“Сиз һамыныз гардашсыныз”
“Сиз өзүнүзә “Рабби” дедиртмәјин; чүнки сизин Мүәллиминиз бирдир... вә сиз һамыныз гардашсыныз” (МАТТА 23:8).
1. Һансы мәсәлә бизим диггәтимизә лајигдир?
ШӘРГ өлкәләриндән бириндә јашајан мәсиһчи бир гадын, австралијалы бир миссионердән садәлөвһлүклә сорушду: “Даһа чох кимә һөрмәт етмәк лазымдыр - миссионерә, јохса Бејт-елдә чалышана?” Һәмин гадын билмәк истәјирди ки, кимә даһа чох һөрмәт ҝөстәрмәк лазымдыр: башга өлкәдән ҝәлән миссионерә, јохса Ҝөзәтчи Гүлләси Ҹәмијјәтинин филиалында хидмәт едән јерли мәсиһчијә. Синфи мүхтәлифлијә бөјүк әһәмијјәт верән ҹәмијјәтин тәфәккүрүнү әкс етдирән бу садәлөвһ суал, миссионер үчүн ҝөзләнилмәз олду. Анҹаг нәзәрә алмаг ҝәрәкдир ки, “ким даһа бөјүкдүр” суалы, кимин даһа бөјүк вәзифәјә саһиб олдуғуну, кимдә даһа чох сәлаһијјәт вә нүфуз олдуғуну билмәк истәјиндән јараныр.
2. Биз иман гардаш-баҹыларымыза неҹә јанашмалыјыг?
2 Бу суал јени дејил. Һәтта Исанын шаҝирдләри дә, араларында кимин бөјүк олдуғу барәдә дәфәләрлә мүбаһисә етмишдиләр (Матта 20:20—24; Марк 9:33—37; Лука 22:24—27). Онлар да, биринҹи әсрдә иҹтимаи синифләрә кифајәт гәдәр бөјүк әһәмијјәт верән јәһуди ҹәмијјәтинә мәхсус идиләр. Белә ҹәмијјәти нәзәрдә тутараг, Иса өз шаҝирдләринә мәсләһәт верирди: “Сиз өзүнүзә “Рабби” дедиртмәјин; чүнки сизин Мүәллиминиз бирдир, о да Мәсиһдир вә сиз һамыныз гардашсыныз” (Матта 23:8). Мүгәддәс Китаб саһәсиндә алим олан Алберт Барнз гејд едирди ки, “мүәллим” мә’насыны дашыјан, дини титул олан “рабби” сөзү “бу титулу алан адамда мәғрурлуг вә үстүнлүк, бу титулу алмајан шәхсләрдә исә пахыллыг вә өзүнү икинҹи дәрәҹәли һесаб етмәк һисси јарадыр; бу титулун маһијјәти, “Мәсиһдә садә олмаға” тамамилә зиддир”. Буна ҝөрә дә мәсиһчи нәзарәтчиләринә, “ағсаггал” сөзүнү тә’рифли бир титул хүсусунда истифадә едәрәк, “филанкәс ағсаггал” дејә мүраҹиәт едилмир (Ејуб 32:21, 22). Бунунла бәрабәр, Исанын вердији мәсләһәтин руһуна ујғун сурәтдә јашајан ағсаггаллар, Јегованын өз сәдагәтли хидмәтчиләринә, Исанын исә өз давамчыларына һөрмәт ҝөстәрдикләри кими, јығынҹағын диҝәр үзвләринә һөрмәт едирләр.
Јегованын вә Исанын нүмунәси
3. Јегова өзүнүн руһани варлыгларына неҹә һөрмәт ҝөстәрирди?
