Охуҹуларын суаллары

Колослулара 1:16 ајәсиндә Аллаһын Оғлу барәсиндә јазылыб ки, «диҝәр шејләр... онун васитәсилә вә онун үчүн јараныб». Диҝәр шејләр һансы мәнада Аллаһын Оғлу Иса «үчүн» јараныб?

▪ Јеһова, Исадан башга, бүтүн диҝәр шејләри јарадаркән ондан, јеҝанә Оғлундан маһир уста кими истифадә етмишди (Сүл. мәс. 8:27—30; Јәһ. 1:3). Тәәҹҹүблү дејил ки, јарадылан һәр бир шеј Оғула севинҹ бәхш едир вә бу мәнада бүтүн бунлар «онун үчүн» јарадылыб.

Билдијимиз кими, валидејнләр дүнјаја ҝәтирдикләри өвладларынын — оғул вә гызларынын онлара севинҹ ҝәтирәҹәјинә үмид едирләр вә чох вахт бу белә дә олур. Мәсәлән, Мүгәддәс Китабда атасынын севҝисини газанмыш оғулдан бәһс едилир (Сүл. мәс. 3:12; 29:17). Буна бәнзәр тәрздә, Исраил халгы Јеһова Аллаһа садиг галанда Онун үрәјини севиндирирдиләр (Мәз. 44:3; 119:108; 147:11). О һәмчинин бу ҝүн дә Она садиг олан инсанларын сәдагәтиндән севинҹ дујур (Сүл. мәс. 12:22; Ибр. 10:38).

Буна ҝөрә дә Аллаһын әмәкдашы олан Исанын етдикләриндән севинҹ дујмасы тәбиидир. Сүлејманын мәсәлләри 8:31 ајәсиндә Аллаһын Оғлу белә сөзләр дејир: «Јаратдығы аләмә ҝөрә севинирдим, бәшәр өвладларына ҝөрә фәрәһләнирдим». Колослулара 1:16 ајәсиндә јазылан «диҝәр шејләр... онун васитәсилә вә онун үчүн јараныб» сөзләри мәһз бу мәнаны кәсб едир.