«Илаһи мүждә» брошүрү илә дәрс кечин
1. «Илаһи мүждә» брошүрү неҹә тәртиб олунуб?
1 «Мүгәддәс ибадәтимиз» вәрәгәсинин ијул сајында мүзакирә олундуғу кими, бизим әсас тәлим вәсаитләримиздән бири дә «Илаһи мүждә» брошүрүдүр. Орада ајәләр ситат ҝәтирилмир ки, ев саһиби ајәләри бирбаша Мүгәддәс Китабдан охусун. Бир чох тәлим нәшрләримиз елә тәртиб олунуб ки, ону тәкбашына охујуб өјрәнмәк олар, анҹаг бу нәшри мүтләг киминләсә арашдырмаг лазымдыр. Буна ҝөрә дә бу нәшри тәклиф едәндә дәрсин неҹә кечирилдијини ҝөстәрмәлијик. Онда ев сакини ҝөрәҹәк ки, Мүгәддәс Китабда неҹә бөјүк билик хәзинәси јатыр (Мәт. 13:44).
2. Илк ҝәлишимиздә «Илаһи мүждә» брошүрүндән неҹә истифадә едә биләрик?
2 Илк ҝәлишдә. Белә демәк олар: «Чохлары нараһат олур ки, ҝөрәсән, бу дүнјанын ахыры неҹә олаҹаг? Неҹә фикирләширсиниз, сизҹә, вәзијјәт дүзәләҹәк? [Ҹавабы динлә.] Мүгәддәс Китабда бизә үмид верән мүждә вар. Бу брошүрдә бәзи мөвзулара даир Мүгәддәс Китабда нә дејилдији јазылыб». Брошүрү она вер вә ахырынҹы сәһифәдәки мөвзулардан һансынын ону марагландырдығыны соруш. Сонра сечдији дәрсин биринҹи абзасыны онунла мүзакирә ет. Јахуд да өз сечдијин дәрсдән ев сакининә суал вериб онда мараг ојат. Сонра исә ҝөстәр ки, бу брошүрүн васитәсилә һәмин суала Мүгәддәс Китабдан неҹә ҹаваб тапмаг олар. Әҝәр һәмин дәрс jw.org сајтындакы видеоја ујғун ҝәлирсә, онда тәблиғчи ону өз тәгдимәсиндә ҝөстәрә биләр.
3. «Илаһи мүждә» брошүрүндән истифадә едәрәк неҹә дәрс кечилдијини изаһ ет.
3 Дәрси неҹә кечмәли? 1) Ев сакининин диггәтини әсас фикрә јөнәлтмәк үчүн нөмрәләнмиш вә гара һәрфләрлә јазылмыш суалы оху. 2) Суалын алтындакы абзасы оху. 3) Курсивлә јазылан ајәләри оху вә нәзакәтлә суаллар верәрәк ајәләрин нөмрәләнмиш суала неҹә ҹаваб вердијини ҝөстәр. 4) Әҝәр суалын алтында башга абзас да варса, 2-ҹи вә 3-ҹү аддымы тәкрарла. Әҝәр видео суала мүвафиг ҝәлирсә вә сән ону һәлә ев сакининә ҝөстәрмәмисәнсә, онда мүзакирә заманы буну ет. 5) Сонда ев сакинин баша дүшүб-дүшмәдијини јохламаг үчүн нөмрәләнмиш суалы бир дә вер.
4. Бу дәјәрли вәсаитдән мәһарәтлә истифадә етмәјә нә көмәк едәҹәк?
4 Бу дәјәрли вәсаитлә таныш ол. Һәр фүрсәтдә ондан истифадә ет. Һәр дәрсдән габаг дәрс кечдијин адам барәдә, дәрсдәки ајәләрлә мөвзуну неҹә изаһ едә биләҹәјин барәдә фикирләш (Мәс. 15:28; Һәв. 17:2, 3). Тәҹрүбән артдыгҹа, пүхтәләшдикҹә бу брошүр һәгигәти инсанлара өјрәтмәк үчүн севимли вәсаитләриндән биринә чевриләҹәк.