3 Јегова, “Һагг-Тәала Аллаһ” олдуғуна бахмајараг, јаратдығы варлыглары өз ишләриндә иштирак етмәјә ҹәлб етмәклә, ән башланғыҹдан онлара һөрмәт ҝөстәрмишдир (Мәзмур 83:18, ЈД). Јегова, илк инсаны јарадан заман, Она “маһир ишчи” кими хидмәт едән ваһид Оғлуну бу ишә ҹәлб етмишдир (Сүлејманын мәсәлләри 8:27—30, ЈД; Тәквин 1:26). Гәддар падшаһ олан Аһабы мәһв етмәк гәрарына ҝәлдикдә исә, Јегова өз мәләкләринә бујурду ки, буну даһа јахшы етмәк барәдә өз фикирләрини сөјләсинләр (1 Краллар 22:19—23).
4, 5. Јегова инсанлара неҹә һөрмәт ҝөстәрир?
4 Јегова, Каинатын али Һөкмдарыдыр (Тәснијә 3:24). Онун инсанларла мәсләһәтләшмәјә еһтијаҹы јохдур. Буна бахмајараг Јегова, онлара диггәт јетирмәк үчүн, демәк олар ки, ашағы әјилирди. Мәзмурчу охујурду: “Ҝөјләрдә вә јердә оланлара бахмаға әјилән, јүксәкләрдә јашајан, Аллаһымыз Рәб кими ким вар? Дүшкүнү торпагдан галдырыр” (Мәзмур 113:5—8).
5 Јегова, Содом вә Һоморраны мәһв етмәздән әввәл, Ибраһимин суалларыны динләмиш вә онун әдаләт һиссини тә’мин етмишдир (Тәквин 18:23—33). Јегова әввәлҹәдән билирди ки, Ибраһимин хаһишләри вәзијјәти дәјишмәјәҹәк, анҹаг јенә дә ону сәбрлә динләди вә онун фикирләрини нәзәрә алды.
6. Јегова, Һабаккукун суалына ҹаваб вермәклә она һөрмәт етдикдә, Һабаккукук нә һисс етди?
6 Јегова һәмчинин: “Ја Рәб, нә вахта гәдәр имдада чағыраҹағам да сән ешитмәјәҹәксән?” дејә сорушан Һабаккуку да динләмишдир. Јегова бу суалы өз һакимијјәтинә гаршы бир тәҹавүз кими гәбул етдими? Хејр, Јегова Һабаккукун чашыб галмасыны әсаслы санды вә Өз һөкмүнү јеринә јетирсинләр дејә “килданиләри ајаға” галдырмаг нијјәтиндә олдуғуну она ашкар етди. О, пејғәмбәри әмин етди ки, габагҹадан билдирдији мәһкәмә “мүтләг ҝәләҹәк” (Һабаккук 1:1, 2, 5, 6, 13, 14; 2:2, 3). Јегова, нараһат олан Һабаккукун сөзләринә ҹидди јанашмагла вә ҹаваб вермәклә, она һөрмәт ҝөстәрмиш олду. Нәтиҹәдә, үмидсиз галан пејғәмбәр үрәкләнди, севинҹлә долду вә хиласкары олан Аллаһа там е’тибар һисси дујду. Бу, Јеговаја бу ҝүн олан е’тибарымызы мөһкәмләндирән Һабаккукун Аллаһдан илһам алмыш китабында әкс едилир (Һабаккук 3:18, 19).
7. Ерамызын 33-ҹү или Пентикост ҝүнү Петерин иштиракында диггәтәлајиг олан нә иди?
7 Башгаларына һөрмәт ҝөстәрмәкдә Иса Мәсиһ дә ҝөзәл нүмунә вермишдир. Иса өз шаҝирдләринә дејирди: “Ким Мәни инсанлар гаршысында инкар едәрсә, Мән дә ону ҝөјләрдә олан Атамын гаршысында инкар едәрәм” (Матта 10:32, 33, ӘҸ—93). Амма әлә верилән ҝеҹә шаҝирдләринин һамысы ону тәрк етдиләр, һәвари Петер исә үч дәфә ону инкар етди (Матта 26:34, 35, 69—75). Лакин Иса, үздә оланы ҝөрмәклә бәрабәр, Петерин ҝизли һиссләринә, јә’ни онун дәриндән пешман олдуғуна да диггәт јетирди (Лука 22:61, 62). Ҹәми 51 ҝүндән сонра Мәсиһ, пешман олан һәваријә һөрмәт ҝөстәрәрәк, Пентикост ҝүнүндә 120 шаҝирдин адындан чыхыш етмәјә вә “Ҝөјләр Падшаһлығынын” илк “ачарыны” истифадә етмәјә она иҹазә верди (Матта 16:19, ӘҸ—93; Һәвариләрин ишләри 2:14—40). “Дөнүб өз гардашларына гүввәт” вермәк үчүн Петерә фүрсәт верилди (Лука 22:31—33).
