Хидмәтдә пүхтәләшәк. Камера вә домофон гаршысында тәблиғ

НӘ ҮЧҮН ВАҸИБДИР? Техника саһәсиндәки инкишафа вә ҹинајәткарлығын артмасына ҝөрә чохлары евинин гапысына камера вә ја домофон гурашдырыр. Ола билсин, үзүнү ҝөрмәдијимиз, амма бизи ҝөрән адама мүждәни тәблиғ етмәк бизә чәтин ҝәлир. Нөвбәти мәсләһәтләр камера вә ја домофон гаршысында әминликлә шәһадәт вермәјә көмәк едәҹәк.

НЕҸӘ ЕТМӘЛИ?

• Никбин олун. Бир чох ев сакинләри камера вә ја домофонла да сөһбәт едир

• Нәзәрә алын ки, бәзи камералар гапынын зәнҝи басылмаздан әввәл јазмаға башлајыр вә гапыја јахынлашдығыныз андан ев сакини сизи мүшаһидә едиб динләјә биләр

• Ев сакини ҹаваб верәндә үз-үзә данышырмыш кими камераја вә ја домофона данышын. Ҝүлүмсәјин, тәбии жестләрлә данышын. Ев сакининә үзбәүз нә дејәрдинизсә, ону да дејин. Үзүнүзү камераја чох јахын тутмајын. Ев сакини ҹаваб вермәсә, сәсли месаж сахламајын

• Нәзәрә алын ки, сөһбәт битәндән сонра да ев сакини сизи мүшаһидә едә вә динләјә биләр