Хидмәтдә пүхтәләшәк. Һәр кәсә тәблиғ ет

НӘ ҮЧҮН ВАҸИБДИР? Зәкәријјә пејғәмбәрлик етмишди ки, бүтүн халглардан олан, мүхтәлиф дилләрдә данышан инсанлар хош хәбәрә һај верәҹәкләр (Зк 8:23). Бәс хош хәбәри онлара ким чатдыраҹаг? (Рм 10:13—15). Бу шәрәфли вә мәсулијјәтли иш һәр биримизә һәвалә олунуб (od с. 84, абз. 10, 11).

НЕҸӘ ЕТМӘЛИ?

• Һазырлаш. Тәблиғ етдијин әразидә башга дилдә данышан инсанлар вар? «JW Language» тәтбигетмәсиндән истифадә едәрәк садә тәгдимат өјрәнә биләрсән. Јахуд мобил ҹиһазындан истифадә едәрәк һәмин инсана jw.org сајтында өз дилиндә даһа әтрафлы мәлуматы неҹә тапа биләҹәјини ҝөстәрә биләрсән

• Диггәтҹил ол. Ев-ев тәблиғ етсән белә, диҝәрләринә дә, мәсәлән, јолдан кечәнләрә, јахуд машында ҝөзләјәнләрә дә шаһидлик етмәк имканыны әлдән вермә. Иҹтимаи шаһидликдә иштирак едирсәнсә, диггәтли ол ки, тәблиғ етмәк фүрсәтини әлдән бурахмајасан

• Чалышган ол. Биринҹи дәфә ҝәләндә евдә һеч кими тапмасан да, јенә ҝәл. Чалыш һәр мәнзилдә киминләсә сөһбәт едәсән: ја ҝүнүн мүхтәлиф саатларында, ја да һәфтәнин мүхтәлиф ҝүнләриндә ҝәл. Евдә олмајан инсанлар хош хәбәри башга јолла да ешидә биләрләр, мәсәлән, мәктуб вә телефон васитәсилә, ја да күчәдә

• Марагланмаға давам ет. Мараг ҝөстәрән инсана тез мүддәтдә тәкрарән баш чәк. Әҝәр о, башга дилдә данышырса, һәмин дили билән тәблиғчи тап. Онун өз дилиндә данышан тәблиғчиләр онунла әлагә сахлајана кими о инсана баш чәк (od с. 93, 94, абз. 39, 40)

«ҺӘГИГӘТ ЈЕРИН УҸГАРЛАРЫНАДӘК ҜЕДИБ ЧАТЫР» АДЛЫ ВИДЕОЈА БАХЫН ВӘ АШАҒЫДАКЫ СУАЛЛАРА ҸАВАБ ТАПЫН:

• 

  Баҹы-гардашлар уҹгар әразиләрдә јашајан инсанлара тәблиғ етмәк үчүн һансы һазырлыглары ҝөрүрләр? (1Кр 9:22, 23).

• 

  Онлар һансы чәтинликләрлә үзләширләр?

• 

  Онлар һансы хејир-дуалары алырлар?

• Јашадығын әразидә даһа чох инсана тәблиғ етмәк үчүн сән нәләр едә биләрсән?