Аилә үзвләринә һөрмәт ҝөстәрмәк
8, 9. Әр, өз арвадына һөрмәт ҝөстәрәрәк, Јеговадан вә Исадан неҹә нүмунә ҝөтүрә биләр?
8 Аллаһын вердији сәлаһијјәти һәјата кечирәрәк, әрләр вә валидејнләрин, Јеговадан вә Иса Мәсиһдән нүмунә ҝөтүрмәләри дүзҝүн оларды. Петер белә нәсиһәт верирди: “Еј әрләр, һәмчинин сиз дә арвадларынызла илтифатлы давранын. Онлар зәиф ҹинс... олдугларындан онлара һөрмәт ҝөстәрин” (1 Петер 3:7). Тахта габдан даһа зәриф олан чини габла давранышынызы тәсәввүр един. Сиз ону чох еһтијатла ҝөтүрәрсиниз, елә дејилми? Буна ҝөрә дә әр, Јеговадан нүмунә ҝөтүрәрәк, аилә ишләринин һәллиндә арвадынын фикринә гулаг асмалыдыр. Унутмајаг ки, Ибраһимлә сөһбәт етмәјә Јегова вахт ајырды. Гејри-камил инсан олан әр, мүәјјән бир шеји нәзәрдән гачыра биләр. Бу сәбәбдән, арвада һөрмәт ҝөстәрмәк, јә’ни онун фикрини сәмимиликлә нәзәрә алмаг мүдриклик олмаздымы?
9 Кишинин арвад үзәриндә ағалыг етмәси адәт олан өлкәләрдә, әр јадда сахламалыдыр ки, өзүнүн ән ҝизли һиссләрини сөјләмәк, бәлкә арвад үчүн бир о гәдәр дә асан дејил. Јер үзүндә оларкән, ҝәләҹәкдә өзүнүн “ҝәлин” синфинә мәхсус олаҹаг шаҝирдләри илә Иса Мәсиһин неҹә даврандығындан нүмунә ҝөтүрүн. Иса онларын гәдрини билирди, онларын физики вә руһани мәһдудијјәтләрини нәзәрә алырды, һәтта шаҝирдләри сөјләмәздән габаг онларын тәлабатларыны тә’мин едирди (Марк 6:31; Јәһја 16:12, 13; Ефеслиләрә 5:28—30). Бундан башга, арвадынызын сизин вә аиләниз үчүн етдији ишләрә фикир верин, сөз вә әмәлинизлә она миннәтдарлығынызы билдирин. Унутмајын ки, Јегова Аллаһ вә Иса ләјагәтли адамлары гијмәтләндирир, тә’рифләјир вә хејир-дуа верирдиләр (1 Краллар 3:10—14; Ејуб 42:12—15; Марк 12:41—44; Јәһја 12:3—8). Шәргдән олан мәсиһчи бир гадын, әри, Јегованын Шаһиди олдугдан сонра дејир: “Әввәлләр әрим үч-дөрд аддым мәндән габагда ҝедирди, һәр шеји исә мән дашыјырдым. Амма инди, чанталары о ҝөтүрүр вә евдә ҝөрдүјүм ишләр үчүн мәнә миннәтдарлығыны билдирир!” Сәмими миннәтдарлыг сөзләри, өзүнүн дәјәрли сајылдығыны һисс етмәкдә арвадыныза әһәмијјәтли дәрәҹәдә көмәк едир (Сүлејманын мәсәлләри 31:28).
