт едәндә о, неҹә дә фәрәһләнмишди!
6. Евдән-евә тәблиғдә мүнтәзәм иштирак етмәк нә үчүн лазымдыр?
6 Инди дә бир чох һәлим адамлар евдән-евә хидмәт заманы һај верирләр. Бир тәблиғчи гапыны дөјәндә белә ҹаваб ешитди: «Ҝәлин. Сизин ким олдуғунузу билирәм. Мән Аллаһа дуа етмишдим ки, кимисә мәнә көмәјә ҝөндәрсин вә бирдән сиз гапыны дөјдүнүз. Аллаһ мәни ешитди вә сизи ҝөндәрди». Демәли, Јеһова һәгигәтән дә бу тәблиғ үсулуна хејир-дуа верир (Мат. 11:19). Һәмишә чалыш ки, евдән-евә тәблиғдә мүнтәзәм иштирак едәсән.