10, 11. Јегованын үсјанкар Исраил халгы илә рәфтарындан валидејнләр нә өјрәнә биләрләр?
10 Ушагларла рәфтар едәндә, хүсусән дә мәзәммәт тәләб олунанда, валидејнләр Аллаһдан нүмунә ҝөтүрмәлидирләр. Јегова, “Исраилә вә Јәһудаја” хәбәрдарлыг етди ки, пис јолларындан дөнсүнләр, амма онлар “бојунларыны... сәртләшдирдиләр (2 Краллар 17:13—15). Исраиллиләр һәтта “ағызлары илә она јалтагландылар вә дилләри илә она јалан сөјләдиләр”. Валидејнләрин чоху һесаб едә биләрләр ки, өвладлары бә’зән өзләрини буна бәнзәр сурәтдә апарырлар. Исраиллиләр “Аллаһы... сынајырдылар”, Ону инҹидиб, тәһгир едирдиләр. Анҹаг Јегова мәрһәмәтли олду, “ҝүнаһы бағышлады” вә онлары “һәлак етмәди” (Мәзмур 78:36—41).
11 Јегова, һәтта исраиллиләрә мүраҹиәт етди: “Инди ҝәлин... давамызы ҝөрәк [“арамызда олан мәсәләләри мүзакирә едәк”, ЈД]; ҝүнаһларыныз гырмызы кими олса да, гар кими ағ олар” (Јешаја 1:18). Јегованын һаглы олдуғуна бахмајараг, О, үсјанкар халгы, һәр шеји өз јолуна гојмаға дә’вәт едирди. Бу, ушаглары илә рәфтар етмәкдә валидејнләр үчүн неҹә дә ҝөзәл нүмунәдир! Ҹидди проблем јарананда, ушагларынызы динләмәклә, онлара өз фикирләрини сөјләмәјә имкан верин вә нәјә ҝөрә дүзәлмәк лазым олдуғуна даир сүбутлар сөјләјин, бунунла да онларын мәнликләринә һөрмәт етдијинизи ҝөстәрмиш оларсыныз.
12. а) Нәјә ҝөрә биз өвладларымыза Јеговаја етдијимиздән артыг “һөрмәт” етмәмәлијик? б) Ушаглары данладығымыз заман, шәхси ләјагәтләринә һөрмәт етдијимизи онлара неҹә ҝөстәрмәк олар?
12 Әлбәттә ки, бә’зән ушаглара ҹидди сурәтдә нәсиһәт вермәк лазым ҝәлир. Валидејнләр, “өз оғулларына” Јеговаја етдијиндән артыг “һөрмәт едән” Ели кими олмамалыдырлар (1 Самуел 2:29). Ҝәнҹләр исә анламалыдырлар ки, ислаһедиҹи тәдбирләрин әсас сәбәби мәһәббәтдир. Ҝәнҹләр, валидејнләринин онлары севдикләрини һисс етмәлидирләр. Павел аталара нәсиһәт верир: “Еј аталар, сиз дә ушагларынызы гәзәбләндирмәјин, анҹаг онлары Рәббин тәрбијә вә нәсиһәти илә бөјүдүн” (Ефеслиләрә 6:4). Бурада әсас фикир ондан ибарәтдир ки, ата өз сәлаһијјәтини һәјата кечирәркән, ушагларын ләјагәтинә һөрмәт етмәли вә һәддиндән артыг сәрт давранышла онлары гәзәбләндирмәмәлидир. Бәли, ушағын шәхси ләјагәтини нәзәрә алараг давранмаг үчүн, вахт вә гүввә тәләб олунур, амма валидејн ҹәһдинин сәмәрәси һәр бир фәдакарлыға дәјәр.
13. Мүгәддәс Китаба әсасән, аиләнин јашлы үзвләринә неҹә мүнасибәт ҝөстәрмәк лазымдыр?
13 Аилә үзвләринә һөрмәт етмәк, арвадын вә ушагларын ләјагәтинә еһтирам етмәкдән даһа артыг шеји өзүнә дахил едир. Јапонларын белә бир аталар сөзү вар: “Гоҹаланда ушагларына гулаг ас”. Бу аталар сөзүндәки фикир ону ҝөстәрир ки, јаша долмуш ата вә ана өз валидејнлик сәлаһијјәтләриндән кәнара чыхмамалы вә јеткин јашлы өвладларынын фикрини нәзәрә алмалыдырлар. Ушаглары диггәтлә динләмәк вә бунунла да онлара һөрмәт ҝөстәрмәк Мүгәддәс Јазылара әсасланыр, ушаглар да, өз нөвбәләриндә аиләнин јаша долмуш үзвләринә һөрмәтсизлик ҝөстәрмәли дејилләр. Сүлејманын мәсәлләри 23:22 дејилир: “Ихтијар олдуғу заман ананы хор ҝөрмә”. Сүлејман падшаһ бу мәсәлә ујғун јашајырды вә анасы онун јанына хаһишлә ҝәлдији заман анасына һөрмәт ҝөстәрмишди. Анасы Батшеба отурсун дејә, Сүлејманын отурдуғу тахтын сағ тәрәфинә даһа бир тахт гојдулар вә Сүлејман, јаша долмуш анасынын сөзләрини диггәтлә динләди (1 Краллар 2:19, 20).
14. Биз, јығынҹағын јашлы үзвләринә неҹә һөрмәт ҝөстәрә биләрик?
14 Бизим руһани аиләмиздә исә, јығынҹағын јашлы үзвләрини “һөрмәтдә габагламаға” һәмишә имканымыз вар (Ромалылара 12:10). Бәлкә дә инди онлар, әввәлләр етдикләри гәдәр иш ҝөрә билмирләр вә бу онлары кәдәрләндирир (Ваиз 12:1—7). Мүалиҹәханада јатаг хәстәси олан, мәсһ едилмиш јашлы бир Шаһид гадын өзүнүн аҹы һиссләрини белә ифадә етди: “Мән нә заман өләҹәм ки, ишими ҝөјләрдә давам едә билим?” Јаша долмуш иман гардаш-баҹыларымызын хидмәтләрини е’тираф етмәјимизлә вә һөрмәт ҝөстәрмәјимизлә онлара көмәк едә биләрик. Исраиллиләрә әмр едилирди: “Ағ сачлынын гаршысында ајаға галхаҹагсан вә гоҹаја һөрмәт едәҹәксән” (Левилиләр 19:32). Јашлылара диггәт ҝөстәрәрәк, өзләринин ҝәрәкли вә дәјәрли олдугларыны онлара һисс етдирин. “Ајаға галхмаг” ифадәси, онларла бәрабәр отурмаг вә чох илләр габаг онларын нәјә наил олдуглары барәдә етдикләри сөһбәтә гулаг асмаг мә’насыны верә биләр. Биз белә етмәклә, јашлылара һөрмәт ҝөстәрәрик вә өз руһани һәјатымызы зәнҝинләшдирәрик.
“Һөрмәтдә габаглајын”
15. Ағсаггаллар јығынҹағын үзвләринә неҹә һөрмәт едә биләрләр?
15 Ағсаггаллар јахшы нүмунә оланда, јығынҹағын үзвләри руһән инкишаф едирләр (1 Петер 5:2, 3). Ағсаггалларын ишләри чох олса да, тәшәббүсү өз үзәрләринә ҝөтүрәрәк, проблемләринин олуб олмадығына бахмајараг ушаглара вә јенијетмәләрә, аилә башчыларына, тәнһа аналара, евдар гадынлара вә јашлылара гајғы ҝөстәрирләр. Ағсаггаллар јығынҹағын үзвләрини динләјирләр вә ҝөрдүкләри ишләр үчүн онлары тә’рифләјирләр. Руһани гардаш вә ја баҹынын етдији ишләрә тә’рифлә ҹаваб верән диггәтли ағсаггал, өзүнүн јер үзүндәки варлыгларыны гијмәтләндирән Јеговадан нүмунә ҝөтүрүр.
16. Биз нәјә ҝөрә һесаб етмәлијик ки, ағсаггаллар јығынҹағын диҝәр үзвләри илә ејни һөрмәтә лајигдирләр?
16 Јеговадан нүмунә ҝөтүрәрәк, ағсаггаллар, Павелин: “Гардашлыг севҝиси илә бир-биринизи шәфгәтлә севин; бир-биринизи һөрмәтдә габаглајын” сөзләрини иҹра етмәкдә ҝөзәл ибрәт дәрси верирләр (Ромалылара 12:10). Инсанлары тәбәгәләрә ајырмаг гәбул олунан өлкәләрдә јашајан ағсаггаллара белә давранмаг чәтин ола биләр. Мәсәлән, Шәрг өлкәләриндән бириндә “гардаш” мә’насыны верән ики сөз вар: бири һөрмәт, диҝәри исә ади мә’нада. Бу јахын вахтлара гәдәр јығынҹағын үзвләри, ағсаггаллара вә јашлы нәслин нүмајәндәләринә мүраҹиәт едәркән һөрмәт билдирән сөздән, јығынҹағын диҝәр үзвләринә мүраҹиәт етдикдә исә ади сөздән истифадә едирдиләр. Лакин онлары тәшвиг етдиләр ки, ади сөздән истифадә етсинләр, чүнки өз давамчылары барәдә Иса демишдир: “Сиз һамыныз гардашсыныз” (Матта 23:8). Бәлкә дә, башга өлкәләрдә белә фәргләндириҹи сөз јохдур, амма һамымыз јадда сахламалыјыг ки, инсанларда ајры-сечкилик етмәк мејили вар (Јагуб 2:4).
17. а) Ағсаггаллар нәјә ҝөрә садә олмалыдырлар? б) Јығынҹағын үзвләри илә рәфтар етмәкдә ағсаггаллар Јеговадан неҹә нүмунә ҝөтүрә биләрләр?
17 Доғрудур, Павел бизи бә’зи ағсаггаллара “икигат һөрмәт” етмәјә тәшвиг едир, амма онлар јенә дә гардаш олараг галырлар (1 Тимотејә 5:17). Әҝәр биз, Каинатын Һөкмдары олан “лүтфкар Аллаһын тахтына ҹәсарәтлә јахынлаша” билириксә, мәҝәр Јеговадан нүмунә алан ағсаггаллара јахынлаша билмәрикми? (Ибраниләрә 4:16; Ефеслиләрә 5:1). Ағсаггаллар, өзләринин нә дәрәҹәдә садә олдугларыны, мәсләһәт үчүн вә ја бир тәклифлә онлара нә гәдәр чох мүраҹиәт олундуғундан мүәјјән едә биләрләр. Ағсаггаллар, Јегованын башгаларыны өз ишләринә ҹәлб етмәк үсулундан нүмунә алмалыдырлар. Јегова, тапшырыг вермәклә, башгаларына һөрмәт ҝөстәрир. Һәтта диҝәр Шаһидин тәклифи әлверишли олмаса да, ағсаггаллар ҝөстәрилән мараға миннәтдар олдугларыны билдирмәлидирләр. Ибраһимин тә’кидли суалларына вә Һабаккукун фәрјадына Јегованын неҹә мүнасибәт ҝөстәрдијини хатырлајын.
18. Еһтијаҹы олан шәхсләри ислаһ едәндә, ағсаггаллар Јеговадан неҹә нүмунә ҝөтүрә биләрләр?
18 Бә’зән мәсиһчиләрин ислаһ олунмаға еһтијаҹлары олур (Галатијалылара 6:1). Лакин бунунла бәрабәр, һәмин мәсиһчиләр Јегованын ҝөзүндә дәјәрли галырлар вә лајагәтли мүнасибәтә лајигдирләр. Бир Шаһид дејир: “Әҝәр мәнә нәсиһәт верән шәхс мәнә һөрмәтлә јанашырса, она мүраҹиәт етмәк мәним үчүн асан олур”. Инсанларын әксәријјәти, онларла ләјагәтли рәфтар едиләндә, алдыглары мәсләһәтә ҹаваб верирләр. Әҝәр имандан узаглашан шәхси динләјирләрсә - буна исә чох вахт ҝедә биләр - лазым ҝәлән һәр бир мәсләһәти гәбул етмәк она асан олаҹаг. Шәфгәт һиссиндән ирәли ҝәләрәк, Јегованын исраиллиләрә дөнә-дөнә мүраҹиәт етдијини јада салын (2 Тарихләр 36:15; Титуса 3:2). Көмәјә еһтијаҹы оланлара шәфгәт вә анлајышла мәсләһәт вериләндә, бу һәмин адамлара дәрин тә’сир бағышлајыр (Сүлејманын мәсәлләри 17:17; Филипилиләрә 2:2, 3; 1 Петер 3:8).
19. Биз, мәсиһчи әгидәмизә шәрик олмајан инсанлара неҹә мүнасибәт ҝөстәрмәлијик?
19 Биз, ола билсин, ҝәләҹәкдә руһани гардаш-баҹыларымыз олаҹаг шәхсләрә дә һөрмәт ҝөстәрмәлијик. Һәтта һәмин инсанлар бизим сөјләдијимиз мүждәјә инди ҹаваб вермирләрсә дә, биз онлара гаршы сәбирли олмалы вә онларын мәнлијинә һөрмәт етмәлијик. Јегова “истәјир ки, һамы төвбәјә ҝәлсин вә кимсә һәлак олмасын” (2 Петер 3:9). Мәҝәр биз, Јегованын нөгтеји-нәзәринә шәрик олмалы дејиликми? Биз, әтрафымыздакы инсанлара гаршы һәмишә достҹасына мүнасибәт ҝөстәрмәјә чалышмагла, шәһадәтлик етмәјә шәраит јарада биләрик. Әлбәттә ки, руһани ҹәһәтдән тәһлүкәли олан үнсијјәтдән чәкинмәлијик (1 Коринфлиләрә 15:33). Бунунла бәрабәр, әгидәмизә шәрик олмајан инсанлара хор бахмадан, “инсанпәрвәрлик” ҝөстәрә биләрик (Һәвариләрин ишләри 27:3).
20. Јегованын вә Иса Мәсиһин нүмунәси бизи нәјә тәшвиг етмәлидир?
20 Бәли, Јегова вә Иса Мәсиһ бизим һәр биримизи һөрмәтә лајиг һесаб едирләр. Ҝәлин, онларын неҹә даврандыгларыны һәмишә јадда сахлајаг вә онлар кими, һөрмәт ҝөстәрмәкдә бир-биримизи габаглајаг. Ҝәлин Рәббимиз Иса Мәсиһин дедији: “Сиз һамыныз гардашсыныз” сөзләрини унутмајаг (Матта 23:8).
Сиз неҹә ҹаваб верәрдиниз?
• Иман гардаш-баҹыларымыза неҹә мүнасибәт ҝөстәрмәлијик?
• Јегованын вә Исанын нүмунәси, башгаларына һөрмәт ҝөстәрмәјә бизи неҹә тәшвиг едир?
• Әрләр арвадларына, валидејнләр исә өвладларына неҹә һөрмәт едә биләрләр?
• Мәсиһчиләрә өз гардаш-баҹылары кими јанашан ағсаггаллар неҹә давранаҹаглар?
[15-ҹи сәһифәдәки шәкил]
Миннәтдарлығынызы билдирәрәк, арвадыныза һөрмәт ҝөстәрин
[15-ҹи сәһифәдәки шәкил]
Ушагларынызы динләмәклә онларын ләјагәтинә һөрмәт един
[15-ҹи сәһифәдәки шәкил]
Јығынҹаг үзвләринин ләјагәтинә һөрмәт един